Levitiko 17:4 - Iaai Bible 1901 (New Caledonia)

⁴ kʼ ame ca hom e ka hnyi hwanumen uma ûkhacaköu, he ka hudo e kö Iehova hnyi hnyimakan uma mano anyi Iehova: ame he ka joniny at eling dra; kʼ ame hingâlâ dra; kʼ adre me he ka subâ degecâ at eling ûnyi hnyi iny hnyei:

Levitiko 17:4 ပူးပေါင်းရင်းမြစ်များ

Genese 17:14

Ke adre me he ka subâ degecâ ûnyi hnyi iny hnyei at adre me ca peritomonâ unen unyin; e ame hanyâûâ anyik ûhihinyköu.

Salamo 32:2

Hnahic hnen at wale Iehova ame ca ha anyin hulo, Ke ba iyawö hnyi banon.

Esodo 12:15

Seven ta je bong öbun e he ka han areto hnyin adre ca levenâ bi: haba hnyi bong a bân öbun e he ka degec leven ûnyi hnyi umöbun ta je uma: anyin a haba at ame he ka han areto adre levenâ hwân hnyi bong a bân ke ne o but ka hnyi bong a seveniny, me adre me he ka subâ degecâ at e unyi Isaraela.

Esodo 12:19

Adre me ca he ka wâ leven hnyi umöbun je uma hnyi je bong a seven: anyin a haba at ame he ka han areto adre levenâ, me adre me he ka subâ degecâ at eling ûnyi hnyi ûkhaeaköu anyin at Isaraela, ame ne atkanyua, ame ne at adre hnokoâ hnyi hnyei.

Esodo 30:33

Ke haba at ame he ka ûhaniken ûnyi helâe, me ip hanen hon ke atkanyua, me adre me he ka ohia at e ûnyi hnyi iny hnyei.

Esodo 30:38

Ke haba at ame: he ka ânyâ ûnyi helâe hnân hnulâ, me adre me he ka ohia e ûnyi hnyi iny hnyei.

Isaia 66:3

Haba at ame hlingâ bolok, me ame helâ me at ame hlingâ at; haba at ame hudo nokon mamoe, me ame helâ me at ame thu nyin kuli; haba at ame hudo bwihlany, me ame helâ me at ame hudo dren buaka; haba at ame leû libanu, me ame helâ me at ame hahnahicâ hnatheat: eke, adre hia but ûca dedra bi je gethen, ke ame senyin je hanudrin hnyi anyidra bi ta je ûnyi ae ikiki.

Ezekiela 20:40

Anyin a hnyi hon anyik bucen ae kap, hon bucen dok ae gorany hnyi Isaraela, haingen Than Iehova, ame he ka bi athnyabaik eling hnyi hnyei hnen lap anyi Isaraela hia, a ödra hia thithö; oge me he ka köp ödra eling, ke oge me he ka elâm eling anyibun je bwihlany, me je hudiny anyibun wan a bân, me anyibun ta je ûnyi hia ae kap.

Levitiko 1:3

Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 17:10

Ke haba at Isaraela hia, ame ne aten ke hnyei ame laba kanyua unyibun, ame he ka han dra; me oge me he ka wâ hmâ at eling ame han dra, me subâ degecâ e ûnyi hnyi iny hnyei.

Levitiko 17:14

Anyin a wale melen je ûnyi hia; haba dren me wale möt: ke waleling me oge me ha ka lakon Isaraela, ka habe, Ca he öbun ka han dren omeno hia: anyin a haba dra, me, wale melen ta je ûnyi hia, ke haba at ame he ka an e, adre me he ka subâ degecâ.

Levitiko 17:3

Haba at Isaraela hia ame hlingâ bolok, ame ne nokon mamoe, ame ne got, hnyi hnyaba, kʼ ame ne hlingâ hoton hnyaba,

Levitiko 17:5

waleling me me he ka hom hnen lakon Isaraela haledra je meno hnân hudo, wale adre me labö hlingâ hnyi hnyei, ödra ka he ka hum odrin kö Iehova hnyi hwanumen uma ûkhacaköu, ka at bihut, me hlingʼ odrin hnân hudiny ole kö Iehova.

Levitiko 17:9

kʼ ame ca he ka hnyi hwanumen uma ûkhacaköu he ka hudo e kö Iehova, me adre me he ka subâ degecâ at eling ûnyi hnyi iny hnyei.

Levitiko 18:29

Anyin a haba at ame ânyâ ke ûnyi eling ae ikiki, me adre me he ka subâ degecâ tavat adre me ânyâ e ûnyi hnyi idrin hnyei.

Levitiko 20:16

Ke ame ne he he momo ka hakekenyâ ke meno, me tha mokut mē, me u me he ka tha hlingâ momo me meno: adre me he ka tha hlingʼ ödru hia: ame he ka takû ödru ge drödru.

Levitiko 20:18

Ke a ne he ke baga ka tha mokut me momo ae hu bongon omomo, me hai hnamejin; me e ame hia but ohethuâ pupua gan, kʼ ame hia but hai tubwiny pupainy dra gan bi: me adre me be ka tha subâ degeci ödru ûnyi hnyi idru hnyei.

Levitiko 20:3

Oge me he ka wâ hmâ at eling me subâ degecâ e ûnyi hnyi iny hnyei; anyin a e ame ham nokon kö Moleka, me ame oikikiâ dok a kabik, me okongoâ iök ae kap.

Levitiko 3:2

Ke e ame he ka ip hnyamen hon ban anyin hut me hlingâ hnyi hwanumen uma ûkhacaköu: kʼ ame he laku Arona hnyat bihut ka dukâiâ dren igigilö hnyi hon taben hut.

Levitiko 7:18

Ke adre me ne he ka an ke keihen utiöiny hudiny ole hnyi bong we, waleji e ame hudo, me adre me ca lie ka kap e, ke adre me ca he ka aû e ka at ame hudo: ûnyi ae ikiki, ke haba at ame he ka an, me ame he ka takoû e anyin hulö.

Ioane 10:7

Haba Iesu ame ha hmetu ködra, ka habe, E hnathu, e hnathu, inya oge me ha köbun, ka habe, Inya ang homagöule hobi kâu ta je mamoe.

Ioane 10:9

Inya ang homagöule, a ne ke at ame didro unyik, e ame he ka möt, me didro me didrut, kʼ ame he ka wâ jeû.

Ioane 14:6

Iesu ame ha kâu, ka habe, Inya ang gethen, me hnathu, me möt: e ba at ame he ka he kö Cica, e ka ca mē bân ka o könya.

Roma 4:6

Helâ me Davita ame hahnahicâ at hnen Khong hna haiwisa, ke ca ha biju huliwa, ka habe,

Roma 5:13

anyin e hu hulo hnyi hmeledrany ke ne o but ame o hnanyibu: ke adre me ca he ka ha hulo, e ka ba hnanyibu.

Roma 5:20

Ke ame o but minya hnanyibu, me ame se hia but monu; ke haba dok ame gan monu hnyin, me wale gan hmâ but ibetengiö baû:

Deuteronomi 21:8

Iehova lö, thang monu anyin em hnyei Isaraela waleji u je omelö, ke u me ca he ka ip dra ae ba hulöiny he ka laba hnyi em hnyei a at Isaraela. Me adre me he ka hnʼ ödrin dut ge dra.