Levitiko 12:6 - Iaai Bible 1901 (New Caledonia)

⁶ Ke ka um dö je bongon obosoâ, ame ne da, ame ne hlu, me e ame he ka hom hnân hudiny leû nokon mamoe a khaca hunainy, me nokon meköta, ame ne biny, me me hudiny hulö ka hnyi hwanumen uma ûkhacaköu, ka at bihut:

Levitiko 12:6 ပူးပေါင်းရင်းမြစ်များ

Genese 15:9

Ke e ame ha kâu, ka habe, Hom dö könya kâu a kun hunainy, me got momo a kun hunainy, me mamoe baga a kun hunainy, me ke biny, me ke nokon meköta.

Levitiko 12:2

Ha thö ka lakon Isaraela, ka habe, Ame ne erkin ke momo, me ame hnokoâ da, me ame he ka bo kong hnyi je bong a seven; e ame he ka bo kong hoton ûen omomo.

Levitiko 12:5

Ke ame ne hnokoâ hlu, me ame he ka bo kong fotin ta bong hoton ûen omomo: ke e ame he ka laba hnyi dren hnân obosoâ hnyi je bong a sikste siks.

Levitiko 12:7

ke e ame! he ka hudo e hnyi hnyimakö Iehova, me bi hwaban anyin möt: kʼ ame he momo ka bo so ûnyi hnyi bongon bi. Wale hnanyibu hobi kâu omomo at ame hnokoâ da ame ne hlu.

Levitiko 14:22

me lo li biny, ame ne li nokon meköta, helâ me ûcû kâu; haba khaca hnân hudiny hulö, ke hnân hudiny leû khaca.

Levitiko 15:14

Ke haba hnyi bong a eitiny e ame he ka hom li biny, ame ne li nokon meköta, me hom ka hnyi hwanumen uma ûkhacaköu, hnyi hnyimakö Iehova, me ham ödru ka at bihut:

Levitiko 15:29

Ke haba hnyi bong a eitiny e ame he ka hom li biny hobi kâu, ame ne li nokon meköta, me hum ödru ka at bihut hnyi hwanumen uma ûkhacaköu.

Numera 6:10

Ke haba hnyi bong a eitiny, me e ame ke ka hom li biny, ame ne li nokon meköta, ka at bihut, ka hnyi hwanumen uma ûkhacaköu:

Luka 2:22

Ke ame um dö je bonginy obosoi ödru helâ me hnanyibu anyi Mose, me adre me hom but e Jerusalema ai, he ka ip e hnyi hnyimakan Than,

Ioane 1:29

Nyi e ame ō Iesu ame he kâu, me haingen, ka habe, Wâ bi Arenio anyin Khong at ame hijen monu anyin hmeledrany!

II. Korinito 5:21

E, at eji ae ca khana bi monu, e ame wia e me me monu hobi köta, mʼ adre me he ka wiʼ öta hnân hwakecin ae wisa anyin Khong ûnyi gan.

Heberu 7:26

Anyin ae ûcû köta at bihut eling ae, nua, ae kap, ae ba hulo gan, me ba hnyikongon, me ûsâkâûö me tavat adre me anyâ hulo, ke adre öbeönua hon drany;