Levitiko 12:8 - Iaai Bible 1901 (New Caledonia)

⁸ Ke a ne ca khana momo he ka hom nokon mamoe, me so e ame hom lo li biny, ame ne li lakon meköta; khaca hnân hudiny leû, ke khaca hnân hudiny hulö; kʼ ame he at bihut ka bi hwaban anyin möt, me me bo so momo.

Levitiko 12:8 ပူးပေါင်းရင်းမြစ်များ

Levitiko 1:14

Ke ame ne ûnyi hnyi je meno ame gâ anyin hut adre le kö Iehova, me e ame he ka hudo je biny ame ne lakon meköta.

Levitiko 12:7

ke e ame! he ka hudo e hnyi hnyimakö Iehova, me bi hwaban anyin möt: kʼ ame he momo ka bo so ûnyi hnyi bongon bi. Wale hnanyibu hobi kâu omomo at ame hnokoâ da ame ne hlu.

Levitiko 13:1

KE haba Iehova ame fuc kö Mose me Arona, ka habe,

Levitiko 14:21

Ke ame ne at ae ba ta ûnyi, ke ca ûco e bi ûnyi eling, me e ame he ka hom nokon mamoe baga a khaca, hnân hudiny monu he ka hajijingâ, me me bi hwaban anyin möt, ke khaca omer salawa adre ûhaniken me wakaco hnân hudiny han, me khaca loga wakaco:

Levitiko 14:22

me lo li biny, ame ne li nokon meköta, helâ me ûcû kâu; haba khaca hnân hudiny hulö, ke hnân hudiny leû khaca.

Levitiko 15:14

Ke haba hnyi bong a eitiny e ame he ka hom li biny, ame ne li nokon meköta, me hom ka hnyi hwanumen uma ûkhacaköu, hnyi hnyimakö Iehova, me ham ödru ka at bihut:

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Levitiko 15:29

Ke haba hnyi bong a eitiny e ame he ka hom li biny hobi kâu, ame ne li nokon meköta, me hum ödru ka at bihut hnyi hwanumen uma ûkhacaköu.

Levitiko 4:26

Ke ame he ka le hia pipikhenyainy hon taben hut, helâ me pipikhenyainy hudiny ole; ke ame he at bihut ka bi hwaban anyin möt anyin a e at hulö, kʼ adre me he ka hna but anyin monu.

Levitiko 5:11

Ke ame ne ca khana he ka hom li biny, ame ne li lakon meköta, me hamen at a ânyâ hulö he ka hom hnân anyin hut, khaca omer salawa hnân hudiny hulö; e ame ca he ka hû e ge wakaco, kʼ ame ca he ka ip libanu ka hnyi hon: anyin a e hudiny hulö.

Levitiko 5:7

Ke ame ne ca khana he ka ham ke meno helâe can hulö e ame ânyâ, me hamen he ka hom hwaban kö Iehova, a lo li biny, ame ne li lakon meköta; hnân hudiny hulö khaca, ke hnân hudiny leû khaca.

Mataio 21:12

Ke haba Iesu ame didro hnyin uma kap umen Khong, me obâ hia tavat adre me ûcû hnyin uma kap, me hagutâ hnyikânâi ta je laulau anyin tavat wia mone, me je utap taben tavat adre me ûcû biny;

II. Korinito 8:9

Anyin ae khanʼ öbun ibetengiö baû anyin Tuhöta Iesu Keriso, a e at ae tren ta ûnyi, ke e ame otheduocâ e hobi köbun, mʼ öbun e he ka tren ta ûnyi ûnyi hnyi anyin theduoc.