Levitiko 19:26 - Iaai Bible 1901 (New Caledonia)

²⁶ Ca he öbun ka tha han meno me dren: ke u me ca he ka biobotkong, me bihihwakecin.

Levitiko 19:26 ပူးပေါင်းရင်းမြစ်များ

Genese 44:5

Hawa, ca e ûnyi ic anyin anyik than, me anyin ûnyi hnân kikite? e kong hnöbun hna ânyâ.

Genese 9:4

Ke öbun e ca he ka tha an utiö me melen, wale ûnyi a dren.

II. Je Than 17:17

Ke ödrin e kunâ lakudrin je baga me hlu he ka he hnyi wanben meic, me bi khong, me biobotkong, me ûcû ödrin bi he ka ânyâ hulö hnyi hnyimakö Iehova, he ka ohmö-nyinâ e.

II. Je Than 21:6

Ke e ame kunâ nokon baga he ka he hnyi wanben meic, ke e ame bihihwakecin, me bi biobotkong, me tha laba unyin tavat tren hanu ae kong, me tavat bi khong: e gan hmâ hulo e ame ânyâ hnyi hnyimakö Iehova, me me ohmönyinâ e.

II. Man Ûlabainy Je Than. 33:6

Ke e ame kunâ minya lakon he ka he hnyi wanben meic hnyi hnyigöulen bucen anyin nöku Hinom, me e ame bihihwakecin, me biobotkong, me bi khong, me elâm unyin tavat ae tren biobotkong, me tavat bi khong: e gan hmâ hulo e ame ânyâ hnyi hnyimakö Iehova, me ohmönyinâ e.

Esodo 7:11

Me haba Farao ame hawâ tavat metâ me tavat tren khong: me haba odrin minya a je magoi hnyi Aigupito odrin e ânyâ helâe ge anyidrin je bibihwakeoin.

Esodo 8:7

Ke ame ânyâ helâe ta je magoi ge anyidrin je bibihwakeoin, me oâ ta je rana hon hnyei Aigupito.

Jeremia 10:2

walang hna ha hnö Iehova, ka habe, Ca he öbun ka nâ hwakecin je hnyei, ke ca outen je haten drany; anyin ame outen e hnen ta je hnyei.

Daniela 2:10

Me haba at Kaledaia adre me thu hnyi hnyimakan than, ka habe, E ba at eang hmeledrany ae khana he ka omanenâ ûnyi anyin than; anyin ae ba than, ke taben, ke at musi ame hia but elâm ûnyi a helâe unyin je magoi ke tavat bibihwakecin ke at Kaledaia.

Levitiko 19:25

Ke hnyi huna a thabûnginy öbun e he ka han je wan, me me hu troban köbun: Inya Iehova Khongubun.

Levitiko 3:17

Ame he ka hnanyibu nyiele balua hnyi anyibun ta je dö, hnyi je hnyababun hia, ka habe, ca he öbun ka han pipikhenya me dra.

Levitiko 7:26

Ca he öbun ka han dra hnyi je hnyababun hia, ame ne dren meno ame gâ, ame ne meno a vak can.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Ta je huliwa 15:20

ke so otin e he ka sihnalimen ködra he ka ûsâkâûö me ta je ûnyi ae ikiki anyin je hnatheat, ke bi ûnyi monu, ke je meno adre me noc nyin, ke dra.

Deuteronomi 12:16

Ke so bi öbun e ca he ka han dren: kʼ öbun e he ka hingâlâ e hon kânâ helâ me köiö.

Deuteronomi 12:23

Ke so bi, wâ eâu, me ca he ka han dra: anyin a haba dra, me, wale möt; ke u me ca he ka tha han möt me utioiny.

Deuteronomi 15:23

Ke so bi u me ca he ka han dren: ke u me he ka hingâlâ e hon: kânâ helâ me köiö.

I. Samuela 14:32

Ke ame gâ but tavat ka sei, me hom je mamoe, me je bolok, me je nokon kau, me hlingâ eû hnyi kânâ: ke tavat ödrin e tha han je meno me dren.

I. Samuela 14:33

Ke adre me thumetu Saulo, ka habe, Wâ bi, ame monu tavat kö Iehova, ödrin e han meno me dren. Me e ame ha, ka habe, Öbun e hia but iyawö; tetebulo thö eâu könya ke veto ae gan.

I. Samuela 15:23

Anyin a haba hanyâûâ, me helâ me ûkongon bi khong, ke haba ûjöng, me helâ me ûkongon hmi ka hnatheat, me je idola. Anyin a u je hia but hna degecâ hofuc ho Iehova, awe, e ame hia but hna degeci u, me u me ca than dut.