Levitiko 16:6 - Iaai Bible 1901 (New Caledonia)

⁶ Kʼ ame he Arona ka hudo bolok hnân hudiny hulö, wale hobi kâu e bi, me me bi hwaban anyin möt me anyin lap.

Levitiko 16:6 ပူးပေါင်းရင်းမြစ်များ

Jobu 1:5

Ke ame um dö je bonginy tha han, me haba Jobu ame ûkhû-nöng he ka okabi ödrin, ke e ame vesâ hnyi hnyomakatu, me hudo je hudiny leû hoton ûseidrin: anyin a haingö Jobu, ka habe, Ame ne ânyâ hulo ge lakuk, me haikongoâ Khong eû hnyi je hnyekudrin. Haba Jobu ame ânyâ helâe bala.

Ezekiela 43:19

Ke u me he ka ham nak bolok hnân hudiny hulo, ka tavat bihut a at Levi je mâtrâni Zadoka, tavat adre me hakekeny könya, haingen Than Iehova.

Ezekiela 43:27

Ke at ka hia but ohwâdâ je bong, ke hwân hnyi bong a eitiny ke ne o but nyiele, me ame he tavat bihut ka hudo hon taben hut anyibun je hudiny leû, me anyibun je hudiny ûsoköu; ke oge me he ka köp öbun haingen Than Iehova.

Levitiko 16:3

Ke walang hwakecin ûdili Arona ka hnyi dok ae kap: e ame he ka hom nak bolok hnân hudiny hulö, me mamoe baga hnân hudiny leû.

Levitiko 16:7

Ke e ame he ka hom li got, me ip ödru hnyi hnyimakö Iehova, hnyi hwanumen uma hnân ûkhacaköu.

Levitiko 9:7

Ke haingö Mose kö Arona, ka habe, He thö ka hnyi taben hut, me hudo thö hudiny ânyâm hulö, me ânyâm hut adre le, me bi hwaban ânyâm möt, me melen tavat: ke hudo hut anyin tavat, me bi hwaban anyidra möt, helâ me hna hûna hnö Iehova.

Heberu 7:27

ke ca ûnyi hnathu bi kâu hnyi je bong he ka helâ me tavat bihut eling ae nua he ka bân ka hudo can anyidra ta je hulo bi, ke biliny bi hobi kâu hulo anyin tavat; anyin e ame okhaca ânyâ eling, hnyi hnen hna hudo e bi.

Heberu 9:12

ke ca ûnyi minya bi ge dren ta je got, me nokon kau, ke ûnyi ge hing dren bi, e ame okhaca dit ka hnyi dok ae kap, anyin a hia but ûco möt ame ca ba balua.

Heberu 9:7

ke haba hnyi uma menâ a loiny, ame hake dit at bihut ae beönua, a okhaca hnyi huna, ame ca he baû bi ke ame hom dra minya, wale e ame hudo hobi kâu bi, me ta je monu minya anyin tavat: