Levitiko 1:5 - Iaai Bible 1901 (New Caledonia)

⁵ Ke e ame he ka hlingâ bolok hnyi hnyimakö Iehova: ke hamen hnyat bihut, a je laku Arona, he ka hom dren, me dukâiâ igigilö ge dra wale hon taben hut a e hyni hwanumen uma ûkhacaköu.

Levitiko 1:5 ပူးပေါင်းရင်းမြစ်များ

II. Man Ûlabainy Je Than. 35:11

Ke ödrin e hlingâ paseka, ke haba tavat bihut ödrin e dukâiâ ge je hpyamödrin, ke haba at Levi ödrin e uja.

Esodo 29:11

Ke u me he ka hlingâ bolok hnyi hnyimakö Iehova hnyi hwanumen uma hnân ûkhaeaköu.

Esodo 29:16

Ke u me he ka hlingâ mamoe baga, me hom dren, me dukâiâ hon taben hut igigilö.

Esodo 40:6

Ke u me he ka ip taben leû hut cicö hwanumen uma mano a uma ûkhacaköu.

Isaia 52:15

helâe e ame he ka dukâiâ je hnyei ae se hia; ame he ta je than ka laba hum gan: anyin adre me he ka wâ ûnyi adre me tiga ca thumetu ödra gan; ke adre me he ka wâ ûnykûme ûnyi adre me tiga ca long.

Ezekiela 36:25

Ke oge me he ka dukâiʼ öbun ge köiö ae alai mʼ öbun e he ka kalaöt ut: ke oge me he ka obosoi öbun ûnyi hnyi hwakecibun ae ikiki hia, me khongubun je khong hia.

Ezekiela 43:18

Ke e ame ha könya, ka habe, Nokon at lö, Walang hna ha hnen Than Iehova, ka habe, Wale je hnanyibuiny taben hut hnyi bong adre me he ka tibet e hnyin, hnân hudo hnyin e je hudiny leû, me dukâiâ dra ka hnyi hon.

Levitiko 1:11

Ke hamen he ka hlingâ e hnyi ke keihen taben hut ka hnyi hwadrö hnyi hnyimakö Iehova: ke hamen hnyat bihut a laku Arona, he ka dukâiâ igigilö ge dren hon taben hut.

Levitiko 1:15

Kʼ ame he at bihut ka hom e ka hnyi taben hut, me ken degecâ ban, me le hon taben hut; kʼ adre me he ka owa dren ka hnyi ke keihen taben hut:

Levitiko 16:15

Ke e ame he ka hlingâ got hnân hudiny hulö hobi kâu tavat, me hom dren ka hnyi hoton singiny mano, me ânyâ dren e helâ me hnen hna ânyâ dren bolok, me dukâiâ e hon taben ibetengiö me hnyi hnyimakan taben ibetengiö:

Levitiko 17:11

Anyin a e hnyi dra melen unyin: ke oge hia but ham e köbun hon taben hut, me me bi hwaban anyibun möt: anyin a haba dra, me, wale at ame bi hwaban möt, anyin ae hu möt hnyin.

Levitiko 3:13

Ke e ame he ka ip hnyamen hon ban, me hlingâ hnyi hnyimakan uma ûkhacaköu: kʼ ame be laku Arona ka dukâiâ dren igigilö hon taben hut.

Levitiko 3:2

Ke e ame he ka ip hnyamen hon ban anyin hut me hlingâ hnyi hwanumen uma ûkhacaköu: kʼ ame he laku Arona hnyat bihut ka dukâiâ dren igigilö hnyi hon taben hut.

Levitiko 3:8

ke e ame he ka ip hnyamen hon ban anyin hut me hlingâ e hnyi hnyimakan uma ûkhacaköu, kʼ ame he laku Arona ka dukâiâ dra igigilö hon taben bi hut.

Levitiko 4:29

Ke e ame he ka ip hnyamen hon ban hudiny hulö, me hlingâ hudiny hulö hnyi dok adre le hnyin hudiny leû.

Levitiko 4:33

Ke e ame he ka ip hnyamen hon ban hudiny hulö, me hlingâ e hnyi dok adre me labö hlingâ hnyin hudiny leû.

Levitiko 4:7

Ke ame he at bihut ka kina dra eling hon je baitoiny taben leû ûnyi ae bo so hnyi hnyimakö Iehova, a e hnyin uma hnân ûkhacaköu: ke e ame he ka hingâlâ hia dren bolok eû hmelen taben leû hut, wale hnyi hwanumen uma ukhacaköu.

Mika 6:6

Ieû oge me he ka oâ hnyi hnyimakö Iehova, ke khudrung ka Khong ae beonuâ? hawa, oge me he ka hom kâu je hudiny leû, je nak kau a khaca hunainy?

Numera 18:17

Ke haba nokon kau a bân, me nokan mamoe a bân, me nokon got a bân, me u me ca he ka bi hnen; ödra kap: ke u me he ka dukâiâ taben hut ge drödrin, me le pipikhenyaidrin hnân hut a an ge meic, me hnân bo so kö Iehova.

Heberu 10:11

Ke haba tavat bihut hia, me adre me tot hnyi je bong balua me bi athnyaba, me hudo bala je hut a khaca ien, wale a ca khana he ka ohia hulo:

Heberu 12:24

ke kö Iesu at ame ûsoköuâ hnyi ûhihinyköu ae teb ûnyi, ke ka hnyi dra hnân dukâiâ, kʼ ame ha ta je ûnyi ae nua hon drö Abela.

I. Peteru 1:2

tavat adre me ûca hoton hna wâbânâ hnen Khong a Kamen adrem, ûnyi ge hna okabâ ge Hanu, he ka löng hoton e, me dukâiâ hnen dro Iesu Keriso: E so e unyibun ibetengiö baû, me ûsoköu ae gan hmâ.

I. Samuela 1:25

Ke ödrin e hlingâ bolok, me hom wanakat kö Eli.