Levitiko 11:25 - Iaai Bible 1901 (New Caledonia)

²⁵ ke haba at ame kaptilâ ke ong utiöiny je ûnyi e a mokcu, hamen he ka hneû anyin je ûkhaû me laba bo kong ke ne o but sahac.

Levitiko 11:25 ပူးပေါင်းရင်းမြစ်များ

Salamo 51:2

Ti ösûö nya but ûnyi hnyi anyik monu, Me ânyâwiö nya thö ûnyi hnyi anyik hulo.

Salamo 51:7

U me he ka ânyâwiö nya ge hisop, me inye he ka kalaöt ut: Ösûö nya ju, me inye he ka hau but hon kiona.

Esodo 19:10

Ke Iehova ame ha kö Mose, ka habe, He thö ka tavat, me okabi odra hnyi bong ang, me bong nyi, kʼ adre me he ka hneû anyidra je ûkhaû:

Esodo 19:14

Haba Mose ame utut hon bucen ka tavat me okabi odra; kʼ adre me hneû anyidra je ûkhaû.

Levitiko 11:24

Ke walang je ûnyi ame be ka obokongi öbun; haba at ame he ka kâlâ je unyidra ae mok, ame he ka bo kong ke ne o but sahac:

Levitiko 11:26

Haba ta je meno adre kia luâ ûjimen bacan, kʼ adre ca kia luâ bi ûjimen can, ke ame ca hoc hmeto hna ban, ame he ka bo kong köbun: ke haba at ame kalʼ ödra, ame he ka bo kong.

Levitiko 11:28

Ke hamen at ame kaptilâ unyin je meno e a mokcu, he ka hneû anyin je ûkhaû, me laba bo kong ke ne o but sahac: haba ta je ûnyi e ae bo kong köbun.

Levitiko 11:40

Ke haba at ame he ka han hanen unyin meno e a mokcu, me hamen he ka hneû anyin je ûkhaû, me bo kong ke ne o but sahac: ke haba at ame kaptilâ unyin ûnyi a mokcu, me hamen he ka hneû anyin je ûkhaû, me bo kong ke ne o but sahac.

Levitiko 13:6

ke hnyi bong a seveniny hmetu, hamen at bihut he ka wâ; ke wâ bi, ame ne hlit ut mok, kʼ ame ca hûhûö hmetu mok hnyi unen, me ame he at bihut ka hai bosoâ; a han e; ke e ame he ka hneû anyin je ûkhaû, me me bo so but.

Levitiko 14:46

Ke haba at ame didro ka hnyi uma, hnyi je bonginy hia hna hlöng hwanuma, me e ame he ka bo kong ke ne o but sahac.

Levitiko 14:47

Ke haba at ame mokut hnyin uma, me e ame he ka hneû anyin je ûkhaû; ke haba at ame han hnyin uma, me e ame he ka hneû anyin je ûkhaû.

Levitiko 14:8

Ke hamen at adre he ka obosoâ he ka hneû anyin je ûkhaû, me giâ leûnen hia, me osûâ ge köiö, me me bo so but: ke hwaban e, e ame he ka he ka hnyi hnyaba, kʼ ame he ka laba hoton umen uma mano hnyi je bong a seven.

Levitiko 15:13

Ke ödra ka he ka obosoâ at ame hingölö, ûnyi hnyi hna hingölö ûnyi gan; me hamen he ka aû hobi kâu e bi je bong a seven he ka obosoâ e, me hneû anyin je ûkhaû, me sûâ unyin hnyi köiö ame hingölö, ke ame he ka bo so.

Levitiko 15:15

ke ame he at bihut ka hudi ödru, haba khaca hnân hudiny hulö, ke khaca hnân hudiny leû; kʼ ame he at bihut ka bi hwaban anyin möt hnyi hnyimakö Iehova, can hna hingölö ûnyi gan.

Levitiko 15:5

Ke haba at ame kâlâ hnen hna mokut, hamen he ka hneû anyin je ûkhaû, me soû hnyi köiö, me bo kong ke ne o but sahac.

Levitiko 16:26

Ke hamen at a hna got hobi kö Azazele he ka hneû anyin je ûkhaû, me osûâ ûnyin hnyi köiö, ke hwaban e e ame he ka he hmetu ka hnyi hnyaba.

