Levitiko 19:5 - Iaai Bible 1901 (New Caledonia)

⁵ Ke öbun e ne he ka hudo hudiny ole kö Iehova, me hamöbun he ka hudo e me me he ka kap soi öbun.

Levitiko 19:5 ပူးပေါင်းရင်းမြစ်များ

II. Man Ûlabainy Je Than. 31:2

Ke haba Hezekia ame otilâ tavat bihut me at Levi hoton anyidrin je dö, hoton je ve hanymodrin, wale tavat bihut me at Levi, hobi kâu je hudiny leû, me je hudiny ole, he ka huliwa, me ole, me oganâ hnyi je homagouleny uma umö Iehova.

Esodo 24:5

Ke e ame kunâ wahidröu a je lakon Isaraela, mʼ odrin e hudo ta je hut adre le, me hudo kö Iehova je kau hnân hudiny ûsoköu.

Ezekiela 46:12

Ke e ka he than ka penapena hut ae betenge, ame ne hudiny leû, ame ne hudiny ole hnân hut ae betenge kö Iehova, me hamen ke at he ka khong ut kâu homagöule e deiö, ke e ame he ka penapena anyin hudiny leû, ke anyin je hudiny ole, helâ me hnen hna ânyâ hnyi bong sabath: me e ame be ka dit ut; me ame he ke at ka hlöng homagöule, e ka didrut.

Ezekiela 46:2

Ke ame he than ka didro a deny getheniny poretikoiny homagöule eû, me tot hnyi uthomagöule, ke ame he tavat bihut ka penapena anyin hudiny leû, me anyin je hudiny ole, ke e ame he ka khudrung hnyi baten homagöule; me e ame he ka he: ke adre me ca he ka hlöng homagöule ke ne o but sahac.

Levitiko 1:3

Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 19:4

Ca saû öbun ka je idola, ke ca he ka bi khongubun adre oköiöâ: Inya Iehova Khongubun.

Levitiko 19:6

Ke adre me he ka an e hnyi bong öbun e hudo hnyin, me bong nyi: ke ame ne hu kolon hnyi bong we, me adre me he ka le degecâ ge meic.

Levitiko 22:19

hamöbun he ka hudo baga ae ba hnyikongon ûnyi hnyi je bolok, ame ne mamoe, ame ne got, me me he ka kap soi öbun.

Levitiko 22:21

Ke e ka he ke at ka hudo hudiny ûsoköu kö Iehova, me thamuâ khöbi, ame ne hut ae betenge, ame ne bolok, ame ne mamoe, me e so e ame bekhöt, mʼ adre me he ka kap soâ; ame ca he ka hu hnyikongon.

Levitiko 22:23

Ame ne bolok, ame ne nokon mamoe ae hu ovejien, ame hia ke keihen unyin, me u me he ka hudi odrin hnân hut betenge; ke adre me ca he ka kap soâ hobi kâu khöbi.

Levitiko 22:29

Ke öbun ka he ka hudo hudiny ole kö Iehova, hudo thö e me me kap soi öbun hnyin.

Levitiko 7:16

Ke ame ne khöbi, ame ne hudiny ibetengiö anyin hut, me adre me he ka han e hnyi bong adre hudo hnyin anyin hut: ke bong nyi adre me he ka an kolon:

Levitiko 7:18

Ke adre me ne he ka an ke keihen utiöiny hudiny ole hnyi bong we, waleji e ame hudo, me adre me ca lie ka kap e, ke adre me ca he ka aû e ka at ame hudo: ûnyi ae ikiki, ke haba at ame he ka an, me ame he ka takoû e anyin hulö.