Levitiko 17:11 - Iaai Bible 1901 (New Caledonia)

¹¹ Anyin a e hnyi dra melen unyin: ke oge hia but ham e köbun hon taben hut, me me bi hwaban anyibun möt: anyin a haba dra, me, wale at ame bi hwaban möt, anyin ae hu möt hnyin.

Levitiko 17:11 ပူးပေါင်းရင်းမြစ်များ

Genese 9:4

Ke öbun e ca he ka tha an utiö me melen, wale ûnyi a dren.

Levitiko 1:5

Ke e ame he ka hlingâ bolok hnyi hnyimakö Iehova: ke hamen hnyat bihut, a je laku Arona, he ka hom dren, me dukâiâ igigilö ge dra wale hon taben hut a e hyni hwanumen uma ûkhacaköu.

Levitiko 16:11

Ke ame he Arona ka hom bolok hnân hudiny hulö, wale hobi kâu e bi, me e ame he ka bi hwaban anyin möt me anyin lap, kʼ ame he ka hlingâ bolok hnân hudiny anyin hulö:

Levitiko 17:12

Anyin a wale oge me ha ka lakon Isaraela, ka habe, E ba at unyibun ame he ka han dra, ke ca he ke at e aten ke hnyei ame laba kanyua unyibun he ka han dra.

Levitiko 17:14

Anyin a wale melen je ûnyi hia; haba dren me wale möt: ke waleling me oge me ha ka lakon Isaraela, ka habe, Ca he öbun ka han dren omeno hia: anyin a haba dra, me, wale melen ta je ûnyi hia, ke haba at ame he ka an e, adre me he ka subâ degecâ.

Levitiko 4:25

Ke hamen at bi hut be ka hom ke ong dra dren hudiny hulö, ge banyen, me kina hnyi je baitoiny taben leû hut, kʼ ame he ka hingâlâ dren hmelen taben leû hut.

Levitiko 4:26

Ke ame he ka le hia pipikhenyainy hon taben hut, helâ me pipikhenyainy hudiny ole; ke ame he at bihut ka bi hwaban anyin möt anyin a e at hulö, kʼ adre me he ka hna but anyin monu.

Levitiko 8:15

Ke e ame hlingâ; ke Mose ame hom dra me kina e hon je baitoiny taben hut igigilö ge banyen, me ânyâ wia taben hut, me hingâlâ dra hmelen taben hut, me okabâ, me me bi hwaban möt.

Mataio 20:28

helâ me Nokon at a ca o me me he ka bi athnyaba kâu tavat, ke so bi he ka bi athnyaba me ham anyin möt hnân hwaban melen tavat ae se hia.

Mataio 26:28

anyin a walang drök ûnyi hnyi ûhihinyköu, adre me hingâlâ e hobi kâu tavat ae se hia, me hnân thang ta je hulö.

Mareko 14:24

Ke e ame ha ködrin, ka habe, Walang drök ûnyi hnyi ûhihinyköu, wale adre hingâlâ hobi kâu tavat ae se hia.

Roma 3:25

a hut ame oâ hnen Khong, deny labageju ka hnyi dren, mʼ adre me he ka omanenâ hwakecin ae wisa ûnyi hnyi hnen hna thang ut ta je hulo adre ânyâ ehac, ûnyi hnyi hokhnyok beû hmâ anyin Khong;

Roma 5:9

Ke walang ang adre me haiwisʼ öta ûnyi ge dreny, awe, adre me he ka ti omeli öta minya ûnyi gan hnyi hmonyin.

Efeso 1:7

ke hu but gata deny e, hna ûco möt ûnyi ge dren, wale he ka thang ta je hulo, helâ me ûganiny anyin ibetengiö baû,

Deuteronomi 12:23

Ke so bi, wâ eâu, me ca he ka han dra: anyin a haba dra, me, wale möt; ke u me ca he ka tha han möt me utioiny.

Kolose 1:14

ûnyi gan bi e hu hwaban anyita möt, wale he ka hna degecâ ta je hulo:

Kolose 1:20

me he ka öûsoköuâ ta je ûnyi hia thithö a deny e, e ka hia but öûsoköuâ ge dren anyin satauro; wale a deny thibi e, ame ne ta je ûnyi eang hmeledrany me ethö hnyi drany.

Heberu 13:12

Anyin a wale haba Iesu minya ame hom vec hnyi hoton homagöule me me he ka okâbâ tavat ûnyi ge dren bi.

Heberu 9:22

Ke wakhalet thiju ta je ûnyi adre me ca obosoâ ge dra hnyi hnanyibu, ke ba minya hna thang ut hulo e ka ca hingölö dra.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

I. Ioane 2:2

ke e thibi hut can anyita ta je hulo; ke ca hake öta thibi, ke can minya bi hmeledrany hia thithö.

Hna Omanenâ 1:5

me ûnyi ga Iesu Keriso at ohnatho ke hnathu, wale atöiny tavat ûhedra hnyi hna mok, ka tuhan ta je than hnyi hmeledrany. E so e unyin at ame betenge gata, kʼ ame thang degecâ anyita ta je hulo ûnyi ge dren;