Levitiko 14:7 - Iaai Bible 1901 (New Caledonia)

⁷ ke e ame he ka oseven dukâiâ at adre obosoâ ûnyi hnyi lepera, me hai bosoâ, me hna meno ae möt ka hnyi hnyei.

Levitiko 14:7 ပူးပေါင်းရင်းမြစ်များ

II. Je Than 5:10

Haba Elisaia ame kunâ ûthumetu kâu me ha, ka habe, He thö ka soû ama oseven hnyi Joridano, me ame be ka so hmetu unyâm me hât.

II. Je Than 5:14

Me e ame he me oseven khut hnyi Joridano helâ me hofuc hwan aten Khong: me ame hmetu utioiny helâ me utioiny wanakat ae ûhnyûkong, ke e ame so but.

Salamo 51:2

Ti ösûö nya but ûnyi hnyi anyik monu, Me ânyâwiö nya thö ûnyi hnyi anyik hulo.

Salamo 51:7

U me he ka ânyâwiö nya ge hisop, me inye he ka kalaöt ut: Ösûö nya ju, me inye he ka hau but hon kiona.

Isaia 52:15

helâe e ame he ka dukâiâ je hnyei ae se hia; ame he ta je than ka laba hum gan: anyin adre me he ka wâ ûnyi adre me tiga ca thumetu ödra gan; ke adre me he ka wâ ûnykûme ûnyi adre me tiga ca long.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Daniela 9:24

Sevente je wik adre me thu ka hnyi em hnyei, ke ânyâm taun ae kap, mʼ adre me obekhötâ hna hanyâûâ, me bi obiny je hulo, me tube hwakecin ae monu, mʼ adre me oâ wisa a nyiele balua, me ohmâ haten hna omanenâ ke hna perofeta, me hû dok ae ti kap.

Levitiko 13:13

me ame he at bihut ka wâ: ke wâ bi, a ne khot hia but unyin ge lepera, me e ame he ka hai bosoâ at ae mok: ke hau hia but: ke bo so but e.

Levitiko 13:17

kʼ ame he at bihut ka wâ; ke wâ bi, ame ne wia mok me me hau, me ame he at bihut ka hai bosoâ: e bo so but.

Levitiko 14:51

ke e ame he ka hom uto arasi, me thi boviny hisop, me leûnen mamoe ae dra, me meno ame gâ ae möt, me hneû hia hnyi dren meno waleji adre hlingâ, me hnyi an ame hingölö, me e ame he ka oseven dukâiâ uma:

Levitiko 16:14

ke hamen he ka hom hanen dren bolok, me dukâiâ hnen banyen taben ibetengiö e deiö; me hnyimakan taben ibetengiö, e ame he ka oseveny dukâiâ dren hnen hinyen.

Levitiko 16:19

Ke e ame he ka oseven dukâiâ e hnen dra ge banyen, me obosoâ, me okabâ ûnyi hnyi bo konginy lakon Isaraela.

Levitiko 16:22

kʼ ame he got ka vadren anyidra je hulö hia ka hnyi dok ae ba aten; ke e ame he ka hna got ka hnyi hnyebuba.

Levitiko 4:17

kʼ ame he at bihut ka hneû banyen hnyi dra me oseven dukâiâ e hnyi hnyimakö Iehova, cicö singiny.

Levitiko 4:6

kʼ ame he at bihut ka hneû banyen hnyi dra, me oseven dukâiâ dren hnyi hnyimakö Iehova, cicö singiny dok ae kap.

Levitiko 8:11

Ke e ame oseven dukâiâ hnen e taben hut, me hû taben hut, me je omjehen hia, me taben soû me can e, me me kap ta je ûnyi e.

Mika 7:19

Ke e ame he ka hmetuhmetu me betenge gata; e ame he ka uto anyita je hulo hmelen li can: ke u me he ka khûâ anyidra ta je monu hia thithö ka hnyi köiö hnyi dok ae dit.

Numera 19:12

ke ame he at eling ka obosoâ e hnyi bong a kuniny ge ûnyi e, ke e ame he ka bo so, hnyi bong a seveniny: ke ame ne ca obosoâ e bi hnyi bong a kuniny, me e ame ca he ka bo so hnyi bong a seveniny.

Ioane 19:34

ke haba ke soja ame dâ vhaken ge ö, me ame ie hingölö but dra me köiö.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

Heberu 9:13

Anyin a ne khana dren ta je got me ta je bolok, me dren nokon kâu a momo adre jijingâ hon tavat ae kong, a ne khana ûnyi eling he ka okabâ ke ne o but ame obosoâ unyin,

Heberu 9:19

Anyin a hia but Mose ha ka tavat hia ta je ûnyi hia adre me hûna hoton hnanyibu, me e ame hom dren je nokon kau, me got, tha e me köiö, me leûnen mamoe ae dra, me hisop, me e ame dukâiâ tusi me tavat hia thithö,

Heberu 9:21

Ke e ame dukâiâ ge dra uma menâ me ta je omjehen huliwa hia.

Heberu 9:26

anyin a ne helâe me ûcû kâu he ka osehia vec hwân hnyi hna bi taben hmeledrany: ke walang ang hnyi obiny ta je dö adre hia but omanenâ e me me he ka ohia hulo ge hnen hna hamen hudo e bi.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

I. Ioane 5:6

E thibi at eji ame o hnyi köiö me dra, Iesu Keriso; ca hake hnyi köiö, ke köiö me dra.