Levitiko 15:2 - Iaai Bible 1901 (New Caledonia)

² Fuc dö ka lakon Isaraela, me ha ködra, ka habe, E ka hingölö dân unyin ke at, e ame he ka bo kong ge hna hingölö unyi gan.

Levitiko 15:2 ပူးပေါင်းရင်းမြစ်များ

II. Samuela 3:29

e so e he ka takoû bö Joab me lap hia anyin kamen; ke ame ca he ka hia ûnyi hnyi lap anyi Joab at ame hingölö, me lepera, me at ame ci, me at ame ta ge hele vat, me at ae ba jeû.

Salamo 78:5

Anyin a e ame otilâ unyi Jekob ûnyi hnân ohnatho, Kʼ ame omanenâ hnanyibu unyi Isaraela, Waleji e ame hûna ka lakamöta, Mʼ adre me he bi ka omanenâ ka lakudra:

Levitiko 15:1

KE Iehova ame ha kö Mose me Arona, ka habe,

Levitiko 15:3

Ke walang bongon bo kong a e ge hna hingölö ûnyi gan: ame ne tiga hingölö dân unyin, ke ame ne um dö hingölö dân unyin, wale obokonginy.

Levitiko 22:4

Ame ne lepera ke at hnyi mâtrâni Arona, ame ne hingölö dân unyin; me e ame ca he ka hnyi han je ûnyi ae kap, ke ne o but e ame bo so bi. Ke ame ne hu ke at ame kâlâ ke ûnyi ae bo kong hnen unyin ae mok, ke ame ne at ame hingölö sin unyin;

Levitiko 5:3

ke ame ne kâlâ bokonginy at, a ta je ûnyi hia ae ikiki ame obokongoâ, ke iyong e kâu; haba hnyi ûen a e khana e, me e at hulö:

Numera 5:2

Hûna ju ka lakon Isaraela inʼ adre me he ka kunâ ka hnyi hoton je hnyaba ta je lepera hia thithö, me tavat hia ame hingölö, me tavat adre me bo kong ûnyi ge komok:

Mataio 9:20

Me wâ bi, ke momo ame ka hingölö dra hnyi twelv ta je huna ame he hnyi hotu Jesu me kâlâ obiny ûkhaûen:

Mareko 5:25

Ke wale momo ame moko dra ame hingölö hnyi twelv je huna,

Luka 8:43

Ke waleû ke momo kʼ ame hingölö dra hnyi twelv ta hunâ, ke ba hia but tang omjehen ge hnen hna bi hwaban tavat tren bubuny, ke ba at ae khana he ka osoâ e,

Roma 3:2

E gan hmâ hnyi ta je hwakecin hia: walang a bân, a gʼ adre hna kodra ta je hofuc hwan Khong.