Levitiko 20:7 - Iaai Bible 1901 (New Caledonia)

⁷ Okabi öbun ju, mʼ öbun e kap: anyin a inya Iehova Khongubun.

Levitiko 20:7 ပူးပေါင်းရင်းမြစ်များ

Levitiko 11:44

Anyin a inya Iehova Khongubun: okabi öbun dö, mʼ öbun e he ka kap: anyin a iny kap: ke ca obokongi öbun bi ge ta je ûnyi ame iyâû eang hmelen.

Levitiko 11:45

Anyin a inya Iehova at ame hum öbun ûnyi hnyi hnyei Aigupito, me me he ka Khongubun: anyin a wale öbun e he ka kap, anyin a iny kap.

Levitiko 19:2

Ha thö ka ûkhacaköu hia anyin lakon Isaraela, me ha ködra, ka habe, Okabi öbun ju, anyin a inya Iehova Khongubun ae kap.

Levitiko 21:15

Ke e ame ca he ka okongoâ lakon ûnyi hnyi iny hnyei: anyin a inya Iehova at ame okabâ e.

Levitiko 21:23

Ke so bi e ame ca he ka dit ka hnyi hoton singiny, me hakekenyâ taben hut, anyin ae hu hnyikongon: me me ca he ka okongoâ je dok a kapik: anyin a inya Iehova at ame okabi odrin.

Levitiko 21:8

Ke u me he ka okabi odrin: anyin a odrin hnyat hudo an Khongom: odrin hnyat ae kap köu: anyin a inya Iehova ae kap at ame okabi öbun.

Efeso 1:4

helâ me hnen hna ûcʼ öta kâu, kʼ adre me tiga ca bi taben hmeledrany, mʼ ate me he bi ka kap me ba hnyikonguta hnyi hnyimakan hnyi ibetengiö:

Kolose 3:12

Anyin a wale, haba öbun je hna ûca hnen Khong, a wakap me laoûnykûminy, me so öbun e khavâ ibetengiö vec, me hwakecin ae so, me hnyok ae hnyikânâ, me hwakecin ae menyik, me hokhnyok beû hmâ;

I. Thesalonika 4:3

Ke walang weny Khong, a öbun e he ka kap, ka habe, e so öbun e ka ûsâkâûö but me bi ûnyi monu;

I. Thesalonika 4:7

Anyin a ca hawʼ öta Khong ka hnyi hwakecin ae ikiki, ke hnyi hwakecin bi ae kap.

Heberu 12:14

Hnu hoton dʼ öbun ûsoköu unyin tavat hia, me hwakecin ae kap, e ba at ame he ka wâ Than e ka hia e:

Josua 24:19

Ke Josua ame ha ka tavat, ka habe, E ca khanʼ öbun he ka bi athnyabai Iehova; anyin a e Khong ae kap; me Khong ame ciâ; e ame ca he ka hna anyibun hulö me anyibun je monu.

Josua 3:5

Ke haba Josua ame ha ka tavat, ka habe, Okabi öbun dö, anyin a haba bong nyi me Iehova ame he ka ânyâ unyibun ta je ûnyi hnân lâiâ.