Levitiko 11:44 - Iaai Bible 1901 (New Caledonia)

⁴⁴ Anyin a inya Iehova Khongubun: okabi öbun dö, mʼ öbun e he ka kap: anyin a iny kap: ke ca obokongi öbun bi ge ta je ûnyi ame iyâû eang hmelen.

Levitiko 11:44 ပူးပေါင်းရင်းမြစ်များ

Salamo 99:5

Ogöranyi Iehova thö a Khonguta, Ke khudrung ju hnyi taben li hnyeûcan: E kap thibi e.

Salamo 99:9

Ogöranyi Iehova thö a Khonguta, Ke khudrung ju hnyi anyin ong bucen ae kap: Anyin ae kap Iehova a Khonguta.

Esodo 16:12

Oge löng ut ietra anyin lakon Isaraela: ha thö ködra, ka habe, Eâu sahac öbun e he ka han meno, ke haba hnyi hnyomakatu ame he ka sekubun ge jeû; kʼ öbun e he ka wâhmakhmeto a inya Iehova Khongubun.

Esodo 19:10

Ke Iehova ame ha kö Mose, ka habe, He thö ka tavat, me okabi odra hnyi bong ang, me bong nyi, kʼ adre me he ka hneû anyidra je ûkhaû:

Esodo 19:6

kʼ öbun e he ka dökuk dökhu a je at bihut, me hnyei ae kap könya. Wale hofuc u me he ka ha ka lakon Isaraela.

Esodo 20:2

Inya Iehova Khongom, at ame hum u ûhem hnyi hnyei Aigupito, ûnyi hnyi hnyaban ûthaluo.

Esodo 22:30

Ke helâe u me he ka ânyâ ge halem ta je kau, me halem je mamoe: seven ta je bong ame he ka hnen unyin hinyen, ke hnyi bong a eitiny u me he ka ham könya.

Esodo 22:31

Ke öbun e he ka tavat ae kap hobi könya; anyin a wale öbun e ca he ka han utiö adre oloû hnyi hnyot; kʼ öbun e he ka khûâ ka ta je kuli.

Esodo 23:25

Kʼ öbun e he ka bi athnyabai Iehova Khongubun, me ame he ka hahnahicâ âm me belâm; ke oge me he ka hom mok ûnyi gam.

Esodo 6:7

kʼ oge me he ka hum öbun me me lakeik, kʼ oge me he ka Khongubun: kʼ ame he ka khanʼ öbun a inya Iehova Khongubun, at ame hum öbun ûnyi hnyi hmelen ta je hok anyin at Aigupito.

Isaia 43:3

Anyin a inya Iehova Khongom, Kabi Isaraela, at ame omeli u; oge hia but ham Aigupito hnân hwaban melâm, ke Aithiope me Teba hnân hwabâm.

Isaia 51:15

Anyin a inya Iehova Khongom at ame oâ je waköiöiny köiö me ame mea but: haba ien, me Iehova tuhan sabaoth.

Levitiko 10:3

Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Levitiko 11:43

Ca he öbun ka oikiki öbun bi ge ta je ûnyi ame iyâû, ke ca obokongi öbun bi gadra, wâ öbun nye bo kong ûnyi gadra.

Levitiko 18:2

Ha thö ka lakon Isaraela, me ha, ka habe, Inya Iehova Khongubun.

Levitiko 19:10

U me ca he ka hlo kolon halem je vine, ke u me ca he ka hlo hia je wan vine ame kökölu ûnyi hnyi halem je vine; ke u me he ka hna bi ju hobi kâu at ae ba ta ûnyi me atkanyua: Inya Iehova Khongubun.

Levitiko 19:2

Ha thö ka ûkhacaköu hia anyin lakon Isaraela, me ha ködra, ka habe, Okabi öbun ju, anyin a inya Iehova Khongubun ae kap.

Levitiko 19:3

Öbun e he ka ve outen je lahinyöbun, me je lakamöbun, me tuö anyik je sabath: Inya Iehova Khongubun.

Levitiko 19:4

Ca saû öbun ka je idola, ke ca he ka bi khongubun adre oköiöâ: Inya Iehova Khongubun.

Levitiko 20:26

Mʼ öbun e he ka kap bi könya: anyin a inya Iehova ae kap, kʼ oge hia but ucʼ öbun ûnyi hnyi ta je hnyei hnân hobi könya.

Levitiko 20:7

Okabi öbun ju, mʼ öbun e kap: anyin a inya Iehova Khongubun.

Levitiko 21:8

Ke u me he ka okabi odrin: anyin a odrin hnyat hudo an Khongom: odrin hnyat ae kap köu: anyin a inya Iehova ae kap at ame okabi öbun.

Amosa 3:3

Hawa, ame he ka tha he li at a lo, e ka ca tha hnyekudru bi?

Numera 15:40

mʼ öbun e he ka ûnykûme me ânyâ hoton anyik je hnanyibu hia, mʼ öbun e at ae kap ka Khongubun.

Mataio 5:48

Anyin a wale hamöbun he ka wisa helâ me iwisainy Kamöbun ethö hnyi drany.

Deuteronomi 14:2

Anyin a u hnyei ae kap kö Iehova Khongom, ke haba Iehova ame ûcö u hnân iny hnyei ae ke bongon kâu, ûnyi hnyi je hnyei hia thithö eang hmelen.

I. Thesalonika 4:7

Anyin a ca hawʼ öta Khong ka hnyi hwakecin ae ikiki, ke hnyi hwakecin bi ae kap.

Josua 24:19

Ke Josua ame ha ka tavat, ka habe, E ca khanʼ öbun he ka bi athnyabai Iehova; anyin a e Khong ae kap; me Khong ame ciâ; e ame ca he ka hna anyibun hulö me anyibun je monu.

I. Peteru 2:9

Ke öbun thibi dö adre me ûca, ke hnyat bihut anyin Khong, ke hnyei ae kap, ke tavat a je hing lakeiny Khong, mʼ öbun e he ka omanenâ je hwakecin ae ti so anyin at ame hawʼ öbun ûnyi hnyi lit ka hnyi anyin melam hnân lâiâ:

Hna Omanenâ 22:11

Haba at ae ca wisa, me ame he bala bi ka ca wisa: ke haba at ae ikiki, me ame he bala bi ka ikiki: ke haba at ae wisa, me ame he bala bi ka ânyâ wisa: ke haba at ae kap, me adre me he bala bi ka okabâ.

I. Samuela 2:2

E ba at ae kap helâ me Iehova; Anyin ae ba at bi ke hake thibi u Ke ba kic helâ me Khonguta.

I. Samuela 6:20

Me ame ha at Bethe-semes, ka habe, Ie at ae khana he ka töt hnyi hnyimakö Iehova, Khong ae kap eang? Ke e ame he ka ölö kö ia gatin?