Levitiko 2:9 - Iaai Bible 1901 (New Caledonia)

⁹ Kʼ ame he at bihut ka hom ke keihen hudiny han me hnân oûnykûmiâ, me le hon taben hut: wale hut a an hnen meic, ae bo so kö Iehova.

Levitiko 2:9 ပူးပေါင်းရင်းမြစ်များ

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Isaia 53:10

Ke so bi e ûcû kö Iehova he ka thu hwetö e; e ame hia but ohlöuhlöuâ e: ke u ka he ka hudo e hnân hudiny hulo, me e ame he ka wâ je mâtrân, e ame he ka osehia bongon je bong, ke haba we Iehova ame he ka sot unyin.

Levitiko 1:9

ke haba tang tiny me je can, e ame he ka hneû hnyi köiö: kʼ ame he at bihut ka tha le hia hon taben hut, me me hut adre le, hut a an hnen meic, ûnyi ae bo so kö Iehova.

Levitiko 2:16

Kʼ ame he at bihut ka le öunykûmiâ, a ke keihen hwit adre omomonoâ, me ke keihen wakacoiny, me libanuiny hia: wale hut a an ge meic kö Iehova.

Levitiko 2:2

ke e ame he ka hom e ka laku Arona a hnyat bihut: ke e ame he ka okhaca aoc salawa, me ke keihen wakacoiny, me libanuiny hia; kʼ ame he at bihut ka le e hnân oûnykûmeâ hon taben hut, wale hut a an ge meic, ae bo so kö Iehova:

Levitiko 2:8

Ke u me he ka hom hudiny han adre ânyâ ûnyi hnyi je unyi eling kö Iehova: kʼ adre me he ka ham e ka at bihut, ke e ame he ka hom e ka hnyi taben hut.

Levitiko 24:7

Ke u me he ka ip bon li gaö libanu ae so, me me e bi hon je areto hnân oûnykûmeâ, hnân hut a an ge meic kö Iehova.

Levitiko 4:31

Ke e ame he ka hom pipikhenyainy hia, helâ me hna hom pipikhenyainy hudiny ole; kʼ ame he at bihut ka le e hon taben hut me me bo so kö Iehova; ke ame he at bihut ka bi hwaban anyin möt, kʼ adre me he ka thang degecâ anyin hulö.

Levitiko 5:12

Ke e ame he ka hom ka at bihut, kʼ ame he at bihut ka okhaca aoc ge hnyamen hnân oûnykûmeâ, me le hon taben hut, helâ me je hut a an ge meic kö Iehova: haba e hudiny hulö.

Levitiko 6:15

Ke e ame he ka okhaca aoc salawa a hudiny han, me wakacoiny, me libanu hia, hon hudiny, han, ke e ame he ka le e hon taben hut me me bo so, hnân oûnykûmiâ kö Iehova.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Zakaria 13:9

Ke oge me he ka hom ke keihen a kuniny ka he hnyi wanben meic, me ânyâwiʼ ödra helâ me hna ânyâwia sileva, me cubic ödra helâ me hna cubec gol: ke adre me he ka hawâ iök, me oge me he bi nya ka ling ödra: ke oge me he ka ha, ka habe, Lakeik ödra; me adre me he ka ha, ka habe, Iehova Khonguhmun.

Numera 5:26

ke hamen at bihut he ka okhaca aoc hudiny salawa ge hnyamen, hnân oûnykûmeâ, me le hon taben hut, ke hwaban e, e ame he ka habelen momo ge utköiö.

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 15:16

me inye he ka bi athnyabai Iesu Keriso ka Aten ta je hnyei, he ka ânyâ hanymen at bihut hnyi ûthumetu ae so anyin Khong, me me he ka kap soâ hut wale Aten ta je hnyei, me okabi ödra hnen Hanu Kap.

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Filipi 2:17

Eke, ke adre me ne hudi nya hnyi hut a huliwainy anyibun labageju, me oge me hobâ, me tha senyin mʼ öbun hia thithö:

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.