Levitiko 18:5 - Iaai Bible 1901 (New Caledonia)

⁵ Anyin a wale hamöbun he ka tuö anyik je hnanyibu, me hnok je hna owisa: anyin a haba at ame he ka ânyâ e, me ame he ka möt hnyin: Inya Iehova.

Levitiko 18:5 ပူးပေါင်းရင်းမြစ်များ

Nehemia 9:29

ke u je thawʼ ödrin, mʼ u me he ka ohmetu ödrin ka hnyi ânyâm hnanyibu: ke so bi ödrin e bi gan me ca long bi hnâm je hna hûna, ke ödrin e monu hnyi hnâm je hna owisa, (wale a ne ânyâ e ke at, me ame he ka möt hnen e,) ke ödrin e behânâ li abenyidrin, me ohwegiâ je nyidrin, me ca long bi.

Esodo 6:2

Ke Khong ame fuc kö Mose, me ha kâu, ka habe, Inya iehova:

Esodo 6:29

me haingö Iehova kö Mose, ka habe, Inya Iehova: bethe ha kö Farao than Aigupito je hofuc hia thithö oge me haköu.

Esodo 6:6

Anyin a wale, ha thö ka je lakon Isaraela, ka habe, Inya Iehova, me oge me he ka hum öbun ûnyi hnyi ta je huliwa ae hmak anyin at Aigupito, kʼ oge me he ka hûgûn ʼöbun ûnyi hnyi hnödra hna bwenböbun, kʼ oge me he ka omeli öbun ge hnyam adre hai, me hna owisa ae gan hmâ;

Isaia 55:3

Tevehlöng ju, ke ai öbun könya; löng ju me me möt je hanubun: ke oge me he ka ânyâ ûhihinyköu möbun a nyiele balua, wale tang betenge ae hnathu unyi Davita.

Ezekiela 18:9

ke ame vheno anyik je hnanyibu, ke tuö hnok je hna owisa, ke me ânyâ hnathu; awe, e at ae wisa, e hnathu e ame he ka möt haingen Than Iehova.

Ezekiela 20:11

Ke oge me ham kodra anyik je hnanyibu, me omanenâ kodra hnok je hna owisa, waleji a e ka he at ka mâdrâ, me ame he ka möt hnyin.

Ezekiela 20:13

Ke haba lap anyi Isaraela adre me ûkhin fuc mönya hnyi hnyebuba: adre me ca vheno anyik je hnanyibu, ke adre me hûkotiâ hnok je hna owisa, waleji a e ka he at ka mâdrâ, me ame he ka möt hnyin; ke adre me okongoâ gan hmâ anyik je sabath: me oge me ha a oge me he ka hingâlâ anyik hmönyin hudra hnyi hnyebuba, he ka ohiʼ ödra but.

Ezekiela 20:21

Ke haba je lakudra adre me ûkhin fuc mönya; adre me ca vheno anyik je hnanyibu, me ca tuö hnok je hna owisa me ânyâ, waleji a e ka he ke at ka ânyâ e ame he ka möt hnyin; kʼ adre me okongoâ anyik je sabath: me oge me ha a oge me he ka hingâlâ anyik hmonyin hudra, me umö anyik wathethot hudra hnyi hnyebuba.

Levitiko 18:6

Ca he ke at gabun ka hakekenyâ ke liamekeiny mē, he ka hai hnamejin: Inya Iehova.

Malaki 3:6

Anyin a inya Iehova oge me ca hwio; anyin a wale, adre ca ohiʼ öbun je laku Jekob.

Mataio 19:17

Me e ame ha kâu, ka habe, Ieû gam u me hnö gak ûnyi ae so? Khaca thibi at ae so: ke a ne wem he ka didro ka hnyi möt vheno thö ta je hnanyibu.

Luka 10:28

Ke e ame ha kâu, ka habe, E wisa hnâm hna thu, mâdrâ thö e, ke u me he ka möt.

Roma 10:5

Anyin a Mose ame sihnalimen a haba at ame ânyâ hwakecin ae wisa ûnyi hnyi hnanyibu, me ame he ka möt hnen e.

Roma 7:10

ke haba hnanyibu a hnân omeli, oge me wâ a hnân mekiny:

Galatia 3:12

ke haba hnanyibu me ca hanen bi labageju; ke, Haba at ame he ka vheno e, me e ame he ka möt kâu.

Deuteronomi 30:20

me hnyok ju kö Iehova Khongom, me löng hoton hwan hofuc, me kece kâu; anyin a e melam, ke at ame osehia bongom je bong: mʼ u me he ka labā hnyei Iehova ame khemanyin ka lakâmâm, jia Aberahama, me Isaaka, me Jekob, he ka ham ködrin.

Deuteronomi 30:6

Ke ame he Iehova Khongom ka peritomonâ hnyekom, me hnyekon je mâtrânâm, mʼ u me we Iehova Khongom ge hnyekom ae bekhöt me hanom ae bekhöt, mʼ u me möt bi.

Deuteronomi 4:1

ISARAELA lö, löng ju u walang ang je hnanyibu me je hna owisa, oge me nʼ öbun he ka ânyâ; mʼ öbun e he ka möt, me he but me labā hnyei a ham köbun Iehova Khongon lakamöbun.