Levitiko 10:3 - Iaai Bible 1901 (New Caledonia)

³ Ke haingö Mose kö Arona, ka habe, haba ûnyi ang waleji ame ha Iehova, ka habe, Ame he ka okabi nya ge tavat adre me hakekeny könya, kʼ adre me he ka oganö nya hnyi hnyimakan tavat hia. Ke haba Arona ame ca fuc.

Levitiko 10:3 ပူးပေါင်းရင်းမြစ်များ

Genese 18:25

Ö u ca he ka ânyâ helâe, wale he ka tha omoko tavat ae wisa me tavat ae kong, me me tha ûcû at ae wisa me at ae kong. Ö u ca he ka helâe: hawa ame ca he at owisa hmeledrany hia ka ânyâ wisa?

Jobu 2:10

Me haingen ka momo, ka habe, E ûcû ifucâm me ifucin ke momo ae monu. Hawa? ate me he ka kap so ûnyi ge Khong, ke ate me ca he minya bi he ka kap ûnyi ae kong? Haba hnyi ta je ûnyi hia thithö eling a ca monu bi Jobu hnen li esongodiny.

Salamo 119:120

Ame öbubuny vik ge hnok hna outö u; Ke iny ot ge hnâm ta je hna owisa.

Salamo 148:14

Ke e ame hia but ogöranyâ faoiny meno anyin lakeiny, Wale hna ogânâ hnen anyin wakap. A hnen laku Isaraela, hnyei ae hakekeny kâu. Oganö Ja thʼ öbun.

Salamo 39:10

Hom but gak hna kuc nya gam: Oge me aû hut ge hna ûkûc hnen benyâm.

Salamo 39:9

Oge me hum but, oge me ca khong hnyimök; Anyin a u thibi at a ânyâ.

Salamo 46:10

Më soju, ke khanʼ öbun dö a inya thibi Khong: Oge me he ka beönua hnyi ta je hnyei, oge me he ka beönua eang hmeledrany.

Salamo 89:7

Wale Khong adre outen hnyi ûkhacaköu anyin wakap, Me hnân outen hudra hia adre me laba igigilö e?

Salamo 93:5

E hnathu hmönyin hnâm ta je hna ohnatho: E ûcû hwakecin ae kap ka hnyi umâm uma, Ke ne o but nyiele balua, Iehova.

Esodo 14:17

Ke haba inya oge me he bi nya ka onâkâ hnyekon at Aigupito, kʼ adre me he ka hnu hotudra ka hnyin: kʼ oge me he ka oganö nya bi ga Farao, me anyin je vat hia, me anyin je kariota, me anyin je hnyat tabö hos.

Esodo 14:4

Ke oge me he bi nya ka onâkâ hnyeku Farao, kʼ ame he ka hnu hotudra; kʼ ame he ka oganö nya ga Farao, me anyin je vat hia; kʼ ame he ka khana hnen at Aigupito a inya Iehova. Kʼ adre me ânyâ helâe.

Esodo 19:22

Ke haba tavat bihut odrin e hakekeny kö Iehova, e so odrin e okabi odrin bi, wâ enyi gâ but Iehova ködrin.

Esodo 19:24

Ke Iehova ame ha kâu, ka habe, He thö, utut: ke u ma he hmetu me Arona ka ölö: ke ca ʼ hna tavat bihut me tavat he ka hanyâûâ he ka ölö kö Iehova wâ e nye he ka gâ ködra.

Esodo 30:30

Ke u me he ka hû Arona me lakon, me okabi odrin, mʼ odrin e hnyat bihut könya.

Isaia 39:8

Haba Hezekia ame ha kö Isaia, ka habe, E so hofuc ho Iehova wale u me ha. Ke e ame ha minya, ka habe, Ame he ka hu ûsoköu me hnathu hnyi bonguk ta je bong.

Isaia 49:3

ke e ame ha könya, ka habe, U thibi athnyabaik; a Isaraela, at oge me he ka hmanenang gan.

Isaia 52:11

He thö, he thʼ öbun, he but ûhebun e, ca kâlâ bi ûnyi ae ikiki; he but ûnyi hnyi hnyin e; e so e kalaöt ut öbun, tavat öbun e kap tilâ je kaia anyi Iehova.

Ezekiela 20:41

Oge me he ka köp öbun, helâ me ûnyi ae bo so, iny ka he ka hum öbun unyin ta je hnyei, me ûkhacaköu öbun ûnyi hnyi ta je hnyei waleji adre hia but ovesei öbun ka hnyin; kʼ oge me he ka kap bi ûnyi gabun hnyi hnyimakan ta je hnyei hia.

Ezekiela 28:22

me ha, ka habe, Walang hna ha hnen Than Iehova, ka habe, Wâ bi, ûcûk u Zidona; kʼ adre me he ka oganö nya hnyi wanbâm, mʼ adre me he ka wâ a inya Iehova, iny ka hia but owisa kâu, ke ka hia but okabi nya hnyin.

Ezekiela 38:16

ke u me he ka o ûcon ik hnyei a Isaraela, helâ me ûlâ ame tube hnyei; ame he ka o hnyi je bong a biliny, me oge me he ka oi u ka hnyi ik hnyei, me me wâhmakhmetu u, iny ka kap gam Gog lö, hnyi hnyimakodra.

