Levitiko 15:27 - Iaai Bible 1901 (New Caledonia)

²⁷ Ke haba at ame he ka kâlâ je ûnyi eling, e ame he ka bo kong, me hneû anyin je ûkhaû, me soû hnyi köiö, me bo kong ke ne o but sahac.

Levitiko 15:27 ပူးပေါင်းရင်းမြစ်များ

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 36:29

Ke oge me he ka omeli öbun ûnyi hnyi hwakecibun ae ikiki hia: ke oge me he ka hawa hwit, me osehia e, ke oge me ca he ka kunâ köbun hmiâ.

Levitiko 11:24

Ke walang je ûnyi ame be ka obokongi öbun; haba at ame he ka kâlâ je unyidra ae mok, ame he ka bo kong ke ne o but sahac:

Levitiko 15:13

Ke ödra ka he ka obosoâ at ame hingölö, ûnyi hnyi hna hingölö ûnyi gan; me hamen he ka aû hobi kâu e bi je bong a seven he ka obosoâ e, me hneû anyin je ûkhaû, me sûâ unyin hnyi köiö ame hingölö, ke ame he ka bo so.

Levitiko 15:21

Ke haba at ame he ka kâlâ hnen hna mokut, e ame he ka hneû anyin je ûkhaû, me soû hnyi köiö, me bo kong ke ne o but sahac.

Levitiko 15:26

Ke haba je hna mokut hia e ame mokulec hnyi je bong hia e ame hingölö, ame he ka tha ûcû me je hna mokut hnyi hna hake ip: ke haba je ûnyi hia e ame labâ, ame he ka bo kong helâ me ûbokonginy hna hake ip.

Levitiko 15:28

Ke ame ne bo so ûnyi hnyi hna hingölö ûnyi gan, e ame he ka aû hobi kau e bi seven ta bong, ke hwaban e, e ame he ka bo so.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Numera 19:22

Ke ame he ka bo kong ta je ûnyi hia a kâlâ hnen at ae bo kong; ke haba at ame kâlâ ta je ûnyi e, me e ame he ka bo kong ke ne o but sahac.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 9:14

awe, e ca beönua bi dren Keriso, waleji a hamen hudo e bi, ae ba hnyikongon, ka Khong, ûnyi ge Hanu a e balua bi, he ka obosoâ anyibun ûnykûm sa hnyi ta je huliwa ae mekiny mʼ öbun e he ka huliwa ka Khong ae mötî

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.