Levitiko 18:20 - Iaai Bible 1901 (New Caledonia)

²⁰ Ke u me ca he ka tha mokut me âiân ke at, he ka okongu u unyin.

Levitiko 18:20 ပူးပေါင်းရင်းမြစ်များ

II. Samuela 11:27

Ke e a hia but tenge, me haba Davita ame ûkhûnöng he ka hom e ka hnyi umen uma, ke âiân dö e, kʼ ame hnokoâ nokon a da. Ke kong kö Iehova ûnyi eling a ânyâ Davita.

Esodo 20:14

U ca he ka bi ûnyi monu.

Ta je Vejec 6:25

Ca behnyekom eû hnyi hnyekom anyin hmanenang; Ke so ame ca omonu u hnen bademakan.

Ezekiela 18:6

kʼ ame ne ca munyi han hon je bucen, kʼ ame ca bwela göranyai ka je idolainy lap anyi Isaraela, kʼ ame ca hia but okongoâ âiân ke at, kʼ ame ca kâlâ momo hnyi ûen ae ca ûcû;

Levitiko 20:10

Haba at ame bi ûnyi monu me âiân ke at, me adre me he ka tha hlingâ baga me momo, a li at bi ûnyi monu.

Malaki 3:5

Ke oge me he ka hakekeny köbun he ka owisa; ke oge me he ka ie omanenâ at ae tren khong, me tavat bi ûnyi monu, me tavat khemanyin thoi; me tavat ovecâ at ame huliwa ge hwaban e, me safac, me nakahme, me tavat ohavâ wisa ka atkanyua, me ca outö nya, haingö Iehova tuhan sabaoth.

Numera 5:13

kʼ ame tha mokut me ke baga, kʼ ame ikhâlâ e ge âiân, me iyong, kʼ ame kong ut momo, ke ba at ame wâ hnân ohnathoâ, kʼ adre ca lelö e hnyi hnen hna ânyâ;

Roma 2:22

u at ame ha, ka habe, ca bi ûnyi monu, hawa, u me bi ûnyi monu bi? u at ame hûkötiâ je hnatheat, hawa, u me venöu omjehen ta je uma kap?

I. Korinito 6:9

Ke ca khanʼ öbun a haba tavat ae ca wisa hwakecidra, me adre me ca he ka hnyi hanen dokhu dokhon Khong? Ca omonu öbun bi: haba tavat adre me bi ûnyi monu, me tavat adre me hmi ka hnatheat, ʼme tavat adre me venöu âiân ke at, me tavat wagelue, me tavat adre me hwen sodoma,

Galatia 5:19

Ke e manen dut ta je huliwa anyin unyin, wale, bi ûnyi monu, me hwakecin ae ikiki, me hnyok wagelue,

Deuteronomi 22:22

Adre me ne wâ ke at ame tha mokut me momo a âiân ke baga, me ödru me he ka mok, wale baga at ame tha mokut me momo, ke momo minya: helâe u me he ka ohia hulö unyi Isaraela.

Deuteronomi 22:25

Ke ame ne ke baga ame wâ hnyi ta hnyei hlu ae hmehmela ke baga, kʼ ame kât e me tha mokut mē; me ame he ka hake mok baga at a tha mokut mē:

Deuteronomi 5:18

U ca he ka bi ûnyi monu.

Heberu 13:4

E so e he tavat hia he ka oûnyihnathoâ hna faipoipo, me hna mokut ae ba hnyikongon: anyin ame he Khong ka ohnaûhangʼ ödra adre me bi ûnyi monu, me tavat adre me venöu âiân ke at.