Levitiko 17:5 - Iaai Bible 1901 (New Caledonia)

⁵ waleling me me he ka hom hnen lakon Isaraela haledra je meno hnân hudo, wale adre me labö hlingâ hnyi hnyei, ödra ka he ka hum odrin kö Iehova hnyi hwanumen uma ûkhacaköu, ka at bihut, me hlingʼ odrin hnân hudiny ole kö Iehova.

Levitiko 17:5 ပူးပေါင်းရင်းမြစ်များ

Genese 21:33

Ke Aherahama ame ta ke ûö tarfa e Bere-seba, me hâwâ iö Iehova eling, Khong a Nyiele balua.

Genese 22:13

Me Aberahama ame bwele me wâ, ke wâ bi, e hnyi hoton ke mamoe baga, ame vhet li faoiny hnyi hnyot: ke Aberahama ame he me hom mamoe baga, me hudo biju hnân hut adre le, me hwaban nokon.

Genese 22:2

Ke e ame ha, ka habe, Hom dö nokom, a nokom a khaca, at u me betenge gan, jia Isaaka, me he thö ka hnyi hnyei Moria; me hudo thö e me hnân hut adre le, hon ke bucen oge me he ka ha köu.

Genese 31:54

Ke Jekob ame bi hudo ke hut hnyi bucen, me hawâ je liamekeiny më ka hnyi han areto: ke ödrin e han areto, me mokut hnyi bucen.

I. Je Than 14:23

Ke ödrin e ânyâ minya hobi ködrin je dok ae görany, me je veto ame tot, me je Aseira, hon je dok ae hut hia, me hmelen je ûö ae hât hia thithö;

I. Je Than 3:2

Ke so bi haba tavat adre bi hut hnyi je dok ae görany, anyin a ödra tiga ca um op uma umen iö Iehova ke ne o but hnyi je bong eling.

I. Je Than 3:3

Ke Solomona ame hnyok kö Iehova, kʼ ame vheno je hnanyibu anyi Davita a kamen; ke so bi e ame hudo me leû uto ae bo so hnyi je dok ae görany.

II. Je Than 16:4

Ke e ame bi hut me leû utö ae bo so hnyi je dok ae görany, me hon je dok ae hut, me hmelen je ûö hia ae hât.

II. Je Than 17:10

Ke ödrin e otilâ hobi ködrin bi je veto ame tot, me je Aseira hon je bucen hia, me hmelen je ûö hia ae hât:

II. Man Ûlabainy Je Than. 28:4

Ke e ame bi hut me leû utö ae bo so hnyi je dok ae gorany, me hon ta je hut, me hmelen ta je ûö hia ae hât.

Esodo 24:5

Ke e ame kunâ wahidröu a je lakon Isaraela, mʼ odrin e hudo ta je hut adre le, me hudo kö Iehova je kau hnân hudiny ûsoköu.

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 22:9

E hnyi wanbâm ehac tavat bifuco thoi mʼ adre me hingâlâ dra: ke e unyâm hnyat adre me han hon je bucen: kʼ adre hia but ânyâ ûnyi ae ikiki hnyi wanbâm.

Ezekiela 43:27

Ke at ka hia but ohwâdâ je bong, ke hwân hnyi bong a eitiny ke ne o but nyiele, me ame he tavat bihut ka hudo hon taben hut anyibun je hudiny leû, me anyibun je hudiny ûsoköu; ke oge me he ka köp öbun haingen Than Iehova.

Ezekiela 44:15

Ke haba tavat bihut a at Levi, je laku Zadoka, waleji adre tuö je hanymen hnyi anyik dok ae kap hnyi hna he monu gak hnen lakon Isaraela, me adre me he ka hakekeny könya mʼ adre me huliwa könya; ke adre me he ka tot hnyi hnyimakök he ka hudo könya pipikhenya me dra, haingen Than Iehova;

Levitiko 17:4

kʼ ame ca hom e ka hnyi hwanumen uma ûkhacaköu, he ka hudo e kö Iehova hnyi hnyimakan uma mano anyi Iehova: ame he ka joniny at eling dra; kʼ ame hingâlâ dra; kʼ adre me he ka subâ degecâ at eling ûnyi hnyi iny hnyei:

Levitiko 17:6

Ke hamen at bihut he ka dukâiâ, taben hut anyi Iehova ge dren, hnyi hwanumen uma ûkhacaköu, me le pipikhenyainy hnân bo so kö Iehova.

Deuteronomi 12:2

Öbun e be ka ti ohia ta je dok hia adre me bi athnyabainy hnyin je khongudrin hnyi je hnyei öbun e he ka hu, walʼ ethö hon je bucen ae beû, me je dok ae görany, me hmelen je ûö hia ae hat: