Levitiko 20:2 - Iaai Bible 1901 (New Caledonia)

² U me he ka ha ka lakon Isaraela, ka habe, Haba at Isaraela, ame ne aten ke hnyei ame laba kanyua unyi Isaraela, ame he ka ham nokon kö Moleka, me adre me he ka hlingâ at eling: hamen tavat a aten hnyei he ka lûâ ge veto.

Levitiko 20:2 ပူးပေါင်းရင်းမြစ်များ

I. Je Than 11:7

Haba Solomona ame op dok ae görany hobi kö Kemosa ae ikiki anyi Moab, hnyi bucen ae cicö Jerusalema, me hobi kö Moleka at ae ikiki anyin je laku Amona.

II. Je Than 17:17

Ke ödrin e kunâ lakudrin je baga me hlu he ka he hnyi wanben meic, me bi khong, me biobotkong, me ûcû ödrin bi he ka ânyâ hulö hnyi hnyimakö Iehova, he ka ohmö-nyinâ e.

II. Je Than 23:10

Ke e ame oikikiâ Tofet a e hnyi hnyigöulen bucen iny laku Hinom, me me ca he ke at ka kunâ nokon baga ame ne hlu he ka he hnyi wanben meic kö Moleka.

II. Man Ûlabainy Je Than. 28:3

Ke haba khaca e ame leû utö ae bo so hnyi hnyigöulen bucen anyin lakon Hinom, kʼ ame thong lakon bi ge meic, hoton je hwakecin ae ikiki anyin je wanaithila waleji a obâ Iehova hnyi hnyimakan lakon Isaraela.

II. Man Ûlabainy Je Than. 33:6

Ke e ame kunâ minya lakon he ka he hnyi wanben meic hnyi hnyigöulen bucen anyin nöku Hinom, me e ame bihihwakecin, me biobotkong, me bi khong, me elâm unyin tavat ae tren biobotkong, me tavat bi khong: e gan hmâ hulo e ame ânyâ hnyi hnyimakö Iehova, me ohmönyinâ e.

Salamo 106:38

Me hingâlâ dra ae ba hnyikongon wale dren lakudra obaga me wahlu, Waleji adre hudo ka ta je idolainy hnyei Kanana; Me ame kong ut hnyei ge dra,

Jeremia 32:35

Ke adre me otilâ je dok ae gorany anyi Baala, hnyigöulen bucen anyin nöku Hinom, me kunâ je lakudra obaga me wahlu ka he hnyi wanben meic kö Moleka; waleji a oge ca ûkhûnöng, ke oge ca ûnykûme, agʼ adre me he ka ânyâ ûnyi eling ae ikiki; he ka oâ hulo ge at Juda.

Jeremia 7:31

Ke adre me op ta je dok ae göranyin Tofet, ae hnyin hnyigöulen bucen anyin je laku Hinom, me adre me thong je lakudra baga me hlu hnyi meic; waleji oge ca ûkhûnöng, ke oge ca ûnykûme.

Ezekiela 20:26

ke oge me okongu ödra hnyi anyidra bi ta je bwihlany, waleji hnyi hnödra hna ovheno je lakudra a watö hia hnyi wanben meic, mʼ oge me he ka öba wan gadra, me me khanödra a inya Iehova.

Ezekiela 20:31

ke öbun ka hom anyibun ta je bwihlany, ke öbun ka ovheno ta je lakubun hnyi wanben meic, hawa öbun e okongu öbun bi ge anyibun ta je idola ke ne o but hnyi bong ang? ke hawa, öbun e he bi ka hnei nya, lap anyi Isaraela? Haingen Than Iehova, ka habe, Kia inya inya a öbun e ca he ka hnei nya:

Ezekiela 23:37

Anyin a ödru me hia but bi ûnyi monu, ke e hnyi li hnyamödru dra, ke ödru me hia but bi ûnyi monu ge anyidra je idola; ke adre hia but kunâ je lakudru obaga waleji ödre hnokoâ hobi könya, ka he hnyi wanben meic ködru hnân han.

