Levitiko 17:6 - Iaai Bible 1901 (New Caledonia)

⁶ Ke hamen at bihut he ka dukâiâ, taben hut anyi Iehova ge dren, hnyi hwanumen uma ûkhacaköu, me le pipikhenyainy hnân bo so kö Iehova.

Levitiko 17:6 ပူးပေါင်းရင်းမြစ်များ

Esodo 29:13

Ke u me be ka hom hia pipikhenyainy wale ame lan tang tiny, me ûnyi ae lau hon akiny, me li vagien me pipikhenyainy, ke u me he ka le hon taben hut.

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Ezekiela 44:15

Ke haba tavat bihut a at Levi, je laku Zadoka, waleji adre tuö je hanymen hnyi anyik dok ae kap hnyi hna he monu gak hnen lakon Isaraela, me adre me he ka hakekeny könya mʼ adre me huliwa könya; ke adre me he ka tot hnyi hnyimakök he ka hudo könya pipikhenya me dra, haingen Than Iehova;

Levitiko 17:5

waleling me me he ka hom hnen lakon Isaraela haledra je meno hnân hudo, wale adre me labö hlingâ hnyi hnyei, ödra ka he ka hum odrin kö Iehova hnyi hwanumen uma ûkhacaköu, ka at bihut, me hlingʼ odrin hnân hudiny ole kö Iehova.

Levitiko 3:11

Kʼ ame he at bihut ka le hon taben hut: wale jeûiny hut a an ge meic kö Iehova.

Levitiko 3:13

Ke e ame he ka ip hnyamen hon ban, me hlingâ hnyi hnyimakan uma ûkhacaköu: kʼ ame be laku Arona ka dukâiâ dren igigilö hon taben hut.

Levitiko 3:16

Kʼ ame he at bihut ka le ta je ûnyi e hon taben hut: wale jeûiny hut a an ge meic hnân bo so: hobi kö Iehova pipikhenya hia.

Levitiko 3:2

Ke e ame he ka ip hnyamen hon ban anyin hut me hlingâ hnyi hwanumen uma ûkhacaköu: kʼ ame he laku Arona hnyat bihut ka dukâiâ dren igigilö hnyi hon taben hut.

Levitiko 3:5

Kʼ ame he laku Arona ka le ûnyi e hon taben bi hut, hon hut hnân le hnyi hna hû meic: wale hut a an hnen meic, ae bo so kö Iehova.

Levitiko 3:8

ke e ame he ka ip hnyamen hon ban anyin hut me hlingâ e hnyi hnyimakan uma ûkhacaköu, kʼ ame he laku Arona ka dukâiâ dra igigilö hon taben bi hut.

Levitiko 4:31

Ke e ame he ka hom pipikhenyainy hia, helâ me hna hom pipikhenyainy hudiny ole; kʼ ame he at bihut ka le e hon taben hut me me bo so kö Iehova; ke ame he at bihut ka bi hwaban anyin möt, kʼ adre me he ka thang degecâ anyin hulö.

Numera 18:17

Ke haba nokon kau a bân, me nokan mamoe a bân, me nokon got a bân, me u me ca he ka bi hnen; ödra kap: ke u me he ka dukâiâ taben hut ge drödrin, me le pipikhenyaidrin hnân hut a an ge meic, me hnân bo so kö Iehova.