Levitiko 19:16 - Iaai Bible 1901 (New Caledonia)

¹⁶ U me ca he ka ngeno em hnyei he ka ûhaiö monu: ke u me ca he ka tot he ka thoi me me mok at ame laba hakekenyi u: Inya Iehova.

Levitiko 19:16 ပူးပေါင်းရင်းမြစ်များ

Jobu 17:5

Haba at ame hâiâ je lahanen mʼadre me sei ödrin, Me ame he ka hanenak je li emakan je lakon.

Salamo 101:5

Haba at ame hâiâ duöngâ liamewaeny mē, me oge me he bi nya ka ohia: Oge me ca he ka hokhnyokâ at ae hwege hnyimakan, me at ame hnyok bi gan.

Salamo 15:3

A at ame ca bi fuc ge bohmen, Kʼ ame ca okongoâ liamewaeny mē, Me ca kap bi hna haikongoâ at ame laba hakekenyâ e.

Salamo 50:20

U je laba ju me haikongoâ liamekiny möu; U je sit hofuc thoi ka nokon hinyâm.

Esodo 20:16

U ca he ka bi fuco thoiâ ke at.

Esodo 23:1

U CA he ka kap ûthumetu ae thoi: ke ca hai hnyamâm tha u me at ae monu he ka ohnatho ûokonguny.

Esodo 23:7

Ûsâkâûö u but me hofuc ae thoi; ke ca he ka kot at ae ba kongou, ke wisa hwakecin: anyin oge me ca he ka haiwisa at ae kong.

Ta je Vejec 10:18

Haba at ame oiyongâ ûöhûköti, me ame thoi hnyimen; Ke haba at bifuco, me wale at ae monu.

Ta je Vejec 11:13

Haba at ame hok hofuc, me ame omanenâ ta je ûnyi ae iyong; Ke haba at ae hnathu hnyekon me ame ikhölö hofuc.

Ta je Vejec 20:19

Haba at ame hok ûsabû me ame omanenâ ta je ûnyi ae iyong: Awe, ca tha e me at ame memang li esongodiny.

Jeremia 6:28

Ödra tavat ûjöng hia, adre me tha ngenu me tavat ûhaiö: ödra bras me fao: ödra tavat iyawo hia thithö.

Jeremia 9:4

Ve wâ ju öbun je lahanöbun, ke ca labageju öbun ka je liamekeiny: anyin ame he je liamekeiny hia thithö ka iobö.

Ezekiela 22:9

E hnyi wanbâm ehac tavat bifuco thoi mʼ adre me hingâlâ dra: ke e unyâm hnyat adre me han hon je bucen: kʼ adre hia but ânyâ ûnyi ae ikiki hnyi wanbâm.

Mataio 27:4

me ha, ka habe, Oge hia but ânyâ hulö he ka alecuâ dra ae ba hnyikongon. Ke haingödra, ka habe, U me ha bi kohmun? ka u bi u.

Deuteronomi 27:25

Hnaûhango at ame kap hwaban me me hlingâ at ae ca ûcû ka mok. Kʼ ame he tavat hia ka ha, ka habe, Amen.

I. Timoteo 3:11

Helâe minya omomo he ka hnyokâ wisa, ca tavat ûhaiö, ke so he ka hok hnyok, me hnathu hnyi ta je ûnyi hia thithö.

II. Timoteo 3:3

adre me ca betenge ge lahanödra, adre me höcö ûsoköu, tavat ûhaiö, me ca khanʼ ödra kât weny unyidra, me hwege hnyimakodra, me ca hnyok ûnyi ae so,

Tito 2:3

Ke helâe minya wasohmeca, he ka hwakecin ae ûcû me Khong, ca tavat ûhaiö, ca tavat adre hom hwenbâ ge waina ae gan, ke so bi tavat ûnö ta je ûnyi ae so;

I. Peteru 2:1

ANY IN a wale degec ut öbun hwakecin hia ae kong, me iyawo hia, me ta je thoi, me ihuhnyinköu, me ûhaiö hia,

I. Samuela 24:10

Me wâ, haba hnyi bong ang a wâ but li emâkâm a Iehova ame hia but hnö u eja ka hnyi hnyamok hnyi op: ke a ha könya ke je hnyat he ka hlingö u: ke so bi oge me betenge gam, me oge me ha, ka habe, oge me ca he ka inâ hnyamok ka tukök; anyin a e at Iehova ame hû.