Ezekiela 23:39

Ke ödru ka hia but hlingâ je lakudru hobi kâu anyidru je idola, me ödru me he ka hnyi anyik dok ae kap waleji hnyi bong eling he ka okongoâ e; ke wâ bi, adre hia but ânyâ helâe hnyi umök uma.

Levitiko 17:13

Ke haba at Isaraela, ame ne aten ke hnyei ame laba kanyua unyibun, at ame hnu me kât menoiny hnyot, ame ne meno ame gâ, hnân ban; me hamen he ka hingâlâ dren, me konâm ge kânâ.

Levitiko 17:15

Ke haba at ame he ka han meno a mok hwege, ame ne kiâ ge ke meno, a aten hnyei, me atkanyua, me, hamen he ka hneû anyin je ûkhaû, me soû hnyi köiö, me bo kong ke ne o but sahac, me me bo so but.

Levitiko 17:8

Ke u me he ka ha ködra, ka habe, Haba at Isaraela hia, ame ne aten ke je hnyei ame laba kanyua unyibun, at ame hudo hudiny leû, ame ne ke hut,

Levitiko 18:21

Ke u me ca he ka hna lakom he ka he hnyi wanben meic kö Moleka, ke u me ca he ka okongoâ ien Khongom: Inya Iehova.

Levitiko 20:1

KE Iehova ame ha kö Mose, ka habe,

Levitiko 20:27

Haba baga, ame ne momo, at tren hanu me at ame bibihwakeoin, me adre me he ka hlingâ: adre me he ka luʼ odrin ge veto: ame he ka takû odrin ge drödrin.

Levitiko 24:14

Hom but at waleji a ûhangö hoton hnyaba ai; ke hamödrin hnyat odrin e löng he ka ip je hnyamödrin bon ban, kʼ ame he ûkhacaköu hia ka lûâ e ge veto.

Levitiko 24:16

Ke haba at ame hakongoâ iö Iehova, me adre me he ka hlingâ; kʼ ame he ûkhacaköu hia ka lûâ e ge veto; ame ne atkanyua, ame ne aten hnyei, e ka haikongoâ iö Iehova, me adre me he ka hlingâ.

Levitiko 24:23

Ke haba Mose ame ha ka lakon Isaraela, mʼ adre me he ka hom hoton hnyaba ai at ûhangö me lûâ e ge veto. Ke haba lakon Isaraela adre me ânyâ hoton hna huna hnö Iehova kö Mose.

Ta je huliwa 7:43

Ke öbun e hom minya uma menâ uma Moloka, Ke okhûiny khongubun a Refana, A je hnatheat öbun e ânyâ he ka khudrung ködrin: Awe, oge me he bi nya ka hum öbun ka hnyi Babulona.

Deuteronomi 12:31

U me ca he ka ânyâ helâe kö Iehova Khongom: anyin adre hia but ânyâ ka anyidra je khong ta je ûnyi ae ikikiâ Iehova, wale e ame hûkötiâ anyin adre me labö le ge meic lakudra obaga me wahlu ka anyidra je khong.

Deuteronomi 17:2

Adre me ne wâ unyâm, hnyi je hnyabam a ham köu Iehova Khongom, ke at, ame ne baga, ame ne momo, ame ânyâ hulö hnyi hnyimakö Iehova Khongom, kʼ ame hanyâûâ anyin ûhihinyköu,

Deuteronomi 18:10

E so adre me ca he ka wâ unyâm ke at ame kunâ nokon baga me nokon hlu he ka he hnyi wanben meic, me at bi khong, me at ame bibihwakeoin, me at ae tren khong,

Deuteronomi 21:21

Ke ame he tavat hia hnyi anyin taun ka luâ e ge veto me me mokcu: helâe u me he ka ohia hulö unyâm; kʼ ame he at Isaraela hia ka löng me ot.

Deuteronomi 22:21

me ödrin e he ka hom hlu kâ û ka hnyi hwanumen uma umen kamen, ke ame he aten anyin taun ka luâ e ge veto, me me mokcu: anyin a e ame ânyâ monu hnyi Isaraela, kʼ ame bi ûnyi monu hnyi hnyaban kamen: ke helâe u me he ka ohia hulö unyâm.