Levitiko 11:40 - Iaai Bible 1901 (New Caledonia)

⁴⁰ Ke haba at ame he ka han hanen unyin meno e a mokcu, me hamen he ka hneû anyin je ûkhaû, me bo kong ke ne o but sahac: ke haba at ame kaptilâ unyin ûnyi a mokcu, me hamen he ka hneû anyin je ûkhaû, me bo kong ke ne o but sahac.

Levitiko 11:40 ပူးပေါင်းရင်းမြစ်များ

Esodo 22:31

Ke öbun e he ka tavat ae kap hobi könya; anyin a wale öbun e ca he ka han utiö adre oloû hnyi hnyot; kʼ öbun e he ka khûâ ka ta je kuli.

Isaia 1:16

Soû but, okalaöti öbun; degec ut anyibun ta je huliwa ae kong hnyi hnyimakök; soju hna mâdrâ hulo:

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 4:14

Me oge me ha, ka habe, Ekölö Than Iehova! wâ bi, adre me ca obokongu nya: anyin oge me ca hnyi an ûnyi ame ka hamen mok, ke hna oloû kia ge meno, hwân kʼ iny tiga ûhnyûkong ke ne o but walang ang; kʼ ame ca hnyi dit utiö ae ikiki ka hnyi hnyimök.

Ezekiela 44:31

Ame ca he at bihut ka hnyi an ûnyi a mok hwege, me ûnyi adre oloû kia, ame ne meno ame gâ ame ne meno ame he.

Levitiko 11:25

ke haba at ame kaptilâ ke ong utiöiny je ûnyi e a mokcu, hamen he ka hneû anyin je ûkhaû me laba bo kong ke ne o but sahac.

Levitiko 11:28

Ke hamen at ame kaptilâ unyin je meno e a mokcu, he ka hneû anyin je ûkhaû, me laba bo kong ke ne o but sahac: haba ta je ûnyi e ae bo kong köbun.

Levitiko 11:39

Ke a ne mok hwege ke meno a vak can adre han, haba at ame he ka kâlâ unyin a mokcu, me ame he ko bo kong ke ne o but sahac.

Levitiko 14:46

Ke haba at ame didro ka hnyi uma, hnyi je bonginy hia hna hlöng hwanuma, me e ame he ka bo kong ke ne o but sahac.

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Levitiko 15:27

Ke haba at ame he ka kâlâ je ûnyi eling, e ame he ka bo kong, me hneû anyin je ûkhaû, me soû hnyi köiö, me bo kong ke ne o but sahac.

Levitiko 16:26

Ke hamen at a hna got hobi kö Azazele he ka hneû anyin je ûkhaû, me osûâ ûnyin hnyi köiö, ke hwaban e e ame he ka he hmetu ka hnyi hnyaba.

Levitiko 16:28

Ke hamen at a le degecâ ta je ûnyi e he ka hneû anyin je ûkhaû, me osûâ unyin hnyi köiö, ke hwaban e e ame he ka hmetu ka hnyi hnyaba.

Levitiko 22:6

haba at ame kâlâ ta je ûnyi helâe, me e ame he ka bo kong ke ne o but sahac, kʼ ame ca he ka hnyi han ta je ûnyi ae kap, e ka tiga ca sûâ unyin hnyi köiö.

Levitiko 22:8

Haba ûnyi a mok hwege, me hna kia hnen meno, e ame ca he ka hnyi han, wâ e nye bo kong hnen e. Inya Iehova.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Numera 19:19

ke ame he at ae bo so ka dukâiâ at ae bo kong hnyi bong a kuniny me bong a seveniny: kʼ ame he ka obosoâ e hnyi bong a seveniny: ke e ame be ka hneû anyin je ûkhaû, me soû hnyi köiö, kʼ ame he ka bo so hnyi sahac.

I. Korinito 10:21

E ca khanʼ öbun he ka ijem kaia belen Than me kaia belen ta je demoni: e ca khanʼ öbun he ka ve hu ûnyi hnyi laulau anyin Than, me laulau anyin ta je demoni.

I. Korinito 6:11

Ame helâe keihen gabun ehac: ke adre hia but hû öbun, me okabi öbun, me haiwisʼ öbun hnyi ien Than Iesu Keriso, me hnyi Hanon Khonguta.

Deuteronomi 14:21

Öbun e ca he ka han meno ame mok hwege: ke e khatö u he ka ham ka atkanyua hnyi hnyabam me me he ka han; ke e khatö u minya ka ûco e ka aten ke hnyei; anyin a u hnyei ae kap kö Iehova Khongom. U me ca he ka ölâ nokon got hnyi dân basin hinyen.

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.