Levitiko 14:14 - Iaai Bible 1901 (New Caledonia)

¹⁴ ke ame he at bihut ka hom dren hudiny monu, kʼ ame he at bihut ka kina e hnyi boûlölöven hnyikonyen at adre me he ka obosoâ, me bahnyökvetoiny a metân, me bacan a metân:

Levitiko 14:14 ပူးပေါင်းရင်းမြစ်များ

Esodo 29:20

Ke u me he ka hlingâ mamoe baga me hom ke keihen dren me kina hnyi boûlölöven hnyikönyö Arona a metân, me hnyi boûlölöven je hnyikönyen lakon Arona a metâ, me je bahnyökveto gadrin a metâ, me je bacan gadrin a metâ, me dukâiâ hon taben hut igigilö e ge dra.

Isaia 1:5

Anyin a ieû adre me he hmetu ka kuc öbun, me tiga bihanen bala hnobun hna ûkhin fuc? Ame mok hia ban, ke sēnyin hia hnyok.

Levitiko 14:19

Kʼ ame he at bihut ka hudo hudiny hulö, me bi hwaban möt anyin at adre me he ka obosoâ ûnyi hnyi bo kong a e: ke hwaban e e ame he ka hlingâ hudiny leû:

Levitiko 14:25

kʼ ame he ka hlingâ nokon mamoe hnân hudiny monu, kʼ ame he at bihut ka hom hanen dren hudiny monu, me kina hnyi boûlölöven hnyikonyen a metân at adre me he ka obosoâ, me bahnyökvetoiny a metân, me bacan a metân:

Roma 12:1

ANYIN a wale, hnyat me lakeiny lö, inya oge me ûjongi öbun ûnyi hnyi ibetengiö anyin Khong, möbun e he ka ham je unyibun me hnân hut ae möt, me kap, me so ka Khong, wale hanymöbun ae ûcû.

Roma 6:13

ke haba khaca, ca he ka hna je ong outhunyibun ka hnyi hulo hnân omjehen hwakecin ae ca wisa bi; ke ka hnʼ öbun dut ka Khong, helâ me tavat adre me möt hmetu thö ûhedra hnyi hna mok, me je outhunyibun hnân omjehen hwakecin ae wisa ka Khong.

Roma 6:19

Inya oge me ha helâ me bongon at, anyin ae sënyin je unyibun: anyin a öbun e hna je outhunyibun he ka bi athnyabainy hwakecin ae ikiki ehac me hulo, he ka ânyâ hulo; ke walang ang e so öbun e hna but helâe je outhunyibun he ka bi athnyabainy hwakecin ae wisa me hwakecin ae kap.

I. Korinito 6:20

anyin adre hia but ûcû öbun ge hwaban: anyin a wale ogânâ thö Khong ge ta je unyibun bi.

II. Korinito 7:1

HNYAT a oûnykûmik lö, e hu but unyita ta je hna ha bânâ eling, anyin a wale, e so ate me he ka ânyâwiʼ öta bi ûnyi hnyi ta je ûnyi ae ikiki hia hnyi unyin me hanu, he ka obekhötâ hwakecin ae kap hnyi ot ka Khong.

Deuteronomi 24:8

Ō u âu ge mok lepera he ka ti wâ wia, me ânyâ helâ me at Levi a tavat bihut ame nʼ öbun: öbun e he ka wâ wia ka ânyâ hoton hnok hna hûna ködra.

Filipi 1:20

hoton hnok hna wek gan hmâ, me gejon, a oge ca he ka hmehma bi hnyi ke ûnyi, ke so bi mʼ adre me he ka ogânâ Keriso walang ang hnen unyin, helâ me ehac, me ti hwege, a ne ûnyi ge möt, a ne ûnyi ge mok.

I. Peteru 2:5

ke adre me up öbun minya goranyai a je veto ae möt hnân umen hanu, mʼ öbun e tavat bihut ae kap, he ka hudo ta je hudiny hanu, wale ae so ka Khong ûnyi ga Iesu Keriso.