Levitiko 19:30 - Iaai Bible 1901 (New Caledonia)

³⁰ Hamöbun he ka tuö anyik je sabath, me okabâ dok a kabik: Inya Iehova.

Levitiko 19:30 ပူးပေါင်းရင်းမြစ်များ

II. Man Ûlabainy Je Than. 33:7

Ke haba idola adre theatâ wale e ame ânyâ, me e ame otilâ hnyi uma umen Khong, waleji a ha gan Khong kö Davita me Solomona a nokon, ka habe, Haba hnyi uma eang me hnyi Jerusalema wale o ge ûca ûnyi hnyi ta je tribu hia anyin at Isaraela, oge me he ka ip iök hnyin nyiele balua:

II. Man Ûlabainy Je Than. 36:14

Khaca haba ta je taben tavat bihut hia, me tavat, ödrin e ânyâ hwegiâ monu, hoton hwakecin ae ikiki anyin je wanaithila; me ödrin e oikikiâ uma umö Iehova waleji e ame hia but okabâ hnyi Jerusalema.

Salamo 89:7

Wale Khong adre outen hnyi ûkhacaköu anyin wakap, Me hnân outen hudra hia adre me laba igigilö e?

Esodo 20:8

Ûnykûme ju bong sabath he ka okâbâ.

At Khet 5:1

TUÖ ju li cam u ka he ka hnyi uma umen Khong; anyin ae so he ka hakekeny dö he ka long, hon he ka hudo bi hut anyin at ae monu.

Ezekiela 9:6

hlingâ degecâ but wahingat me wahidröu, me wahlu, me wanakat, me omomo: ke ca he ka hakekenyâ ke at ae hu haten; ke hwân dö hnyi anyik dok ae kap. Me adre me hwân ge wahingat hnyi hnyimakan uma.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Levitiko 15:31

Helâe öbu me he ka hake ip lakon Isaraela ûnyi hnyi anyidra bo kong; wâ ödra nye mokcu hnyi bokongidra; ödra ka he ka obokongoâ umök uma mano a e hnyi wanbödra.

Levitiko 16:2

ke Iehova ame ha kö Mose, ka habe, Ha thö kö Arona a tuhâm, a gʼ ame ca he ka dit monu hnyi je ûen hia ka hnyi dok ae kap hoton singiny mano hnyi hnyimakan taben ibetengiö hon tang; wâ e nye mokcu: anyin a oge me he ka manen hnyi ûlâ hon taben ibetengiö.

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Levitiko 26:2

Öbun e he ka tuö anyik je sabath me okabâ dok a kapik: Inya Iehova.

Mataio 21:13

me e ame ha kodra, ka habe, Adre hia but sihnalimen, ka habe, Adre me he ka hwenyi ien umök uma, me uma hnân hic: ke öbun e wia e me me op umen tavat venöu.

II. Korinito 6:16

Ke ame he ka kâmâu ka tha bongon uma umen Khong me ta je hnatheat? anyin a öta ang uma umen Khong ae möt; helâ me hna ha hnen Khong, ka habe, Oge me he ka laba eû hnyidra, me tha he mödra; ke oge me he bi nya ka Khongudrin, ke adre me he bi ka lakeik.

I. Peteru 4:17

Anyin a walang ûen dut he ka ûhnei hwân hnyi uma umen Khong: ke ame ne hwân unyita, ieû obiny ka tavat adre oûnyibâûâ ûthumetu ae so anyin Khong?