Levitiko 19:19 - Iaai Bible 1901 (New Caledonia)

¹⁹ Hamöbun he ka tuö anyik je hnanyibu. U me ca he ka hna halem je meno he ka hnokoâ meno ae ke bongon bi: u me ca he ka ta em hnyei ge je hatong ae ve bongon bi: ke u me ca he ka khavâ ûkhaû adre ûthûeneken ge li tö ae ve bongon.

Levitiko 19:19 ပူးပေါင်းရင်းမြစ်များ

Genese 36:24

Ke walang li laku Zibeona; jia Aia me Ana: wale Ana at ame wâ je hna pupuainy köiö ae kahwa hnyi hnyebuba hnyi ûen e ame tuö u je asina hale Zibeona, a kamen.

II. Samuela 13:29

Me haba lathnyabai Abasoloma ödrin e ânyâ kö Aminona helâ me hna hûna hnö Abasoloma. Me ame todrö je baga lakon than hia, me ve tabâ haledrin je miul, me kec.

II. Samuela 18:9

Ke haba Abasoloma ame ûkhanö me lahiö Davita. Ke Abasoloma ame tabâ miul, ke haba miul ame gethen hmelen je vheiny ae khot hnyi iwajo, me ame vhet ju ban hnyi iwajo, me e ame uhni wanben drany me hmeledrany; ke ame he bala but miul.

I. Je Than 1:33

Ke than ame ha ködrin, ka habe, Tha he thʼ öbun me lathnyabainy tuhöbun, me otabö Solomona nokuk hon halek miul, me hom e Gihona ai:

Ezera 2:66

E hu haledrin je hors, seven haded ke thote siks; ke haledrin je miul a tu haded ke fâte faiv;

Levitiko 18:4

Ke hamöbun he ka ânyâ hnok je hna owisa, me tuö anyik je hnanyibu, me he hnyin: inya Iehova Khongubun.

Levitiko 19:37

Ke hamöbun he ka tu anyik je hnanibu hia, me hnok je hna owisa hia, me ânyâ ta je ûnyi e: Inya Iehova.

Levitiko 20:8

Ke öbun e he ka tuö anyik je hnanyibu me ânyâ: Inya Iehova at ame okabi öbun.

Levitiko 22:31

Anyin a wale hamöbun he ka tuö anyik je hnanyibu me ânyâ: Inya Iehova.

Levitiko 25:18

Anyin a wale hamöbun he ka ânyâ anyik je hnanyibu, me tuö hnok je hna owisa me ânyâ: mʼ öbun e he ka laba hnahic hnyi hnyei.

Luka 5:36

Ke e ame ha kodra ûhöûcû, ka habe, E ba at ame he ka kia ecmano ûnyi hnyi ûkhaû ae teb ûnyi, me utibetköuâ ûkhaû ae bobot ut; wâ e nye kheke but ûkhaû ae teb ûnyi, kʼ ame ca he bi ka tha ûcû ecmano ae teb ûnyi me at ae bobot.

Roma 11:6

Ke a ne hnen ibetengiö baû, awe, ca hnen bi huliwa: a ne ca helâe, me ca ibetengiö baû hmetu bi ibetengiö baû.

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.

Deuteronomi 4:5

Wâ bi, oge hia but ûne köbun je hnanyibu me je hna owisa, helâ me Iehova Khonguk ame hûna könya, mʼ öbun ehe ka ânyâ helâe hnyi hnyei öbun e he ka hnyin he ka labā.