Levitiko 14:10 - Iaai Bible 1901 (New Caledonia)

¹⁰ Ke haba hnyi bong a eitiny e ame he ka hom li nokon mamoe baga ae ba hnyikongon, ke khaca nokon mamoe momo a khaca hunainy ae ba hnyikongon, me kun ta omer salawa hnân hudiny han, adre uhaniken me wakaco, me khaca loga wakaco,

Levitiko 14:10 ပူးပေါင်းရင်းမြစ်များ

Esodo 29:40

ke haba ke keihen a libenyitainy bath salawa adre ûhaniken me tap wakaco adre kokot a ke keihen a vakiny hin; me tap waina minya a ke keihen a vakiny hin hnân hudiny ic, tha e me nokon mamoe.

Levitiko 1:10

Ke ame ne ûnyi hnyi je hnahat meno, ame ne mamoe, ame ne got, anyin hut, hnân hut adre le; me e ame he ka hudo baga ae ba hnyikongon.

Levitiko 1:3

Ame ne hut adre le ûnyi hyni hnahat kau anyin hut, hamen he ka hudo baga ae ba hnyikongon: e ame he ka hudo e hnyi hwanumen uma ûkhacaköu, mʼ adre me kap soâ e hnyi hnyimakö Iehova.

Levitiko 14:11

Ke hamen at bihut, a at ame obosoâ, he ka ip at adre me he ka obosoâ, tha e me ta je ûnyi eling, hnyi hnyimakö Iehova, hnyi hwanumen uma ûkhacaköu:

Levitiko 14:12

ke ame he at bihut ka hom nokon mamoe baga a khaca, me hudo e hnân hudiny monu, me wakaco a khaca loga, me hajijingâ hnân hudiny hajijing hnyi hnyimakö Iehova:

Levitiko 14:15

kʼ ame he at bihut ka hom hanen wakaco a khaca loga, me hingâlâ ka hnyi hnyamen a meny:

Levitiko 14:21

Ke ame ne at ae ba ta ûnyi, ke ca ûco e bi ûnyi eling, me e ame he ka hom nokon mamoe baga a khaca, hnân hudiny monu he ka hajijingâ, me me bi hwaban anyin möt, ke khaca omer salawa adre ûhaniken me wakaco hnân hudiny han, me khaca loga wakaco:

Levitiko 2:1

KE a ne he ke at ka hudo hudiny han kö Iehova, ame he ka salawa ae so anyin hut; kʼ ame he ka hû ge wakaco, me bi niken libanu ka hnyin:

Levitiko 2:11

Adre me ca he ka bi leven ka hnyi ke hudiny han öbun e he ka hudo kö Iehova; anyin a öbun e ca he ka leû leven me hani hnyi hut a an ge moic kö Iehova.

Levitiko 2:13

Ke u me he ka sâltâ je hudiny ânyâm han hia; ke so ame ca ba balua sâltiny ûhihinyköu anyin Khongom hnyi ânyâm hudiny han: u me he ka hudo ânyâm je hut hia tha e me sâlt.

Levitiko 23:13

Ke haba hudiny han ame he ka lo li omer salawa adre ûthueniken me wakaco hnân hut a an ge meic ae bo so kö Iehova: ke haba hudiny ic, ame be ka tap waina a vakiny hin.

Levitiko 4:32

Ke ame ne hom nokon mamoe hnân anyin hut a hudiny hulö, hamen he ka hom momo ae ba hnyikongon.

Levitiko 9:1

KE haba hnyi bong a eitiny, Mose ame hao Arona, me lakon, me wahingatiny at Isaraela;

Numera 28:20

ke haba je hudiny han a hanen, me, salawa adre ûhaniken me wakaco: öbun e he ka hudo kun ta omer hnân bi hanen ke bolok, ke lo li omer hnân mamoe baga;

Numera 6:14

ke e ame he ka hudo anyin hut kö Iehova, a nokon mamoe baga a khaca ae ba hnyikongon, a khaca hunainy, me hnân hudiny leû, ke khaca nokon mamoe momo ae ba hnyikongon, a khaca hunainy, me hnân hudiny hulö, ke khaca mamoe baga ae ba hnyikongon hnân hudiny ole,

Numera 7:43

ke haba anyin hut, me khaca mini sileva a wan haded ke thöte je sekel ihmakiny, ke khaca kaia sileva a sevente je sekel hoton sekeliny dok ae kap; a unöngöt li ûnyi e ge salawa ae so adre ûhaniken me wakaco, hnân hudiny han;

Mataio 8:4

Ke haba Iesu ame ha kâu, ka habe, Wâ eâu, ca ha ka ke at; ke he thö, omanenö u bi ka at bihut, me ham bwihlany a hûna Mose, hnân haten ohnathoâ ködrin.

Mareko 1:44

Wâ eâu u nye ha ka ke at: ke he thö, omanenö u thö ka at bihut, me ham hna hûna hnö Mose hnân haten ködrin, ge hna okalaöti u.

Luka 5:14

Me e ame hûna kâu, he ka ca ha ka ke at: ke he thö, omanenö u bi thö ka at bihut, me bi hudiny hna osoi u, helâji me hna hûna hnö Mose, hnân ohnathoâ ködrin.

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

Ioane 6:33

Anyin a areto anyin Khong, me wale at ame utut ûnyi hnyi drany, kʼ ame ham möt ka hmeledrany.

Ioane 6:51

Inya ang areto ae möt ame utut ûheny hnyi drany: a ne an dö ke at areto eang e ame he ka möt nyiele balua: eke, ke haba areto oge me he ka ham me wale unyik, hnân malen hmeledrany.

I. Peteru 1:19

ke so bi ûnyi ge dren Keriso ae gan hwaban, helâ me nokon mamoe ae ba hnyikongon me ba monuiny: