Levitiko 13:47 - Iaai Bible 1901 (New Caledonia)

⁴⁷ Ke haba ûkhaû ae hu mok lepera hnyin, ame ne ûkhaû leûnen mamoe, ame ne ûkhaû lino;

Levitiko 13:47 ပူးပေါင်းရင်းမြစ်များ

Isaia 59:6

Kʼ ame ca he bi ka ûkhaû anyidra je ûhaihnâ, ke adre me ca he bi ka tubi ödra ge anyidra ta je huliwa: haba anyidra je huliwa, me je huliwa ae kong, ke e bi hnyi hnyamödra ûokonguny.

Isaia 64:6

Öhmun hia thithö öhmun e helâ me ûnyi ae bo kong, ke helâ me je ûkhaû ae ikiki anyihmun wisa hia thithö: öhmun hia öhmun e meleca helâ me lany hnyot; kʼ ame ohiʼ öhmun hnen hwakecihmun ae monu helâke ame oû ang dö.

Ezekiela 16:16

Ke u je hom ânyâm ke je ûkhaû me ânyâ hobi kâu je dok ae gorany ae ve bongon bi, me bi ûnyi monu eling: ame ca he ka o but ta je ûnyi helâe, kʼ ame ca he hmetu ka helâe.

Levitiko 13:46

E ame he ka bo kong hnyi je bong hia ae hu gan mok; e bo kong ut: e ame he ka hake laba; haba hnyaban, me, wale hoton je hnyaba.

Levitiko 13:48

ame ne hnyi toiny adre otilâ, ame ne hnyi toiny adre omokulec, ame ne lino, ame ne leûnen mamoe; ame ne unen meno, ame ne ke ûnyi adre tibet ûnyi ge unen meno;

Levitiko 13:52

Ke e ame he ka thong ûkhaû, ame ne tö adre otilâ, ame ne tö adre omokulec, ame ne leûnen mamoe, ame ne lino, ame ne ke ûnyi bi a unen meno ae hu mok hnyin: anyin a wale ke lepera ae han; kʼ adre me he ka thong degecâ ge meic.

Levitiko 13:59

Wale hnanyibuiny mok lepera hnyi ûkhaû, ame ne leûnen mamoe, ame ne lino, ame ne tö adre otilâ, ame ne tö adre omokulec, ame ne ke ûnyi bi a unen meno, mʼ adre me he ka hai bosoâ, mʼ adre me ne he ka hai bokongoâ.

Levitiko 14:55

me lepera hnyi ûkhaû, me uma;

Roma 13:12

E beû hmâ but lit ke hakekeny jut lany: anyin a wale ate me he ka hna degecâ but ta je huliwa anyin lit, ke so ate me he ka khavâ ûkhaû hnân vat anyin lany.

Efeso 4:22

mʼ öbun e he ka ûny dö at ehac ae kong tot, hoton ta je weny ae iyawo, waleji hwakecibun ehac;

Kolose 3:3

Anyin a öbun e mokcu, ke adre tha ikhâlâ anyibun möt me Keriso unyin Khong.

Juda 1:23

ke omelö thö keihen, me lili ödra ju ûnyi hnyi meic; ke betenge ju ka keihen me ot, ke ikikiâ thö ûkhaû ame okongoâ hnen unyin.