Levitiko 15:29 - Iaai Bible 1901 (New Caledonia)

²⁹ Ke haba hnyi bong a eitiny e ame he ka hom li biny hobi kâu, ame ne li nokon meköta, me hum ödru ka at bihut hnyi hwanumen uma ûkhacaköu.

Levitiko 15:29 ပူးပေါင်းရင်းမြစ်များ

Levitiko 12:6

Ke ka um dö je bongon obosoâ, ame ne da, ame ne hlu, me e ame he ka hom hnân hudiny leû nokon mamoe a khaca hunainy, me nokon meköta, ame ne biny, me me hudiny hulö ka hnyi hwanumen uma ûkhacaköu, ka at bihut:

Levitiko 12:8

Ke a ne ca khana momo he ka hom nokon mamoe, me so e ame hom lo li biny, ame ne li lakon meköta; khaca hnân hudiny leû, ke khaca hnân hudiny hulö; kʼ ame he at bihut ka bi hwaban anyin möt, me me bo so momo.

Levitiko 15:14

Ke haba hnyi bong a eitiny e ame he ka hom li biny, ame ne li nokon meköta, me hom ka hnyi hwanumen uma ûkhacaköu, hnyi hnyimakö Iehova, me ham ödru ka at bihut:

Levitiko 15:28

Ke ame ne bo so ûnyi hnyi hna hingölö ûnyi gan, e ame he ka aû hobi kau e bi seven ta bong, ke hwaban e, e ame he ka bo so.

Levitiko 15:30

Ke ame he at bihut ka hudo khaca hnân hudiny hulö, me khaca hnân hudiny leû; ke hamen at bihut ka bi hwaban anyin möt hnyi hnyimakö Iehova can hna hingölö ûnyi gan ae bo Kong.

Levitiko 9:1

KE haba hnyi bong a eitiny, Mose ame hao Arona, me lakon, me wahingatiny at Isaraela;

Numera 6:10

Ke haba hnyi bong a eitiny, me e ame ke ka hom li biny, ame ne li nokon meköta, ka at bihut, ka hnyi hwanumen uma ûkhacaköu:

Mataio 21:12

Ke haba Iesu ame didro hnyin uma kap umen Khong, me obâ hia tavat adre me ûcû hnyin uma kap, me hagutâ hnyikânâi ta je laulau anyin tavat wia mone, me je utap taben tavat adre me ûcû biny;