Levitiko 1:9 - Iaai Bible 1901 (New Caledonia)

⁹ ke haba tang tiny me je can, e ame he ka hneû hnyi köiö: kʼ ame he at bihut ka tha le hia hon taben hut, me me hut adre le, hut a an hnen meic, ûnyi ae bo so kö Iehova.

Levitiko 1:9 ပူးပေါင်းရင်းမြစ်များ

Genese 8:21

Ke Iehova ame löng bunen ae bo; ke haingö Iehova eû hnyi hnyekon, ka habe, Oge me ca he hmetu ka hangâ kânâ can at, anyin ae kong weny hnyekon at hwân ke tiga wanakat; ke oge me ca he hmetu ka hhngâ ta je ûnyi hia ae möt, helâji me hnök hna ânyâ.

I. Man Ûlabainy Je Than. 6:34

baga nöku Elekana, baga nöku Jerohama, baga nöku Eliela, baga nöku Toa;

II. Man Ûlabainy Je Than. 4:6

Ke e ame ânyâ je taben soû a ten, kʼ ame ip thabûng hnyi metâ, ke thabung hnyi me, hnân soû hnyin: kʼ adre me hneû eling je ûnyi hnân hudiny leû: ke haba taben köiö, me, hnân sûen tavat bihut.

Salamo 51:6

Wâ bi, e bewem hnathu eû hnyi hnyok. Ke u me he ka okhanö nya ge metâ hnyi dok ae iyong.

Salamo 66:15

Oge me he ka hudo köu je hudiny leû ae pipikhenya, Me ûnyi ae bo so hanen je mamoe baga; Oge me he ka tha hudo je bolok me je got. [Sela.

Esodo 12:9

Ca he öbun ka han hât, kʼ ame ne ölâ hnyi köiö, ke so bi he ka le ge meic; wale ban me je can me önyen hnyekon.

Esodo 29:18

Ke u me he ka tha le hia mamoe baga hon taben hut; wale hut hnân le kö Iehova: wale hut ae bo so, me hut a le ge meic kö Iehova.

Esodo 29:25

Ke u me he ka hom je ûnyi e ûnyi hnyi je hnyamödrin, me le hon taben hut hnân hut adre le, e me bo so hnyi hnyimakö Iehova.

Jeremia 4:14

Jerusalema lö, hneû but hnyekom wale hwakecâm ae kong, me u me he ka mot. Ame he ka mokut eû hnyekom je hna ûnykûme ae kong ke ne o but kehö?

Ezekiela 20:28

Anyin a hnyi ûen oge me hum ödra ka hnyi hnyei, waleji oge me hinöbeny göranyai he ka ham kodra, kʼ adre me wâ je hut hia ae beû, ke je ûö hia ae hlau, me adre me hudo eling anyidra je hut, me ham eling anyidra bwihlany at ame okûâ hmonyin, ke adre me obosoâ anyidra bo so, ke adre me hingâlâ eling hudiny anyi dra ic.

Ezekiela 20:41

Oge me he ka köp öbun, helâ me ûnyi ae bo so, iny ka he ka hum öbun unyin ta je hnyei, me ûkhacaköu öbun ûnyi hnyi ta je hnyei waleji adre hia but ovesei öbun ka hnyin; kʼ oge me he ka kap bi ûnyi gabun hnyi hnyimakan ta je hnyei hia.

Ezekiela 40:38

Ke e hu hnyeule me hwanumen hnyi baten je hmolominy hnyi je homagöule; kʼ adre me hneû je hudiny leû eling.

Levitiko 1:13

ke haba tang tiny me je can e ame he ka hneû hnyi köiö: kʼ ame he at bihut ka hudo hia thithö, me le hon taben hut; wale hut adre le, hut a an ge meic, ûnyi ae bo so kö Iehova.

Levitiko 1:17

ke e ame he ka kia e hnyi li bajebenyin, kʼ ame ca he ka kia luâ: kʼ ame he at bihut ka le hon taben hut, wale hon hna meic: haba e me hut adre le, hut a an hnen meic ae bo so kö Iehova.

Levitiko 2:16

Kʼ ame he at bihut ka le öunykûmiâ, a ke keihen hwit adre omomonoâ, me ke keihen wakacoiny, me libanuiny hia: wale hut a an ge meic kö Iehova.