Ezekiela 40:46

Ke haba hnyeule ame hnyimakan ka hnyi hwadro, me hobi kâu tavat bihut, tavat adre me tuö huliwa hnyi taben hut: ödra je laku Zadoka, a ke je laku Levi, tavat adre hakekenyi Iehova me huliwa kâu.

Ezekiela 42:13

Me e ame ha könya, ka habe, Haba je hnyeule ka hnyi hwadrö, ke je hnyeule ka hnyi hwaiöu cicö wanben, me wale je hnyeule ae kap, wale dok ame he tavat bihut ka an hnyin ta je ûnyi ae ti kap, a tavat adre me hakekeny kö Iehova: ke adre me he ka ip eling je ûnyi ae ti kap, me hudiny han, me hudiny hulo, me hudiny monu; anyin a dok e ae kap.

Levitiko 21:15

Ke e ame ca he ka okongoâ lakon ûnyi hnyi iny hnyei: anyin a inya Iehova at ame okabâ e.

Levitiko 21:17

Ha thö kö Arona, ka habe, Ame ne hu mâtrânâm hnyi anyidra je dö ae hu hnyikongon unyin, me e ame ca he ka hakekeny he ka hnyi hudo an Khongon.

Levitiko 21:21

e ba at hnyi je mâtrâni Arona at bihut, ame he ka hakekeny ka hudo je hut a an hnen meic kö Iehova a ne hu hnyikongon unyin: e at ae hu hnyikongon; e ame ca he ka hakekeny he ka hudo an Khongon.

Levitiko 21:6

Odrin hnyat ae kap ka Khongudrin, ke odrin e ca he ka okongoâ ien Khongudrin: anyin a odrin e hudo je hut a an hnen meic kö Iehova, a an Khongudrin: anyin a wale odrin e he ka kap.

Levitiko 21:8

Ke u me he ka okabi odrin: anyin a odrin hnyat hudo an Khongom: odrin hnyat ae kap köu: anyin a inya Iehova ae kap at ame okabi öbun.

Levitiko 22:9

Anyin a wale odrin e he ka tuö hnok je hna hûna, me me ca takû odrin hnen hulö, me mok can e, odrin ka he ka okongoâ: Inya Iehova at ame okabi odrin.

Levitiko 8:35

Hamöbun he ka laba hnyi hwanumen uma ûkhacaköu seven ta bong hnyi lany me lit, me tuö hna hûna hnö Iehova wâ öbun nye mokcu: anyin adre hûna helâe könya.

Numera 16:5

ke e ame ha kö Kora mödrin hia a tha e mē, ka habe, Nyi ame he Iehova ka omanenâ lahien, me tavat ae i kap, me ohakekenyâ kâu: eke, haba at e ame ûca me e ame he ka ohakekenyâ kâu.

Numera 20:12

Ke Iehova ame ha kö Mose me Arona, ka habe, Anyin a öbu me ca labageju könya he ka okabi nya hnyi hnyimakan lakon Isaraela, awe, öbu me ca he ka hom ûkhacaköu eang ka hnyi hnyei oge hia but ham ködra.

Mataio 10:37

Haba at ame betenge ka kamen me hinyen huk, me ca ûcû könya; ke haba at ame betenge ka nokon baga me nokon hlo huk, me ca ûcû könya.

Ioane 12:28

Cica lö, ogânâ thö iâm. Me ame o but hofuc ûnyi hnyi drany, ka habe Oge hia but ogânâ, ke oge me he hmetu ka ogânâ.

Ioane 14:13

Ke haba ta je ûnyi hia thithö öbun e he ka sumâtâ hnyi iök, me oge me he ka ânyâ me me he ka ogânâ Kamen hnen Nokon.

Deuteronomi 32:51

anyin a öbu monu könya hnyi wanben lakon Isaraela, hnyi an; Meriba hnyi Kadesi, hnyi hnyebuba Zin: can obe ca okabi nya unyin lakon Isaraela.

II. Thesalonika. 1:10

e ka o me me ogânâ e hnen anyin wakap, me he ka lâiâ gan hnyi bong eling hnen tavat hia adre me labageju (anyin a öbun e kap hnöhmun hna thumetu öbun).

I. Peteru 4:17

Anyin a walang ûen dut he ka ûhnei hwân hnyi uma umen Khong: ke ame ne hwân unyita, ieû obiny ka tavat adre oûnyibâûâ ûthumetu ae so anyin Khong?

I. Samuela 2:30

Anyin a wale ame ha Iehova Khongon at Isaraela, ka habe, Oge ha a gʼ ame he ânyâm lap me lap anyin lakâmâm ka he hnyi hnyimakök nyiele balua: ke walang ang haingö Iehova, Hûkötiânök; anyin oge me he ka ogânʼ ödrin hnyat ödrin e oganö nya, ke oge me he ka hmehma gadrin hnyat ödrin e hûkötiö nya.

I. Samuela 3:18

Ke Samuela ame thumeto ge ta je ûnyi hia, ke ame ca ikhâlâ gan khaca. Ke haingen, ka habe, E bi Iehova, hamen he ka ânyâ ûnyi ae so hnyi hnyimakan.

I. Samuela 6:20

Me ame ha at Bethe-semes, ka habe, Ie at ae khana he ka töt hnyi hnyimakö Iehova, Khong ae kap eang? Ke e ame he ka ölö kö ia gatin?