Levitiko 16:24 - Iaai Bible 1901 (New Caledonia)

²⁴ ke e ame be ka osûâ unyin hnyi köiö hnyi ke dok ae kap, me khavâ hmetu khaûen bi, me didrut, me hudo hudiny anyi, leû, me hudiny leû anyin tavat, kʼ ame he ka bi hwaban anyin möt, me tavat

Levitiko 16:24 ပူးပေါင်းရင်းမြစ်များ

Esodo 28:40

Ke u me he ka tibet je ûkot hobi kâu je laku Arona, me u me he ka ânyâ hobi ködrin je wen hnyekudrin, ke u me he ka ânyâ hobi ködrin je hnabinybak, hnân mec me hmanenang.

Esodo 28:41

Ke u me he ka okhaûö Arona tuhâm me je lakon unyin ge je ûkhaû; ke u me he ka hûʼ odrin, me otilʼ odrin, me okabi odrin, mʼödrin e hnyat bihut könya.

Ezekiela 42:14

E ka didro tavat bihut, me ödrin e ca he ka dit ûnyi hnyi dok ae kap ka hnyi hnyeule eû, ke ödrin e he ka mē ip eling je khaûödrin, wale ödrin e huliwa kâu; anyin ae kap ta je ûnyi e: ke ödrin e he ka khavâ ke je ûkhaû, mʼ ödrin e he ka ûhakekenyâ ta je ûnyi anyin tavat.

Levitiko 14:9

Ke hnyi bong a seveniny e ame he ka giâ hia leûnen ban, me wainy, me hon li bademakan, e ame he ka giâ leûnen hia: ke e ame he ka hneû hia anyin je ûkhaû, me osûâ unyin ge köiö, ke e ame he ka bo so.

Levitiko 16:25

Ke haba pipikhenyainy hudiny hulö, e ame he ka le hon taben hut.

Levitiko 22:6

haba at ame kâlâ ta je ûnyi helâe, me e ame he ka bo kong ke ne o but sahac, kʼ ame ca he ka hnyi han ta je ûnyi ae kap, e ka tiga ca sûâ unyin hnyi köiö.

Levitiko 9:7

Ke haingö Mose kö Arona, ka habe, He thö ka hnyi taben hut, me hudo thö hudiny ânyâm hulö, me ânyâm hut adre le, me bi hwaban ânyâm möt, me melen tavat: ke hudo hut anyin tavat, me bi hwaban anyidra möt, helâ me hna hûna hnö Iehova.

Heberu 9:10

anyin a hake e thibi (ta je jeû me hnân ic me hna osûâ ae ve bongon), ta je hwakecin unyin, adre otilâ ke ne o but hnyi ûen he ka ohâtâ hmetoâ.