Levitiko 19:3 - Iaai Bible 1901 (New Caledonia)

³ Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Levitiko 19:3 ပူးပေါင်းရင်းမြစ်များ

Genese 48:12

Ke Josefa ame hum ödru ûnyi hnyi wanben li boucan me nom ju hnyikânâi.

Nehemia 9:14

me omanenâ ködrin ânyâm sabath ae kap, me ha ködrin je hna hûna, me je hna otilâ, me hnanyibu a deny Mose athnyabaem:

Esodo 16:29

Wâ bi, Iehova ame ham köbun sabath, waleling me me ham köbun hnyi bong a siksiny jeû ae ûco lo li bong; ve laba ju öbun hnyi je hnöbun, ame ca he ka he ke at ûheny hnyi hnen hnyi bong a seveniny.

Esodo 20:12

Ogânâ thö kâmâm me hinyâm me me se hia bongom je bong hnyi hnyei ame he Iehova a Khongom ka ham köu.

Esodo 20:8

Ûnykûme ju bong sabath he ka okâbâ.

Esodo 21:15

Haba at ame kot kamen me hinyen, adre me he ka hlingâ.

Esodo 21:17

Kaba at ame hangâ kamen me hinyen adre me he ka hlingâ e.

Ta je Vejec 1:8

Nokuk lö, long ju hna nö u hnen kâmâm, Ke ca degec bi hna ûne hnen hinyâm:

Ta je Vejec 23:22

Long ju ka kâmâm at a hnöku u, Ke ca hûkötö ge hinyâm e ka somaca but.

Ta je Vejec 30:11

E hu dö adre me hangâ kamödra, Me ca haisoâ hinyödra.

Ta je Vejec 30:17

Haba ecmak at ame hlumâ kamen, Ke höcö long hinyen, Me ame he je orebainy hnyigöulen bucen ka ûâ e, Kʼ ame he je lakon aeto ka an e.

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Ezekiela 20:12

Ke oge me ham minya kodra anyik je sabath, hnân haten könya mödra, me me khanʼ ödra a inya Iehova at ame okabi ödra.

Levitiko 11:44

Anyin a inya Iehova Khongubun: okabi öbun dö, mʼ öbun e he ka kap: anyin a iny kap: ke ca obokongi öbun bi ge ta je ûnyi ame iyâû eang hmelen.

Levitiko 19:25

Ke hnyi huna a thabûnginy öbun e he ka han je wan, me me hu troban köbun: Inya Iehova Khongubun.

Levitiko 19:30

Hamöbun he ka tuö anyik je sabath, me okabâ dok a kabik: Inya Iehova.

Levitiko 19:31

Ca he öbun ka saû ka tavat tren hanu, me tavat bibihwakeoin; ca elöm odrin, inʼ öbun e ca he ka kong: Inya Iehova Khongubun.

Levitiko 19:34

Ame he aten ke hnyei ka laba unyibun helâ me aten ibun hnyei, ke u me he ka betenge gan helâ me u bi; anyin a je atkanyua öbun hnyi hnyei Aigupito: Inya Iehova Khongubun.

Levitiko 23:3

Siks je bong adre me he ka huliwa, ke haba hnyi bong a seveniny, me wale sabath hnân menâ, me ûkhacaköu ae kap: ca he öbun ka ânyâ ke huliwa: wale sabath anyi Iehova hnyi je hnyababun hia.

Levitiko 26:2

Öbun e he ka tuö anyik je sabath me okabâ dok a kapik: Inya Iehova.

Malaki 1:6

Haba nokon, me ame ogânâ kamen, ke athnyaba ame ogânâ tuhan: awe, a ne kamen bi nya, me ewa hna oganö nya? ke oge ne than, me ewa eang hna outö nya? haingö Iehova tuhan sabaoth köbun tavat bihut, tavat öbun e hûkötiâ iök. Ke haingöbun, ka habe, Ohmun e hawa ka hûkötiâ iâm?

Deuteronomi 27:16

Hnaûhangö at ame ca oûnyihnatho kamen me hinyen. Kʼ ame he tavat hia ka ha, ka habe, Amen.

Deuteronomi 5:16

Ogânâ thö kâmâm me hinyâm, helâ me Iehova Khongom ame hûna köu, me me se hia je bongom, mʼ u me so hnyi hnyei Iehova ame ham köu.

Heberu 12:9

Ke wale minya eang, e hu köta ehac lakamen unyita, he ka nʼ öta, ke ate me ogânʼ ödra: hawa, ate me ca he ka löng hoton beönuainy Kamen ta je hanu, mʼ ate me möt?