Levitiko 2:12 - Iaai Bible 1901 (New Caledonia)

¹² Öbun e he ka hudo e hnân hudiny wan a bân kö Iehova, kʼ ame ca he ka ölö goranyai bunen ae so unyi hnyi hon taben hut.

Levitiko 2:12 ပူးပေါင်းရင်းမြစ်များ

Genese 23:17

Me haba utkânâ i Eferona, e Makepela, cicö Mamere, wale utkânâ me op eû hnyin, me ta je ûö hia hnyi utkânâ hnyi ta je hounyin igigilö, adre me ohmâ

II. Man Ûlabainy Je Than. 31:5

Ke ame hap o ju ehele hnanyibu, me haba lakon Isaraela ödrin e ham gânâ je wan hwit a bân, me waina, we wakaco, me hani, me troban kânâ hia thithö; ke ödrin e hom gânâ a je ke keihen a libenyitainy ta je ûnyi hia.

Esodo 22:29

U ca he ka becâ ham wan em hnyei, me dân wan halem je ûö. Ke u me be ka ham könya watö a lakom baga.

Esodo 23:19

U me he ka hom ka hnyi uma umo Iehova a Khongom ta je jeû a bân ûnyi hnyi kânâm kânâ. Ke ca he ka ölâ nokon got hnyi dân basin hinyen.

Esodo 34:22

Ke u me he ka ânyâ bijeû anyin je wik, wale je wan hwit a bân adre meno, me bijeûiny menu hnyi obiny huna.

Levitiko 23:10

Ha thö ka lakon Isaraela, me ha ködra, ka habe, Öbun ka o ka hnyi hnyei oge me he ka ham köbun, ke öbun ka meno jeûiny, me öbun e he ka hom je thi hwit a bân öbun e meno ka at bihut:

Levitiko 23:17

Me öbun e he ka hom ûnyi hnyi je hnyababun lo li aretoiny hajijing, ke lo li omer salawa: adre me he ka le ge salawa ae so adre levenâ, wale je wan a bân kö Iehova.

Levitiko 7:13

E ame he ka hudo hudiny hut tha e me ta je hudiny ole, me hnân ole, tha e me je ong areto adre ca levenâ bi.

Numera 15:20

Öbun e he ka hudo ke ong areto ûnyi hnyi anyibun salawa a bân hnân hudiny kap goranyai: öbun e he ka kap e goranyai helâ me hnobun hna kap goranyai hut ûnyi hnyi hna uja hwit.

Numera 18:12

Haba soiny wakaco hia, me soiny waina hia me hwit, a je wan a bân adre me ham kö Iehova, haba ta je ûnyi e oge me ham köu.

I. Korinito 15:20

Ke so bi adre hia but omeli Keriso hmetu thö ûheny hnyi hua mok, ke e at a bân ka möt ge tavat adre me mokut.

Deuteronomi 26:10

Ke wâ ju, walang ang, Iehova. Iö, inya oge me hom köu je wan kânâ a bân wale u je hia but ham könya. Ke u me he ka ip e hnyi hnyimakö Iehova Khongom, me khudrung ju hnyi hnyimakö Iehova Khongom:

Hna Omanenâ 14:4

Ödrin je hnyat a ca hamödrin okongu ödrin unyin omomo; anyin a ödrin so. Ödrin je hnyat adre me hnu hoton Arenio ka hnyi je dok ame he hnyin. Ödrin je hnyat adre ûco unyin tavat, me hnân wan a bân hobi kâu Khong me Arenio.