Levitiko 16:16 - Iaai Bible 1901 (New Caledonia)

¹⁶ ke hamen he ka bi hwaban melen dok ae kap can bo konginy lakon Isaraela, ke can hnödra hna hanyâûâ, me anyidra je monu hia; kʼ ame he ka ânyâ helâe hobi kâu uma ûkhacaköu ame laba unyidra wanben anyidra hulö.

Levitiko 16:16 ပူးပေါင်းရင်းမြစ်များ

Esodo 30:10

Ke ame he Arona ka okhaca bi hwaban möt hon je baitoiny hnyi je huna: e ame he ka okhaca bi hwaban möt hon e hnyi je huna ge dra hnân hudiny hwakecin ae monu hnân bi hwaban möt hnyi anyibun ta je dö hia: e ti kap e kö Iehova.

Levitiko 16:17

Ke ame he ka ba at hnyi uma ûkhacaköu e ka didro he ka bi hwaban möt hnyi dok ae kap, ke ne o but e ame dit hmetu, ke a hia but bi hwaban anyin möt, me anyin lap, me ûkhacaköu hia anyin at Isaraela.

Levitiko 16:18

Ke e ame he ka didrut ka hnyi taben hut hnyi hnyimakö Iehova, me bi hwaban melen; ke e ame he ka hom hanen dren bolok, me hanen dren got baga, me kina hnyi je baitoiny taben hut igigilö.

Levitiko 23:27

Haba hnyi bong a libenyitainy tehi eling a seveniny, ame he ka bong hnân bi hwaban möt: ke öbun e he ka hu ûkhacaköu ae kap, kʼ öbun e he ka hom ûhnyûkongoâ je hnyekubun; me hudo hut a an ge meic kö Iehova.

Levitiko 8:15

Ke e ame hlingâ; ke Mose ame hom dra me kina e hon je baitoiny taben hut igigilö ge banyen, me ânyâ wia taben hut, me hingâlâ dra hmelen taben hut, me okabâ, me me bi hwaban möt.

Numera 17:11

Ke Mose ame ânyâ helâ me Iehova ame hûna kâu, wale hnen hna ânyâ.

Numera 28:15

Ke khaca got baga hnân hudiny hulö, he ka hudo kö Iehova; ke ca ha bi hudiny leû adre hudo bala, me hudiny ic a hanen e.

Ioane 14:3

Ke oge ne he but ka ânyâwia ke dok hobi köbun, oge me he ka o hmetu, me oge me he ka köp öbun könya; me haba dok oge me laba hnyin, mʼ öbun e he ka laba hnyin minya.

Heberu 2:17

Wale me ka hamen e he ka wia e hēlâ me je liamekeiny më hnyi ta je ûnyi hia thithö, me me he ka at bihut ae nua ae betenge me hnathu hnyi ta je ûnyi anyin Khong, me me he ka hut bi, hnân ohia ta je hulo anyin tavat.