Levitiko 21:7 - Iaai Bible 1901 (New Caledonia)

⁷ Ca he odrin ka hok momo hnyi gethen, me hlu adre hia but okongoâ; kʼ adre me ca he ka hok momo a degec hnen âiân: anyin a odrin hnyat ae kap ka Khongudrin.

Levitiko 21:7 ပူးပေါင်းရင်းမြစ်များ

Genese 38:24

Ke helâke kun ta tehi adre me thumetu Juda, ka habe, a hia but bi ûnyi monu Tamara a ûngom; ke wâ bi, a erkin dut hnyi hnen hna bi unyi monu. Ke haingö Juda, ka habe, Hom but, mʼ adre me he ka thong degecâ.

Isaia 50:1

WALANG hna ha hnö Iehova, ka habe, Ewa tusiny thang faipoipo ge hinyöbun, waleji oge me degec e kâu? ke ewa at oge hia but ûcû öbun kâu unyin tavat oge me hom gufa gadra? Wâ bi, can hwakecibun ae kong adre ûcû öbun, kʼ adre me degec hinyöbun can hnobun hna hanyâûâ.

Ezekiela 44:22

Ke adre me ca he ka hom safac, me momo adre degec me hnân öiödra: ke adre me he ka hok hlu hnathu a je mâtrân lap anyi Isaraela, me ame ne safac âiân at bihut.

Levitiko 21:8

Ke u me he ka okabi odrin: anyin a odrin hnyat hudo an Khongom: odrin hnyat ae kap köu: anyin a inya Iehova ae kap at ame okabi öbun.

I. Timoteo 3:11

Helâe minya omomo he ka hnyokâ wisa, ca tavat ûhaiö, ke so he ka hok hnyok, me hnathu hnyi ta je ûnyi hia thithö.