Levitiko 16:28

Ke hamen at a le degecâ ta je ûnyi e he ka hneû anyin je ûkhaû, me osûâ unyin hnyi köiö, ke hwaban e e ame he ka hmetu ka hnyi hnyaba.

Levitiko 17:15

Ke haba at ame he ka han meno a mok hwege, ame ne kiâ ge ke meno, a aten hnyei, me atkanyua, me, hamen he ka hneû anyin je ûkhaû, me soû hnyi köiö, me bo kong ke ne o but sahac, me me bo so but.

Levitiko 22:6

haba at ame kâlâ ta je ûnyi helâe, me e ame he ka bo kong ke ne o but sahac, kʼ ame ca he ka hnyi han ta je ûnyi ae kap, e ka tiga ca sûâ unyin hnyi köiö.

Zakaria 13:1

HNYI bong eling adre me he ka oâ pupua ka lap anyi Davita me aten Jerusalema hobi kâu hulö me hwakecin ae ikiki.

Numera 19:10

Ke haba at a aoc, hnabadröuiny kau ame he ka hneû anyin je ûkhaû, ke e ame he ka bo kong ke ne o but sahac: ke wale hnanyibu nyiele balua ka lakon Isaraela, me atkanyua ame tha laba unyidra.

Numera 19:19

ke ame he at ae bo so ka dukâiâ at ae bo kong hnyi bong a kuniny me bong a seveniny: kʼ ame he ka obosoâ e hnyi bong a seveniny: ke e ame be ka hneû anyin je ûkhaû, me soû hnyi köiö, kʼ ame he ka bo so hnyi sahac.

Numera 19:7

Me ame he at bihut ka hneû anyin je ûkhaû, me osûâ unyin hnyi köiö, ke hwaban e ame he ka he ka hnyi hnyaba, kʼ ame he at bihut ka bo kong ke ne o but sahac.

Numera 19:8

Ke ame he at a thong e ka hneû anyin je ûkhaû hnyi köiö, me osûâ unyin hnyi köiö, kʼ ame he ka bo kong ke ne o but sahac.

Numera 31:24

Ke öbun e he ka hneû anyibun je ûkhaû hnyi bong a seveniny, mʼ öbun e bo so, ke hwaban e me öbun e he ka dit ka hnyi hna hunuma.

Ioane 13:8

Haingö Peteru kâu, ka habe, U me ca he bala ka hneû li cak. Iesu ame thu kâu, ka habe, Oge ne ca osûö u, me ba jekhom unyik.

Ta je huliwa 22:16

Ke walang ang ieû gam u me bec? todrö, me adre me bapataisoi u, me hneû degecâ ânyâm ta je hulo, me hawâ thö ien.

Heberu 10:22

e so ate me hakekenyâ ge hnyok ae hnathu ame kât hmâ labageju, ke je hnyekuta adre dukâiâ ûnyi hnyi ûnykûm sa ae kong, ke adre hneû je unyita hnyi köiö ae alai:

Heberu 9:10

anyin a hake e thibi (ta je jeû me hnân ic me hna osûâ ae ve bongon), ta je hwakecin unyin, adre otilâ ke ne o but hnyi ûen he ka ohâtâ hmetoâ.

I. Peteru 3:21

wale thibi e hnyi ûhoûcû ae hnathu at ame omeli öbun minya walang ang, a bapataiso, ca ûnyi bi ge hna hneû degecâ ikikiny unyin, ke so bi he ka hnö ge ûnykûm sa ae so ka Khong hnen möt hmetu a Iesu Keriso;

I. Ioane 1:7

ke ate me ne he hnyi melam, helâ me e hnyi melam, awe, ate me tha laba ke at me ke at, kʼ ame hneû degecâ anyita ta je hulo hia thithö hnen dro Iesu a Nokon.

Hna Omanenâ 7:14

Ke haingök kâu, ka habe, Than lö, e khanö u. Me e ame ha könya, ka habe, Ödra ang adre me he but ûnyi hnyi vec ae gan hmâ, ke adre me hneû anyidra je ûkhaû, me ohaûâ hnyi dren Arenio.