Levitiko 16:29 - Iaai Bible 1901 (New Caledonia)

²⁹ Ke wale hnanyibu hobi köbun nyiele balua: haba hnyi tshi a seveniny, hnyi bong a teniny tehi, öbun e he ka hom ûhnyûkongoâ je hnyekubun, me ca huliwa, ame ne ke at a aten hnyei, ame ne aten ke hnyei at ame laba kanyua unyibun:

Levitiko 16:29 ပူးပေါင်းရင်းမြစ်များ

I. Je Than 8:2

Ke ame ûkhacaköu kö Solomona than tavat Isaraela hia hnyi bijeû, hnyi tehi Ethanima, wale tehi a seveniny.

Ezera 3:1

KE ame o but tehi a seveniny, ke e but lakon Isaraela hnyi anyidrin je taun, me haba tavat adre me ûkhacaköu hnyi Jerusalema helâ me at a khaca.

Ezera 8:21

Ke oge me haimemenâ ûen he ka ca han eling hnyi wagewe Ahava, me hom ûhnyûkongi öhmun bi hnyi hnyimakan Khonguhmun, he ka elâm gan dehmun gethen ae wisa, me je wanakat gahmun, me anyihmun ta je ûnyi hia thithö.

Salamo 35:13

Ke haba inya, me oge me khavâ ûkhaû ae gan nân hnyi ûen mok a ödra: Kʼ oge me hom ûhnyûkongo hanuk me ca han; Ke ame hmetu hijik hic ka hnyi ûlaik.

Salamo 69:10

Hnyi ûen oge me tenge, kʼ ame vec hanuk ge ca han, Me adre me hiö nya can e.

Esodo 12:16

Ke haba hnyi bong a bân ame he ka hu unyibun ûkhaeaköu ae kap, ke hnyi bong a seveniny minya ame he ka hu ûkhaeaköu ae kap unyibun; e ba huliwa adre me he ka ânyâ hnyi je bong eling, ke so thibi jeû an at, wale thibi ûnyi öbun e he ka ânyâ.

Esodo 20:10

ke haba bong a seveniny, wale sabath anyi Iehova a Khongom: e ba huliwa u ma he ka ânyâ hnyin, u, me nokom baga, me nokom hlu, me athnyabaem baga, me momo, me halem meno, me atkanyua unyâm hnyi je homagöulem:

Esodo 30:10

Ke ame he Arona ka okhaca bi hwaban möt hon je baitoiny hnyi je huna: e ame he ka okhaca bi hwaban möt hon e hnyi je huna ge dra hnân hudiny hwakecin ae monu hnân bi hwaban möt hnyi anyibun ta je dö hia: e ti kap e kö Iehova.

Esodo 31:14

Anyin a wale öbun e he ka tuö sabath, anyin ae kap e unyibun: ke haba at ame he ka okongo e, adre me he ka hlingâ: anyin a haba at ame he ka huliwa hnyin, me, adre me he ka ohia at eling ûnyi hnyi iny hnyei.

Esodo 31:15

Siks je bong hnân huliwa; ke haba bong a seveniny, me, wale sabath hnân menâ, e kap hobi kö Iehova: ke haba at ame he ka bi huliwa hnyi bong sabath, me, adre me he ka hlingâ.

Isaia 58:13

U je ne thawâ cam hnyi sabath, me ca ânyâ bi wem hnyi anyik bong ae kap; ke u me he ka ha ge sabath a bonginy senyin, me ha ge hna okabâ hnö Iehova a hnân ogânâ; ke u je ne ogânâ e, me ca vheno dem je gethen, me ânyâ ûnyi hnân osenyini u, me ca ha bi hwâm bi je hofuc:

Isaia 58:3

Haingodra, ka habe, Anyin a ieû öhmun e ânyâ ca ban ke u me ca wâ bi? anyin a ieû öhmun e ovecâ ta je hanuhmun, ke u me ca wâhmakhmeto? Wâ bi, hnyi bonginy anyibun ca han, öbun e hnu webun, ke hwege hûna troban anyibun je huliwa.

Isaia 58:5

Hawa, oge me ûca ca han a helâe? ke hawa, bong ang me bonginy ovecâ hnyekon at? he ka nyingö ban helâ me saamun, ke bi hnen hna mokut mano ae gan nân me hnabadröu? hawa, u me he ka ha e me ûen ca han bi, ke bong ae so kö Iehova?

Daniela 10:12

Ke haingen könya, ka habe, Daniela lö, ca ot bi; anyin a hwân hnyi bong a bân, waleji a mou hnyin hnyekom he ka wâhmakhmeto, me hom ûhnyûkongu u hnyi hnyimakan Khongom, adre long ut ifucâm: ke oge me o but ang ûnyi ge hwâm je hofuc.

Daniela 10:3

E ba jeû ae so oge me an, kʼ ame ca dit ke utiö ke tap waina hnyi hnyimök, ke oge me ca sûö wakaco ke ne o but hnyi kun ta wik ae bekhot.

Levitiko 23:21

Ke öbun e he ka haimemenâ hnyi bong eling anyibun ûkhacaköu ae kap: e ba huliwa ae hmak öbun e he ka ânyâ: wale hnanyibu nyiele balua hnyi je hnyababun hia hnyi anyibun ta je dö.

Levitiko 23:3

Siks je bong adre me he ka huliwa, ke haba hnyi bong a seveniny, me wale sabath hnân menâ, me ûkhacaköu ae kap: ca he öbun ka ânyâ ke huliwa: wale sabath anyi Iehova hnyi je hnyababun hia.

Levitiko 23:36

Hnyi je bong a seven öbun e he ka hudo je hut a an ge meic kö Iehova: ke hnyi bong a eitiny öbun e he ka hu ûkhacakoû ae kap: ke öbun e he ka hudo hut a an ge meic kö Iehova: wale ûkhacaköu ae ûnyi hnathu; e ba huliwa ae hmak öbun e he ka ânyâ.

Levitiko 25:9

Ke u me he ka tûö trutru ae gan hwan hnyi bong a libenyitainy tehi a seveniny: öbun e he ka tûö trutru hnyi ibun hnyei hnyi bong hnân bi hwaban möt.

Levitiko 3:17

Ame he ka hnanyibu nyiele balua hnyi anyibun ta je dö, hnyi je hnyababun hia, ka habe, ca he öbun ka han pipikhenya me dra.

Numera 29:7

Ke haba hnyi bong a teniny tehi a seveniny öbun e he ka hu ûkhacakoû ae kap: me öbun e he ka hom ûhnyûkongo ta je hnyekubun; kʼ öbun e ca he ka huliwa:

Ta je huliwa 27:9

Ke hwaban je bong ae se hia, ke a o thö walang ûen ae kong he ka kec hnyin, anyin a um dö ûen adre ânyâ ca han, haba Paulo ame khöû ködrin,

I. Korinito 11:31

Ke ate ne hamöta ka wâhmakhmetu öta, me adre me ca he ka owisʼ öta.

Heberu 4:10

Anyin a haba at ame hia but dit ka hnyi anyin hna menâ, me e ame hia but menâ minya hwaban anyin ta je huliwa, helâ me Khong hwaban anyin ta je huliwa.

I. Samuela 7:6

Me ödrin e ûkhacaköu hnyi Mizepa, me seköiö, me hingâlâ hnyi hnyimakö Iehova, me ca han hnyi bong eling, me ha eling, ka habe, Ohmun e hia but ânyâ hulö kö Iehova. Ke Samuela ame owisa ka lakon Isaraela hnyi Mizepa.