Levitiko 19:12 - Iaai Bible 1901 (New Caledonia)

¹² Ke ca he öbun ka khemanyin thoi hnyi iök, anyin a u je okongoâ ien Khongom helâe: Inya Iehova.

Levitiko 19:12 ပူးပေါင်းရင်းမြစ်များ

Salamo 15:4

E hûkötö li emakan at ae ikiki; Ke e ame oganâ tavat adre me outö Iehova. E ame khemanyin me okongoâ e bi, kʼ ame ca hwio bi.

Esodo 20:7

U ca he ka ha mono iö Iehova a Khongom: anyin ame ca he Iehova ka haisoâ tavat adre me haimono ien.

Isaia 48:1

LAP anyi Jekob lö, long ju ang, öbun tavat adre hwenyi iödra hoton iö Isaraela, a tavat adre me o but ûnyi hnyi je köien Juda; a tavat adre me khemanyin hnyi iö Iehova, me ha ge Khongon Isaraela, ke ca hnathu bi me wisa.

Jeremia 34:16

ke so bi öbun e hwio hmetu me okongoâ iök, me ve ohmeto je athnyaba obaga me omomo, waleji öbun e hna baûâ hoton wedra; ke öbun e musi ödra, he ka bi athnyaba obaga me omomo.

Jeremia 4:2

ke u me he ka khemanyin hnyi hnathu, me owisa, me wisa hnyok, ka habe, Kia inya Iehova; ke ame he je hnyei ka ha hnahici ödra gan, me ohobeluâ gan.

Jeremia 5:2

Ke adre me ne he ka ha, ka habe, Kia inya Iehova; e hnathu, adre me khemanyin thoi.

Jeremia 7:9

Hawa, öbun e he ka venöu, me ûhlingö, me bi ûnyi monu me khemanyin thoi, me leû utö ae bo so kö Baala, me hnu hoton ke je khong, wale ae ca khanʼ öbun,

Levitiko 18:21

Ke u me ca he ka hna lakom he ka he hnyi wanben meic kö Moleka, ke u me ca he ka okongoâ ien Khongom: Inya Iehova.

Levitiko 20:3

Oge me he ka wâ hmâ at eling me subâ degecâ e ûnyi hnyi iny hnyei; anyin a e ame ham nokon kö Moleka, me ame oikikiâ dok a kabik, me okongoâ iök ae kap.

Levitiko 24:11

ke haba nokon momo Isaraela ame haikongoâ ien Khong, me ûhangö: me adre me hom e kö Mose. Haba ien hinyen, me, Selomith, noku Deberi, ûnyi hnyi tribu Dana.

Levitiko 6:3

ame ne wâ ûnyi a hia anyin ke at, kʼ ame iyawâ hnyin, me khemanyin thoi; haba hnyi ta je ûnyi hia eling a ânyâ ke at, me mâdrâ hulö hnyin:

Zakaria 5:3

Me haingen kônya ka habe, Wale hnaûhango at ame vheno hia hon kânâ: anyin a haba at venöu, me adre me he ka subâ degecâ hoton e hnyi ke keihen e; ke haba at ame khemanyin adre me he ka subâ degecâ hoton e hnyi ke keihen e.

Zakaria 5:4

Oge me he ka kunâ e, haingö Iehova tuhan sabaoth, ke e ame he ka dit hnyi hnyin uma umen at venöu, me uma umen at ame khemanyinâ thoiâ iök: ke e ame he ka laba hnyi hnyin umen uma, me ohia e, tha e me ûtoiny, me je vetoiny.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Deuteronomi 5:11

U me ca he ka ha bâûâ iö Iehova Khongom: anyin ame ca he Iehova ka ha ae ba kongon at ame ha mono ien.

Iakobo 5:12

Hnyat me lakeiny mönya lö, walang ûnyi ae ûnyi hnathu hon ta je nyi hia, ka habe, ca khemanyin bi, ca hâiâ drany, ke hmeledrany, ke ke ûnyi bi: ke so he ka hake ha eke me eke, ke hobun e ba, me e ba; wâ öbun nye û but ka hnyi hnaûhango.