Levitiko 16:4 - Iaai Bible 1901 (New Caledonia)

⁴ E ame he ka khavâ ûkhaû lino ae kap, kʼ ame he ka khavâ unyin ge ûtrauzes lino, kʼ ame he ka weikâ hnyekon ge wen lino, me obicâ e ge hnabinybak lino: wale je ûkhaû ae kap; kʼ ame he ka osûâ unyin ge köiö, me khavâ je ûnyi eling.

Levitiko 16:4 ပူးပေါင်းရင်းမြစ်များ

Esodo 28:2

Ke u me he ka tibit je ûkhaû ae kap hobi kö Arona tuthâm, ûnyi ae mec me hmanenang.

Esodo 29:4

Ke haba Arona me je lakon u me he ka hum ödrin ka hnyi hwanumen uma hnân ûkhaeaköu, ke u me he ka osûʼ ödrin ge köiö.

Esodo 30:20

odrin ka didrö ka hnyi uma ûkhacaköu odrin e he ka soû ge köiö, wâ odrin e mokcu; helâe minya, odrin ka hakekenyâ taben bi hut he ka huliwa me le hut a an ge meic kö Iehova;

Esodo 40:12

Ke u me he ka hum Arona me je lakon ka hnyi hwanumen uma ûkhacaköu me osûʼ odrin ge köiö.

Isaia 53:2

Anyin a e ame kû tot hnyi hnyimakan helâ me bâtân, ke helâ me wân ûnyi hnyi kânâ ae atgec: e ba anyin hmanenang, ke ba meciny; ke ate me wâ e, me ba hmanenang gan mʼ ate me he ka weta.

Ezekiela 44:19

Ke ödra ka didrut ka hnyi hnyeule eû, wale hnyeule eû hnyou ka tavat, adre me he ka me uny jut anyidra je ûkhaû wale adre me huliwa kâu, me ip hnyi je hnyeule ae kap, me khavâ ke je ûkhaû, mʼ adre me ca he ka okabâ tavat ge anyidra je ûkhaû.

Ezekiela 9:2

Ke wâ bi ame o but siks tavat ûnyi hnyi getheniny homagöule ethö hnyi ke keihen ka hnyi hwadro, ödrin e ve o me anyidrin ta je ûnyi hnân ûhlingö; ke haba hnyi wanbödrin ke at ame khavâ ûkhaû lino, ke hu kaia sisit hnyi vhaken. Ke ödrin e didro me tot hnyi baten taben hut bras.

Levitiko 16:23

Ke ame he Arona ka didro ka hnyi uma hnân ûkhacaköu, me uny jut je ûkhaû lino, waleji a khavâ hnyi ûen e ame dit ka hnyi dok ae kap, me e ame he ka hnen bi ju ling:

Levitiko 16:24

ke e ame be ka osûâ unyin hnyi köiö hnyi ke dok ae kap, me khavâ hmetu khaûen bi, me didrut, me hudo hudiny anyi, leû, me hudiny leû anyin tavat, kʼ ame he ka bi hwaban anyin möt, me tavat

Levitiko 16:32

Ke haba at bihut adre hû me otilâ me me at bihut hwaban kamen, hamen he ka bi hwaban möt, me khavâ je ûkhaû lino, a je ûkhaû ae kap:

Levitiko 6:10

Ke ame he at bihut he ka khavâ anyin ûkhaû lino, me khavâ unyin ge anyin ûtrauzes lino; ke e ame he ka aoc hnabadröu ta an hut adre le hon taben hut, ke e ame he ka ip e hnyi ke keihen taben hut.

Levitiko 6:3

ame ne wâ ûnyi a hia anyin ke at, kʼ ame iyawâ hnyin, me khemanyin thoi; haba hnyi ta je ûnyi hia eling a ânyâ ke at, me mâdrâ hulö hnyin:

Luka 1:35

Ke haba angela ame thu me ha kâu, ka habe, Ame he ka o köu Hanu Kap, me ame he ka tungi u hnen man maniny Beönua: anyin a wale adre me he ka hwenyi ien at adre me he ka hnokoâ, me kap; a Nokon Khong.

Filipi 2:7

ke e ame ka ohnyikânâ e bi, me hom bongon athnyaba; ke e ame wia me me at;

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 2:14

Ke haba lakon, me adre me khaûʼ ödra ge viny me dren, awe, helâe minya e ame munyi helâe; me me he ka ohia hnen mok at ae tren maniny mok, wale diabolo;

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;