Levitiko 20:3 - Iaai Bible 1901 (New Caledonia)

³ Oge me he ka wâ hmâ at eling me subâ degecâ e ûnyi hnyi iny hnyei; anyin a e ame ham nokon kö Moleka, me ame oikikiâ dok a kabik, me okongoâ iök ae kap.

Levitiko 20:3 ပူးပေါင်းရင်းမြစ်များ

Esodo 30:33

Ke haba at ame he ka ûhaniken ûnyi helâe, me ip hanen hon ke atkanyua, me adre me he ka ohia at e ûnyi hnyi iny hnyei.

Ezekiela 20:39

Ke haba öbun, lap anyi Isaraela lö, walang hna ha hnen Than Iehova, ka habe, Ve he thʼ öbun ka bi hluiny anyibun je idola, ke hwaban e öbun e ne ca ling nya; ke so bi, öbun e ca he hmetu bi ka okongoâ iök ae kap ge anyibun ta je bwihlany me anyibun je idola.

Ezekiela 5:11

Anyin a wale, kia inya, haingen Than Iehova, e hnathu anyin a u je okongoâ anyik dok ae kap ge ânyâm ta je ûnyi hia ae kong, me ânyâm ta je ûnyi ae ikiki hia, anyin a wale, oge me he bi nya ka oûhnyûkongu u; ke oge me ca he ka hok hnyok, ke haba khaca, oge me ca he ka betenge.

Levitiko 15:31

Helâe öbu me he ka hake ip lakon Isaraela ûnyi hnyi anyidra bo kong; wâ ödra nye mokcu hnyi bokongidra; ödra ka he ka obokongoâ umök uma mano a e hnyi wanbödra.

Levitiko 17:10

Ke haba at Isaraela hia, ame ne aten ke hnyei ame laba kanyua unyibun, ame he ka han dra; me oge me he ka wâ hmâ at eling ame han dra, me subâ degecâ e ûnyi hnyi iny hnyei.

Levitiko 18:21

Ke u me ca he ka hna lakom he ka he hnyi wanben meic kö Moleka, ke u me ca he ka okongoâ ien Khongom: Inya Iehova.

Levitiko 19:12

Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Levitiko 20:4

Ke ame ne he aten hnyei ka omûko ge at ame ham nokon kö Moleka, kʼ ame ca hlingâ bi;

Levitiko 21:6

Odrin hnyat ae kap ka Khongudrin, ke odrin e ca he ka okongoâ ien Khongudrin: anyin a odrin e hudo je hut a an hnen meic kö Iehova, a an Khongudrin: anyin a wale odrin e he ka kap.

Levitiko 7:20

ke haba at ame han utiöiny hudiny ole wale a anyi Iehova, ke e at ae bo kong, me adre me he ka subâ degecâ at eling ûnyi hnyi iny hnyei.

Levitiko 7:21

Ke haba at ame kâlâ ûnyi ae bo kong, ame ne bo konginy at, ame ne bo konginy meno, ame ne ke ûnyi bi ae ikiki ae bo kong, me han utiöiny hudiny ole, wale a anyi Iehova, me adre me he ka subâ degecâ at eling ûnyi hnyi iny hnyei.

Numera 19:13

Ke haba at ame kâlâ komok, kʼ ame ca obosoâ e bi, me e ame okongoâ uma mano umo Iehova; kʼ adre me he ka subâ degecâ at eling unyin at Isaraela: anyin adre ca dukâiâ e hnen köien okabâ, e bo kong ut e; ke e bi unyin anyin bo kong.

Numera 19:20

Ke haba at ae bo kong, kʼ ame ca he ka obosoâ e bi, me adre me he ka subâ de gecâ at eling ûnyi hnyi ûkhacaköu, anyin a e ame hia but okongoâ dok a kabi Iehova: ke adre ca hia but dukâiâ e ge köien okabâ; e bo kong ut e.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

I. Peteru 3:12

Anyin a e li emakan Than hon tavat ae wisa, Ke li hnyikonyen ame löng hijidra je hic: Ke e bi hnyimakan Than hon tavat adre me ânyâ hulo.