Levitiko 11:32 - Iaai Bible 1901 (New Caledonia)

³² Ke ame ne he ke at gadra ae mokcu ka kölu takoû ke ûnyi, me ame he ka bo kong ûnyi eling; ame ne kaia uto, ame ne ûkhaû, ame ne unen ke meno, ame ne tang, ame ne ke utkaia adre me huliwa kâu, me adre me he ka ip e hnyi köiö, kʼ ame he ka bo kong ke ne o but sahac; me me he ka bo so.

Levitiko 11:32 ပူးပေါင်းရင်းမြစ်များ

Levitiko 11:31

Wale ta je ûnyi adre bo kong köbun hnyi ta je meno adre me iyâû: haba at ame kâlâ je ûnyi e a mokcu, ame he ka bo kong ke ne o but sahac.

Levitiko 14:46

Ke haba at ame didro ka hnyi uma, hnyi je bonginy hia hna hlöng hwanuma, me e ame he ka bo kong ke ne o but sahac.

Levitiko 15:12

Ke haba kaia kânâ ame kâlâ hnen at ame hingölö, adre me he ka thö degecâ: ke haba je kaia uto hia, adre me he ka hneû hnyi köiö.

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Levitiko 16:26

Ke hamen at a hna got hobi kö Azazele he ka hneû anyin je ûkhaû, me osûâ ûnyin hnyi köiö, ke hwaban e e ame he ka he hmetu ka hnyi hnyaba.

Levitiko 17:15

Ke haba at ame he ka han meno a mok hwege, ame ne kiâ ge ke meno, a aten hnyei, me atkanyua, me, hamen he ka hneû anyin je ûkhaû, me soû hnyi köiö, me bo kong ke ne o but sahac, me me bo so but.

Levitiko 22:6

haba at ame kâlâ ta je ûnyi helâe, me e ame he ka bo kong ke ne o but sahac, kʼ ame ca he ka hnyi han ta je ûnyi ae kap, e ka tiga ca sûâ unyin hnyi köiö.

Levitiko 6:28

Ke adre me he ka thö degecâ kaia kânâ adre ölâ hnyin: ke adre ne ölâ e hnyi kaia a bras, adre me he ka kot e me hneû ge köiö.

Numera 19:15

Ke haba ta je utkaia ae memang, kʼ adre ca ohmâ ge hlinginy, me ame bo kong ut.

Numera 19:7

Me ame he at bihut ka hneû anyin je ûkhaû, me osûâ unyin hnyi köiö, ke hwaban e ame he ka he ka hnyi hnyaba, kʼ ame he at bihut ka bo kong ke ne o but sahac.

Tito 2:14

waleji at a hamen ham e hnân hobi köta, me me he ka ûcû öta ûnyi hnyi ta je hulo hia thithö, me ânyâwia hnân hobi kâu tavat hnân athnyabainy bi, hnyat ae hwege ka hnyi ta je huliwa ae so.

Tito 3:5

e ame omeli öta ca ûnyi hnyi ta je huliwa hnyi hwakecin ae wisa ate me ka ânyâ, ke ûnyi bi hnyi anyin ibetengiö baû, ûnyi ge hna hneû wale he ka hnokoâ hmetu me hna ohâtâ ge Hanu Kap,