Levitiko 2:2

ke e ame he ka hom e ka laku Arona a hnyat bihut: ke e ame he ka okhaca aoc salawa, me ke keihen wakacoiny, me libanuiny hia; kʼ ame he at bihut ka le e hnân oûnykûmeâ hon taben hut, wale hut a an ge meic, ae bo so kö Iehova:

Levitiko 2:9

Kʼ ame he at bihut ka hom ke keihen hudiny han me hnân oûnykûmiâ, me le hon taben hut: wale hut a an hnen meic, ae bo so kö Iehova.

Levitiko 3:11

Kʼ ame he at bihut ka le hon taben hut: wale jeûiny hut a an ge meic kö Iehova.

Levitiko 3:5

Kʼ ame he laku Arona ka le ûnyi e hon taben bi hut, hon hut hnân le hnyi hna hû meic: wale hut a an hnen meic, ae bo so kö Iehova.

Levitiko 4:31

Ke e ame he ka hom pipikhenyainy hia, helâ me hna hom pipikhenyainy hudiny ole; kʼ ame he at bihut ka le e hon taben hut me me bo so kö Iehova; ke ame he at bihut ka bi hwaban anyin möt, kʼ adre me he ka thang degecâ anyin hulö.

Levitiko 6:14

Ke walang hnanyibuiny hudiny han: ame he laku Arona ka hudo e hnyi hnyimakö Iehova, cicö taben hut.

Levitiko 8:21

Ke e ame hneû tang tiny ge köiö, me je can; ke Mose ame tha le hia mamoe baga hon taben hut, wale hut adre le hnân bo so, me hut a an hnen meic kö Iehova: helâ me Iehova ame hûna kö Mose.

Levitiko 8:28

Ke Mose ame kap je ûnyi e ûnyi hnyi je hnyamödrin me le hon taben hut hon hudiny leû: wale hudiny otilâ a hnân bo so: wale hut a an ge meic kö Iehova.

Levitiko 9:14

Ke e ame hneû tang tiny, me je can, me le hon hudiny leû hon taben hut.

Zakaria 13:7

Hele vat lö, hmak dö ka at ame tuö mamoe könya, me ûcon at ae ûcû mönya, haingö Iehova tuhan sabaoth: kot dö at ame tuö mamoe, me ame he ka ve se but ta je mamoe; ke oge me he ka wia hnyamök ka tavat ae ûhnyûkong.

Numera 15:3

ke öbun ka he ka bi hut a an ge meic kö Iehova, ame ne hudiny leû, ame ne hudiny thamuö khöbi, ame ne hudiny ibetengiö, ame ne hnyi anyibun je bijeû adre thu, me me bo so kö Iehova, ame ne kau, ame ne mamoe:

Numera 28:11

Ke haba hnyi hnyimakan anyibun je tehi me öbun e he ka hudo hudiny leû kö Iehova: a lo li nak bolok, ke khaca mamoe baga, ke seven ta lakon mamoe baga ae ba hnyikongon, a khaca hunainy;

Numera 28:7

Ke haba hudiny ic, me ke keihen a vakiny hin hnân bi hanen nokon mamoe a khaca: u me he ka hingâlâ but waina ae hwege kö Iehova hnyi dok ae kap hnân hudiny ic.

Numera 28:8

Ke haba nokon mamoe a loiny me u me he ka hudo hnyi sahac: helâ me hudiny han hnyi hnyomakatu u me he ka hudo e, ke helâe hudiny ic, me hut a an ge meic ae bo so kö Iehova.

II. Korinito 2:15

Anyin a öhmun ang bunen ae hnebwia anyin Keriso ka Khong can tavat adre omelö, ke tavat adre me hnaûhango;

Efeso 5:2

ke he bala hnyi ibetengiö, helâ me Keriso ame betenge köbun, ame ka ham e hobi köta, hnân hut, ke hut adre hlingâ, wale ûnyi ae bo so ka Khong.

Deuteronomi 12:27

ke u me he ka hudo ânyâm je hudiny leû, a utiö me dra hon taben hut kö Iehova Khongom; ke adre me he ka hingâlâ dren ânyâm je hut hon taben hut anyi Iehova Khongom, ke u me he ka han utioiny.

Filipi 4:18

Ke hu but gak ta je ûnyi hia ke se hia: ke iny unöngöt dö, anyin oge hia but kap ûnyi ga Epaferodito ta je ûnyi ûnyi gabun, wale bunen ae bo so, wale hut hnân kap, ame osenyinâ Khong.