Levitiko 21:6 - Iaai Bible 1901 (New Caledonia)

⁶ Odrin hnyat ae kap ka Khongudrin, ke odrin e ca he ka okongoâ ien Khongudrin: anyin a odrin e hudo je hut a an hnen meic kö Iehova, a an Khongudrin: anyin a wale odrin e he ka kap.

Levitiko 21:6 ပူးပေါင်းရင်းမြစ်များ

Ezera 8:28

Ke oge me ha ködrin, ka habe, Öbun e kap ut kö Iehova, ke kap ut je kaia; ke haba sileva me gol, adre me ka hamödra ham kö Iehova Khongon lakamöbun.

Esodo 19:22

Ke haba tavat bihut odrin e hakekeny kö Iehova, e so odrin e okabi odrin bi, wâ enyi gâ but Iehova ködrin.

Esodo 28:36

Ke u me he ka ânyâ ke wahano a gol! ae so, me kave hon helâ me hna kave ûnyi hnân bi haten, ka habe, e kap kö Iehova.

Esodo 29:44

Ke oge me he ka okabâ uma ûkhacaköu, me taben hut, ke oge me he ka okabi Arona me lakon, mʼ odrin e hnyat bihut könya.

Isaia 52:11

He thö, he thʼ öbun, he but ûhebun e, ca kâlâ bi ûnyi ae ikiki; he but ûnyi hnyi hnyin e; e so e kalaöt ut öbun, tavat öbun e kap tilâ je kaia anyi Iehova.

Ezekiela 44:7

waleji hnyi hnobun hna odilâ je atkanyaua, tavat adre me ca peritomonâ hnyok, ke adre ca peritomonâ unyidra, mʼ adre me he ka hnyi laba hnyi anyik dok ae kap, he ka okongoâ e, wale umök uma, öbun ka hom ok jeû, wale pipikhenya, me dra, ke adre hia but thamuâ hnok hna ûhihinyköu, he ka bi hanen ka hwakecibun ae kong.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Levitiko 18:21

Ke u me ca he ka hna lakom he ka he hnyi wanben meic kö Moleka, ke u me ca he ka okongoâ ien Khongom: Inya Iehova.

Levitiko 19:12

Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Levitiko 20:3

Oge me he ka wâ hmâ at eling me subâ degecâ e ûnyi hnyi iny hnyei; anyin a e ame ham nokon kö Moleka, me ame oikikiâ dok a kabik, me okongoâ iök ae kap.

Levitiko 21:17

Ha thö kö Arona, ka habe, Ame ne hu mâtrânâm hnyi anyidra je dö ae hu hnyikongon unyin, me e ame ca he ka hakekeny he ka hnyi hudo an Khongon.

Levitiko 21:21

e ba at hnyi je mâtrâni Arona at bihut, ame he ka hakekeny ka hudo je hut a an hnen meic kö Iehova a ne hu hnyikongon unyin: e at ae hu hnyikongon; e ame ca he ka hakekeny he ka hudo an Khongon.

Levitiko 21:23

Ke so bi e ame ca he ka dit ka hnyi hoton singiny, me hakekenyâ taben hut, anyin ae hu hnyikongon: me me ca he ka okongoâ je dok a kapik: anyin a inya Iehova at ame okabi odrin.

Levitiko 21:8

Ke u me he ka okabi odrin: anyin a odrin hnyat hudo an Khongom: odrin hnyat ae kap köu: anyin a inya Iehova ae kap at ame okabi öbun.

Levitiko 3:11

Kʼ ame he at bihut ka le hon taben hut: wale jeûiny hut a an ge meic kö Iehova.

Numera 16:5

ke e ame ha kö Kora mödrin hia a tha e mē, ka habe, Nyi ame he Iehova ka omanenâ lahien, me tavat ae i kap, me ohakekenyâ kâu: eke, haba at e ame ûca me e ame he ka ohakekenyâ kâu.

Numera 28:2

Hûna thö ka lakon Isaraela me ha ködra, ka habe, Haba hut könya, wale jeû hobi kâu je hut a an hnen meic me me bo so könya, me wale ûnyi öbun e he ka tuö he ka hudo könya hnyi je ûen adre thu.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ: