Levitiko 12:2 - Iaai Bible 1901 (New Caledonia)

² Ha thö ka lakon Isaraela, ka habe, Ame ne erkin ke momo, me ame hnokoâ da, me ame he ka bo kong hnyi je bong a seven; e ame he ka bo kong hoton ûen omomo.

Levitiko 12:2 ပူးပေါင်းရင်းမြစ်များ

Genese 1:28

Ke Khong ame hahnahici ödru: ke haba Khong ame ha ködru, ka habe, Si but, me dudu but me ödedoâ hmeledrany, me hom ûhnyûkongo; me musö thö ta je wâ eû hnyi köiö, me ta je meno ame gâ ethö, me ta je ûnyi hia ae möt ame iyâûâ hmeledrany.

Genese 3:16

Ke e ame ha ka momo, ka habe, Oge me he ka osehia ânyâm vec u ka erkin; u ma he ka hnokoâ hnyi vec; ke u me he ka wem bi hmelen âiâm, ke e ame he ka musi u.

II. Samuela 11:4

Ke Davita ame kunâ je ûthumetu me hom e; ke e ame he kâu, me e ame tha mokut mē; (anyin ae bo so but ûheny hnyi hna bo kong;) me e ame hmetu ka hnyi umen uma.

Jobu 14:4

Ie at ae khana hom ke ûnyi ae kalaöt ûnyi hnyi ûnyi ae ca kalaöt? e ba at.

Jobu 15:14

Ehö at me me hau bi? Ke hna hnokoâ hnen momo, me me wisa?

Jobu 25:4

Anyin a wale ame he ka kâmâu at me me wisa unyin Khong? Ke ama hawa he ka ba hnyikongon at adre me hnokoâ hnen momo?

Salamo 51:5

Wâ bi, adre me hnöku nya hnyi monu; Ke a erkin mönya bai hnyi hulo.

Levitiko 12:1

KE haba Iehova ame ha kö Mose, ka habe,

Levitiko 12:5

Ke ame ne hnokoâ hlu, me ame he ka bo kong fotin ta bong hoton ûen omomo: ke e ame he ka laba hnyi dren hnân obosoâ hnyi je bong a sikste siks.

Levitiko 15:19

Ke ame ne ke momo ame hingölö, ke dra ame hingölö ûnyi gan, adre me he ka hake ip e hnyi je bong a seven: ke haba at ame kâlâ, ame he ka bo kong ke ne o but sahac.

Levitiko 18:19

Ke u me ca he ka hakekenyâ momo he ka hai hnamejin, hnyi hna hake ip can bo kong a e.

Levitiko 5:3

ke ame ne kâlâ bokonginy at, a ta je ûnyi hia ae ikiki ame obokongoâ, ke iyong e kâu; haba hnyi ûen a e khana e, me e at hulö:

Luka 2:22

Ke ame um dö je bonginy obosoi ödru helâ me hnanyibu anyi Mose, me adre me hom but e Jerusalema ai, he ka ip e hnyi hnyimakan Than,