Levitiko 19:7 - Iaai Bible 1901 (New Caledonia)

⁷ Adre me ne he ka an e we, wale ikiki; adre me ca he ka kap soâ:

Levitiko 19:7 ပူးပေါင်းရင်းမြစ်များ

Isaia 1:13

Ca hom hmetu bi je hut ae ûnyi baû; ke ikiki könya je uto ae bo so; ke haba je tehi ae manen, me je sabath, me hna hawâ je ûkhacaköu, E ca khanö nya he ka hota hulo me ûkhacaköu ae ûnyi hnathu.

Isaia 65:4

tavat adre me laba hnyi wanben je erkemok, ke hnyi je dok ae iyong; tavat adre me han utioiny buaka, ke e hnyi anyidra je kaia dân ta je ûnyi ae ikiki;

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Jeremia 16:18

Ke oge me he ka bok ka olo bi hwaban hwakecidra ae kong me anyidra hulo; anyin adre hia but oikikiâ ik hnyei hnen unyin anyidra ta je ûnyi ae bon a gʼ adre mokcu, ke adre hia but öunöngötâ ik hnyei ge anyidra ta je ûnyi ae ikiki.

Levitiko 19:6

Ke adre me he ka an e hnyi bong öbun e hudo hnyin, me bong nyi: ke ame ne hu kolon hnyi bong we, me adre me he ka le degecâ ge meic.

Levitiko 19:8

ke haba at ame han e, me ame he ka takoû e hnen anyin hulö, anyin a e ame okongoâ ûnyi ae kap anyi Iehova; me adre me he ka subâ degecâ at eling ûnyi hnyi iny hnyei.

Levitiko 22:23

Ame ne bolok, ame ne nokon mamoe ae hu ovejien, ame hia ke keihen unyin, me u me he ka hudi odrin hnân hut betenge; ke adre me ca he ka kap soâ hobi kâu khöbi.

Levitiko 22:25

Ke ca he öbun ka hudi odrin hnân an Khongubun ûnyi ge aten ke hnyei bi; anyin a e unyidrin hulö me hnyikongon: adre me ca he ka kap soi öbun hnyin.