Levitiko 10:1 - Iaai Bible 1901 (New Caledonia)

¹ KE haba Nadaba me Abiu, li laku Arona, ödru me ve hom anyidru li taben meic, me hû meic hnyin, me ip ûnyi ae bo so hon, me hudo meic ae ke bongon bi hnyi hnyimakö Iehova, waleji e ame ca hûna ködrin.

Levitiko 10:1 ပူးပေါင်းရင်းမြစ်များ

I. Je Than 18:38

Me ame kolu but meic hlögu Iehova, me thong hudiny leû, me je utö me veto, me kânâ, me ame cem degecâ minya köiö hnyi thop.

Salamo 141:2

E so e tethmâ hijik hic hnyi hnyimâkâm helâ me uto ae bo so; Ke hna ogöranyâ li hnyamok, helâ me hut adre me hudo hnyi je sahac.

Esodo 24:1

KE e ame ha kö Mose, ka habe, Ölö thö kö Iehova, u, me Arona, me Nadaba, me Abiu, me wahingatiny Isaraela a sevente; ke öbun e he ka khudrung sâkâû:

Esodo 24:9

Ke haba Mose ame tha ölö me Arona, me Nadaba, me Abiu, me wahingatiny at Isaraela a sevonte:

Esodo 27:3

Ke u me he ka ânyâ je taben hnabadröuiny, me je soi, me je kaiainy, me je bâletiny hnân sēû utiö, me je taben meic, u me he ka ânyâ je taben hia a bras.

Esodo 28:1

KE hom dö köu Arona a tuhâm me je lakon a tha odrin me, ûnyi hnyi lakon Isaraela, mʼ odrin e he ka huliwa könya hnyi je hanymen at bi hut; Arona, me Nadaba, me Abiu, me Eleazara, me Ithamara, a je laku Arona.

Esodo 31:11

me wakaco hnân hû, me je ûnyi ae bo so hnân le hobi kâu dok ae kap: adre me he ka ânyâ hoton hnök hna hûna köu hia thithö.

Esodo 37:29

Ke e ame ânyâ wakaco hnân hû ae kap, me ûnyi ae ûnyi hnathu ae bo so hnân le, hoton ihuliwainy at ame bi wakaco.

Esodo 38:3

Ke e ame ânyâ je omjehen taben hut hia, a je ot, me je soi, me je kaia, me je bâlet hnân seû utiö, me je taben meic; e ame ânyâ je omjehen hia ge bras.

Esodo 40:27

ke e ame le ûnyi ae bo so hon; helâ me Iehova ame hûna kö Mose.

Esodo 6:23

Ke Arona ame hum Eliseba noku Aminadaba, hani Nasona, me âiân; ke ame hnöku Nadaba, me Abiu, me Eleazara, me Ithamaza.

Esodo 8:27

Ohmun e he ka he hnyi kun ta bong ka hnyi hnyebuba he ka bi hut kö Iehova Khonguhmun, hoton hnen hna hûna köhmun.

Jeremia 19:5

me op je dok ae gorany anyi Baala, he ka thong je lakudra ge meic hnân hudiny leû kö Baala; waleji oge ca hûna, ke oge ca ha, ke oge ca ûnykûme;

Jeremia 32:35

Ke adre me otilâ je dok ae gorany anyi Baala, hnyigöulen bucen anyin nöku Hinom, me kunâ je lakudra obaga me wahlu ka he hnyi wanben meic kö Moleka; waleji a oge ca ûkhûnöng, ke oge ca ûnykûme, agʼ adre me he ka ânyâ ûnyi eling ae ikiki; he ka oâ hulo ge at Juda.

Jeremia 44:15

Me ame thu kö Jeremia hnen ta je baga hia tavat ae khanʼ ödra a haba laöiödra adre me leû utö ae bo so ka ke je khong, me je momo hia adre me ûtitilen, a ûkhacaköu ae gan hmâ, me tavat hia adre me laba hnyi Aigupito, hnyi Patherusi me ha, ka habe,

Jeremia 44:8

me ame ohmönyini nya hnen ta je huliwa anyin li hnyamöbun, öbun e leû utö ae bo so ka ke je khong bi hnyi hnyei Aigupito, wale öbun e he ka hnyin he ka me labā; me adre me he ka subâ degeci öbun, me öbun e he ka hnân hangâ me haikongoâ unyin ta je hnyei hia thithö eang hmeledrany?

Jeremia 7:31

Ke adre me op ta je dok ae göranyin Tofet, ae hnyin hnyigöulen bucen anyin je laku Hinom, me adre me thong je lakudra baga me hlu hnyi meic; waleji oge ca ûkhûnöng, ke oge ca ûnykûme.

Levitiko 16:1

KE Iehova ame ha kö Mose, hwaban imekiny li laku Arona, hnyi hnödru hna bi hut hnyi hnyimakö Iehova, me ödru me mokcu;

Levitiko 16:12

ke e ame he ka ounöngötâ taben meic ge je walep ae möt ûnyi hnyi taben hut hnyi hnyimakö Iehova, me olo aoc ûnyi ae bo so hnân leû adre kokot ûhnyûkongo, me hom hoton singiny mano:

Levitiko 22:9

Anyin a wale odrin e he ka tuö hnok je hna hûna, me me ca takû odrin hnen hulö, me mok can e, odrin ka he ka okongoâ: Inya Iehova at ame okabi odrin.

Levitiko 9:24

Ke ame he but meic ûheny ûnyi Iehova me le avâ hudiny leû, me pipikhenya hon taben hut; ke a wâ but e ge tavat hia, me adre me hongot, me ta ju hnyikânâi.

Numera 16:46

Ke haba Mose ame ha kö Arona, ka habe, Hom dö ânyâm taben meic ûnyi hnyi hon taben hut, me auk ûnyi ae bo so, me ie wadring dö ka ûkhacaköu, me bi hwaban anyidra möt: anyin ame o hmönyin ûnyi ga Iehova; ke ame hwân dö mok ae gan.

Numera 26:61

Ke a mokcu Nadaba me Abihu hnyi hnödru hna hudo meic ae ke bongon bi hnyi hnyimakö Iehova.

Numera 4:18

Ca he öbu ka hna subâ tribuiny lap anyi Kohatha unyin at Levi:

Deuteronomi 12:32

Haba ta je ûnyi hia oge me hûna köbun, me öbun e he ka tuö me ânyâ: u me ca he ka bi hanen ka hnyin, me ohia hanen.

Deuteronomi 17:3

kʼ ame he me bi athnyabainy ke je khong me khudrung ködrin, ame ne seûno, ame ne tehi, ame ne ke ûnyi hnyi drany, wale oge ca hûna;

Deuteronomi 4:2

Ca he öbun ka bi hanen ka hnyi hofuc oge me hûna köbun, ke ca ohia ke hanen, mʼ öbun e he ka löng hoton je hna hûna hnö Iehova Khongubun wale oge me hûna köbun.

Heberu 9:4

ke eling taben meic gol, me tangen ûhihi-nyköu adre tube ge gol, ke eû hnyin e kaia gol ae hu mana hnyin, me uci anyi Arona ame vhong, me li taben ûhihinyköu;