Levitiko 11:42 - Iaai Bible 1901 (New Caledonia)

⁴² Haba ta je ûnyi hia adre me iyâûâ hnyekon, me je ûnyi ame he a vak can, me je ûnyi ae se hia can, me je ûnyi hia adre me iyâû eang hmelen, ca he öbun ka ön ödra, anyin a ödra ikiki.

Levitiko 11:42 ပူးပေါင်းရင်းမြစ်များ

Genese 1:20

Haba Khong ame ha, ka habe, E so ame he je köiö ka odedo ta je ûnyi ame bwebwet ae hu mot, ke so ame gâ ethö hon kânâ je meno ame gâ, hnyi bwanginy drany ethö.

Isaia 65:25

Ame he bi luko ka tha han me nokon mamoe, ke ame he liona ka han thatûnyin hwit helâ me bolok: ke haba sesâiny kânâ, me wale an ta je on. Ke adre me ca he bi ka okongo me ohia hnyi anyik bucen hia ae kap, haingö Iehova.

Levitiko 11:41

Ke haba ta je ûnyi adre me iyâû eang hmelen, adre me he ka ikikiâ, kʼ adre me ca he ka han.

Levitiko 11:43

Ca he öbun ka oikiki öbun bi ge ta je ûnyi ame iyâû, ke ca obokongi öbun bi gadra, wâ öbun nye bo kong ûnyi gadra.

Mika 7:17

Kʼ adre me he ka drem kânâ helâ me on; adre me he ka o me öbubuny helâ me ta je ûnyi adre me iyâwâ kânâ ûnyi hnyi je dok ae nedrong: adre me he ka o me ot kö Iehova Khonguta, ke adre me he ka outö u.

Mataio 23:23

Ekölö gabun hnyat sihnalimen me ta je Faresaio hnyat thoi hnyok! anyin a öbun e ham ke hanen a libenyitainy minet, me aneto, me komina, ke öbun e hia but hna biju ta je ûnyi ae gan hnyi hnanyibu, wale hna owisa, me ibetengiö, me labageju: e ûcû öbun e ânyâ ta je ûnyi e, ke ca hna bi ta je ûnyi eang.

Mataio 3:7

Ke hnyi ûen e ame wâ ta je Faresaio me ta je Sadukaio ae se hia adre me o but ka hnyi anyin bapataiso, me e ame ha kodra, ka habe, Je lakon on lö, ia koû köbun mʼ öbun e he ka kec ge hmonyin ame he ka o?

Ioane 8:44

Ûnyi ge kamöbun öbun, wale diabolo, ke öbun e behe ka ânyâ weny ae kong anyin kamöbun. E at ûhlingö hwân hnyi can, kʼ ame ca tethmâ hnyi hnathu, anyin ae ba hnathu gan. E ka he ka ha thoi, me ka ûnyi gan, anyin a e at thoi, ke kamen thoi.

II. Korinito 11:13

Haba hnyat eling, me je aposetolo thoi, a hnyat huliwa iyawo, a ka hamödrin wiʼ ödrin me hnân ta je aposetolo anyin Keriso.

II. Korinito 11:3

Ke inya oge me ot, wâ e nye okongoâ je hnyekubun ûnyi hnyi hwakecin ae wisa me kalaöt unyi Keriso, helâ me hna iyawo Eva ge on hnen anyin tang iyawo.

Tito 1:12

Haba ke at gadra, a anyidra ke perofeta, ame ha ka habe, Haba at Kerete, me ödra tavat thoi bala, me ta je meno ûkûc ae kong, me tavat hwenhmiâ ae höcö huliwa.