Levitiko 18:24 - Iaai Bible 1901 (New Caledonia)

²⁴ Ca he ka okongu öbun bi hnyi ta je ûnyi eling; anyin a ta je ûnyi hia e ame okongoâ je hnyei wala oge me he ka obâ hnyi hnyimaköbun:

Levitiko 18:24 ပူးပေါင်းရင်းမြစ်များ

Genese 15:16

Ke haba hnyi dö ae vakiny adre me he ka hmetu jem: anyin ae tiga ca bekhöt ut konginy at Amora.

I. Je Than 9:7

awe, oge me he ka subâ degeci Isaraela ûnyi hnyi hnyei wale oge ham ködrin; ke haba uma ang oge okabâ hobi kâu iök, me oge me he ka degec ûnyi hnyi hnyimakök; ke ame he Isaraela ka tot hnân hofuc vejec me hluma hnyi ta je hnyei hia:

II. Man Ûlabainy Je Than. 33:2

Ke e ame ânyâ ûnyi ae monu hnyi hnyimakö Iehova, helâ me hwakecin ae ikiki anyin je wanaithila waleji a obâ Iehova hnyi hnyimakan lakon Isaraela.

Ezera 9:1

Kʼ AME um dö ta je ûnyi eling, me ame hakekeny könya je than hia, haingödrin, ka habe, Haba tavat Isaraela, me tavat bihut, me at Levi, ödrin e ca hia but oûsâkâûöâ me tavat aten je hnyei, ge anyidrin je hwakecin ae ikiki, wale at Kanana, me Heth, me Perizi, me Jebusi, me Amona, me Moaba, me Aigupito, me Amora.

Salamo 106:39

Waleling mʼ ödra kong bi ûnyi ge anyi dra ta je huliwa, Me bi ûnyi monu ge hnödra hna ânyâ.

Jeremia 44:4

Ke so bi, oge me kunâ köbun je athnyabaik hia je perofeta, me vesâkong, me ûkhûnöng, me ha, ka habe, Öbun a ca ânyâ ûnyi ang ae ikiki wale a hmiök.

Ezekiela 36:17

Nokon at lö, hnyi ûen waleji ame laba at Isaraela hnyi idra hnyei, me adre me okongoâ ge hwakecidra me hnödra hna ânyâ: haba hwakecidra hnyi hnyimakök me helâ me ûkonginy momo ame hom bongon omomo.

Levitiko 18:3

Ca he öbun ka ânyâ hoton hwakecin hnyei Aigupito waleji öbun e laba hnyin; ke ca he öbun ka ânyâ hoton hwakecin hnyei Kanana, wale oge me hum öbun ka hnyin: ke ca he öbun ka hnu hoton anyidra je hnanyibu.

Levitiko 18:30

Awe, öbun e he ka tuö hnok je hna hûna, me mo ca ânyâ bi ke hwakecin ae ikiki waleji adre ânyâ ke tiga hiʼ öbun, me me ca he ka okongu öbun hnyin: Inya Iehova Khongubun.

Numera 35:34

Ke ca he öbun ka okongoâ hnyei öbun e laba hnyin, ke inya oge me laba hynin: anyin a inya Iehova oge me laba hnyi wanben lakon Isaraela.

I. Korinito 3:17

A ne okongoâ uma umen Khong hnen ke at, me ame he Khong ka okongoâ e; anyin ae kap uma umen Khong, wale thibi öbun.

Deuteronomi 12:31

U me ca he ka ânyâ helâe kö Iehova Khongom: anyin adre hia but ânyâ ka anyidra je khong ta je ûnyi ae ikikiâ Iehova, wale e ame hûkötiâ anyin adre me labö le ge meic lakudra obaga me wahlu ka anyidra je khong.

Deuteronomi 18:12

Anyin a Iehova ame ikikiâ tavat adre me ânyâ ta je ûnyi e: ke haba can ta je ûnyi eling ae ikiki, me Iehova Khongom ame obʼ ödra hnyi hnyimâkâm.

Deuteronomi 9:4

Ke e ka hia but Iehova Khongom obʼ ödra hnyi hnyimâkâm, me u me ca he ka ha eû hnyi hnyekom, ka habe, Can hwakecik ae wisa, Iehova ame hum nya me inye he ka hu hnyei ang: ke so bi can hwakecin ae kong anyin tavat eling, Iehova ame obʼ ödra hnyi hnyimâkâm.

Deuteronomi 9:5

Ca ûnyi: ge hwakecâm ae wisa, me wisainy hnyekom, wale me u me he me hûgûnâ idra hnyei: ke so bi can hwakecin ae kong anyin tavat eling Iehova Khongom ame obʼ ödra hnyi hnyimâkâm, me me hwâdâ hofuc waleji a khemanyin Iehova ka lakâmâm, a Aberahama, me Isaaka, me Jekob.

Owisa 20:10

ke otin e he ka hom tavat a ten ûnyi hnyi haded hnyi je tribu hia anyin at Isaraela, me khaca haded ûnyi hnyi thauzan, ke khaca thauzan ûnyi hnyi je ten thauzan, he ka hok kamejin tavat, me adre me he ka ânyâ helâ meʼ anyidrin monu ödrin e ânyâ hnyi Isaraela, ödrin ka o but hnyi Gibea hnyi Beniamina.

Owisa 20:5

Ke ame todrö könya obagainy Gibea, me tot igigili nya hnyi uma hnyi hnyinghet; ke ödrin e ûnykûme he ka hlingö nya, me ödrin e okongo anyik momo, me ame mokcu.

Owisa 20:6

Me oge me hom anyik momo, me susubâ, me kunâ e ka hnyi je hnyei hia iny at Isaraela: anyin a ödrin e ânyâ ûnyi ae ikiki me monu hnyi Isaraela.