Levitiko 19:4 - Iaai Bible 1901 (New Caledonia)

⁴ Ca saû öbun ka je idola, ke ca he ka bi khongubun adre oköiöâ: Inya Iehova Khongubun.

Levitiko 19:4 ပူးပေါင်းရင်းမြစ်များ

I. Je Than 14:9

ke u je hia but ânyâ hulö ae gan hon lakâmâm, me he me ânyâ hobi köu bi je khong monu, me je hnatheat adre me oköiâ, he ka ohmönyini nya, ke u je digic nya bi hotom ai:

I. Man Ûlabainy Je Than. 16:26

Anyin a je idola thibi je khongon ta je hnyei: Anyin a Iehova ame op je drany

II. Man Ûlabainy Je Than. 28:2

ke so bi e ame vheno gethen deny je than Isaraela, me ânyâ je idola adre oköiâ hobi kâu Baala.

Salamo 96:5

Anyin a haba je khongon ta je hnyei hia thithö wale, a je hnatheat; Ke haba Iehova ame op ta je drany.

Esodo 20:23

Ca he öbun ka bi hanok ge khong, a je khong sileva me gol öbun e ca he ka mâdrâ hobi köbun.

Esodo 32:4

Ke e ame kap ta je ûnyi eling gadra, me tretrauâ ge sulâ, me ânyâ me me nokon kau adre oköiâ: ke adre me ha, ka habe, Isaraela lö, walang khongom at ame hum u ûnyi hnyi hnyei Aigupito.

Esodo 34:17

U ca he ka ânyâ je khong adre oköiâ.

Levitiko 11:44

Anyin a inya Iehova Khongubun: okabi öbun dö, mʼ öbun e he ka kap: anyin a iny kap: ke ca obokongi öbun bi ge ta je ûnyi ame iyâû eang hmelen.

Levitiko 19:25

Ke hnyi huna a thabûnginy öbun e he ka han je wan, me me hu troban köbun: Inya Iehova Khongubun.

Levitiko 19:5

Ke öbun e ne he ka hudo hudiny ole kö Iehova, me hamöbun he ka hudo e me me he ka kap soi öbun.

Levitiko 26:1

CA he öbun ka bi idola, ke ca he ka otilâ hobi köbun ke hnatheat, ame ne veto ame tot, kʼ öbun e ca he ka ip hnyi ibun hnyei ke veto adre kave he ka nom kâu; anyin a inya Iehova Khongubun.

Hagai 2:18

Ö öbun ûnykûme ju, hwân hnyi bong ang ke ne o but ehac, hwân hnyi bong a twente foainy tehi a naininy, hwân hnyi hna bi taben uma umö Iehova, ûnykûme ju.

I. Korinito 10:14

Anyin a wale hnyat a oûnykûmik lö, kec ut ge hmi ka je hnatheat.

Deuteronomi 27:15

Hnaûhangö at ame bi hnatheat adre sö adre me ne oköiâ, kʼ ame otilâ duöngâ, e hûkötianö Iehova huliwainy hnyamen at tretrau. Ke ame he tavat hia ka thu me ha, ka habe, Amen.

Deuteronomi 4:16

wâ öbun nye okongu öbun, me bihnatheat hobi köbun adre oûco ke ûnyi, ame ne baga, ame ne momo,

Deuteronomi 7:25

Ke öbun e he ka thong degecâ ge meic ta je hnatheatiny anyidra je khong: ke u me ca he bi ka behnyekon sileva me gol wale adre tube kâu, me hom e me ânyâm bi, wâ e nye nuc u hnen ûnyi eling: anyin a haba ûnyi e me ûnyi ae ikiki kö Iehova Khongom:

I. Ioane 5:21

Je wanakat lö tuʼ öbun ju ge ta je hnatheat.