Levitiko 15:19 - Iaai Bible 1901 (New Caledonia)

¹⁹ Ke ame ne ke momo ame hingölö, ke dra ame hingölö ûnyi gan, adre me he ka hake ip e hnyi je bong a seven: ke haba at ame kâlâ, ame he ka bo kong ke ne o but sahac.

Levitiko 15:19 ပူးပေါင်းရင်းမြစ်များ

Je tenge anyi Jeremi 1:17

Ziona ame lau li hnyamen; e ba at he ka otubwelâ; Iehova ame hia but ha ga Jekob, a gʼ adre me he ka iwahnaihmiony më tavat igigilo e: E ikiki Jerusalema unyidra.

Ezekiela 36:17

Nokon at lö, hnyi ûen waleji ame laba at Isaraela hnyi idra hnyei, me adre me okongoâ ge hwakecidra me hnödra hna ânyâ: haba hwakecidra hnyi hnyimakök me helâ me ûkonginy momo ame hom bongon omomo.

Levitiko 12:2

Ha thö ka lakon Isaraela, ka habe, Ame ne erkin ke momo, me ame hnokoâ da, me ame he ka bo kong hnyi je bong a seven; e ame he ka bo kong hoton ûen omomo.

Levitiko 12:4

Ke momo ame he ka laba hnyi dren hnân obosoâ hnyi je bong a thöti theri; kʼ ame ca he ka kâlâ ke ûnyi ae kap, kʼ ame ca he ka hnyi dit ka hnyi dok ae kap, ke ne o but ame um dö je bongon obosoâ.

Levitiko 15:20

Ke haba je ûnyi hia e ame mokulec, hnyi hna hake ip e, ame he ka bo kong: kʼ ame he ka bo kong minya ta je ûnyi e ame labâ.

Levitiko 20:18

Ke a ne he ke baga ka tha mokut me momo ae hu bongon omomo, me hai hnamejin; me e ame hia but ohethuâ pupua gan, kʼ ame hia but hai tubwiny pupainy dra gan bi: me adre me be ka tha subâ degeci ödru ûnyi hnyi idru hnyei.

Levitiko 22:5

ke ame ne ke at ame kâlâ ûnyi ame iyâû, wale ame obokongoâ e, ke ame ne ke at ame obokongoâ e hnen ke ûnyi ae bo kong unyin;

Mataio 15:19

Anyin ame didrut ûnyi hnyi hnyok ta je hna ûnykûme ae kong, me je ûhlingö, me venöu âiân ke at, me bi ûnyi monu, me venöu, me ohnatho thoi, me haikongo:

Mareko 5:25

Ke wale momo ame moko dra ame hingölö hnyi twelv je huna,