Levitiko 17:8 - Iaai Bible 1901 (New Caledonia)

⁸ Ke u me he ka ha ködra, ka habe, Haba at Isaraela hia, ame ne aten ke je hnyei ame laba kanyua unyibun, at ame hudo hudiny leû, ame ne ke hut,

Levitiko 17:8 ပူးပေါင်းရင်းမြစ်များ

II. Samuela 24:25

Ke haba Davita ame otilâ taben bi hut kö Iehova eling, me hudo je hudiny leû, me je hudiny ole. Ke Iehova ame kap je hna khöû hobi kâu hnyei, me ame hia ju mok ae cap unyin at Isaraela.

Levitiko 17:10

Ke haba at Isaraela hia, ame ne aten ke hnyei ame laba kanyua unyibun, ame he ka han dra; me oge me he ka wâ hmâ at eling ame han dra, me subâ degecâ e ûnyi hnyi iny hnyei.

Levitiko 17:4

kʼ ame ca hom e ka hnyi hwanumen uma ûkhacaköu, he ka hudo e kö Iehova hnyi hnyimakan uma mano anyi Iehova: ame he ka joniny at eling dra; kʼ ame hingâlâ dra; kʼ adre me he ka subâ degecâ at eling ûnyi hnyi iny hnyei:

Levitiko 17:7

Ke adre me ca he hmetu ka hudo anyidra je hut ka je khong waleji adre me bi ûnyi monu mē. Wale hnanyibu nyiele balua ködra hnyi anyidra ta je dö.

Levitiko 17:9

kʼ ame ca he ka hnyi hwanumen uma ûkhacaköu he ka hudo e kö Iehova, me adre me he ka subâ degecâ at eling ûnyi hnyi iny hnyei.

Levitiko 3:7

Ame ne hudo nokon mamoe hnân anyin hut, me e ame he ka hudo e hnyi hnyimakö Iehova:

Malaki 1:11

Anyin a hwân hnyi hna o hnen seûno ke ne o but hnyi hnen hna dit adre me he ka ogânâ iök hnen ta je Hnyei; ke haba hnyi je dok hia adre me he ka leû uto ae bo so ka iök, me hut ae so: anyin adre me he ka ogânâ iök hnen ta je Hnyei, haingö Iehova tuhan sabaoth.

Josua 22:11

Ke haba lakon Isaraela ödrin e long adre me ha, ka habe, Wâ bi, a hia but otilâ taben hut hnen je laku Reubena, me je laku Gada, me hafiny tribu Manase, cicö hnyei Kanana, hnyi baten Joridano, hnyi ke keihen iny lakon Isaraela.

Josua 22:15

Ke ödrin e o but ka laku Reubena, me laku Gada, me hafiny tribu Manase hnyi hnyei Gileada, me ha ködrin ka habe,

Josua 22:16

Walang hofuc hwan ûkhacaköu hia anyi Iehova, ka habe, Ie ûnyi ang ae kong öbun e ânyâ ka Khongon at Isaraela, möbun e hna hota but Iehova, wale öbun e otilâ taben hut hobi köbun, me khikhin ga Iehova hnyi bong ang?

Owisa 6:26

ke u me he ka otilâ taben hut kö Iehova Khongom hnyi hon ban hnabâ ae hwege eling, ge huliwa ae ûcû, me hom dö bolok a loiny me me hudo hudiny leû hon ûtoiny Aseira u me he ka sö degecâ.

I. Samuela 10:8

Ke bâm dö Gilegala ai, ke ama bilik; ke wâ bi, oge me he ka utut köu he ka hudo je hudiny leû, me hudo je hudiny ûsököu: seven je bong u me he ka hulubahingen ke ne o but oge me o köu, me omanenâ köu ûnyi u me he ka ânyâ.

I. Samuela 16:2

Ke haingö Samuela, ka habe, Oge me he ka hawa? ame he Saulo ka hlingö nya ame ne löng bi. Haba Iehova ame ha, ka habe, U me he ka tha hom mou ke nokon kau, me ha, ka habe, Oge me o he ka hudo kö Iehova.

I. Samuela 7:9

Haba Samuela ame hom ke nokon mamoe ame tiga i, me hudo hnân hudiny leû ae bekhöt kö Iehova: me Samuela ame tengiâ at Isaraela kö Iehova: me Iehova ame löng.