Levitiko 19:32 - Iaai Bible 1901 (New Caledonia)

³² U me he ka köûö hnyi hnyimakan at ae hûen ban, me ogânâ hnyimakan hingat, me u me he ka outen Khongom: Inya Iekova.

Levitiko 19:32 ပူးပေါင်းရင်းမြစ်များ

Genese 31:35

Ke haingen ka kamen, ka habe. Ca he tuhok ka hmönyâm wale ae ca kbanö nya köûö hnyi hnyimâkâm anyin a oge me hom bongon omomo. Ke e ame heleû, kʼ ame ca wâ bala bi ta je idola.

Genese 48:12

Ke Josefa ame hum ödru ûnyi hnyi wanben li boucan me nom ju hnyikânâi.

I. Je Than 2:19

Haba Bathe-seba ame he kö Solomona than he ka ûhnenamö më ga Adonia. Ke than ame tot he ka ûkhanö më, ke e ame nom kâu, me laba hon anyin theron, me kunâ he ka ip ke theron hobi kâu hinyen than; ke momo ame laba hnyi ke keihen a metân.

II. Je Than 17:36

Ke haba Iehova at ame hum öbun ûnyi hnyi hnyei Aigupito ge man ae gan me benyin ame hai, öbun e he ka outen, me khudrung kâu, me bi hut kâu:

Jobu 32:4

Ke haba Elihu ame hia but halubahing Jobu ge hofuc, anyin a ödrin dö a bân, ke e bi a biliny.

Jobu 32:6

Me haba Elihu nöku Barakhela at Bun ame thu me ha, ka habe, E wakhalet thibi je hunaik, ke öbun je hingat hnathu but; Anyin a wale iny hlohlo, me ot he ka omanenâ ûnykûmenök köbun.

Ta je Vejec 16:31

Korona ae hmanenang ûhûen, Kʼ adre me he ka wâ e hnyi gethen deny wisa.

Ta je Vejec 20:29

Haba mecin wahidröu, me tang hwege gadra: Ke haba hmanenanginy wahingat, me hûen.

Ta je Vejec 23:22

Long ju ka kâmâm at a hnöku u, Ke ca hûkötö ge hinyâm e ka somaca but.

Isaia 3:5

Ke ame he tavat ka ûöveciköu, ke at me ke at: ame he wanakat ka bi gan ka hingat, me hoûmonu ka je than.

Je tenge anyi Jeremi 5:12

Adre me uhno je taben waleji adre noc je hnyamödra: Ke adre me ca ogânâ bi hnyimakan wahingat.

Levitiko 19:14

U me ca he hangâ at ae wejiji, ke ca ip ke ûnyi hnân ohavâ hnyi hnyimakan wadröu, ke u me he ka outen Khongom: Inya Iehova.

Roma 13:7

Ham dö ka tavat hia anyidra ta je ûnyi: khûö ka at adre me khûö kâu; fat ka at adre me fat kâu, ot ka at adre me ot kâu; ogânâ at adre me ogânâ.

I. Timoteo 5:1

CA he ka oû je hingat, ke so bi nâ e helâ me kamen; me ta je hidröu helâ me je liamekeiny:

I. Peteru 2:17

Ogânâ thö tavat hia thithö. Betenge ju ge hnyat me lakeiny. Ot ju ka Khong. Ogânâ thö than tot.